ថ្លែងមតិនៅសន្និសីទនេះ នាយករដ្ឋមន្ត្រី លោក Pham Minh Chinh បានទទួលស្គាល់ការខិតខំប្រឹងប្រែងរបស់តំបន់ និងវាយតម្លៃខ្ពស់ចំពោះការរួមចំណែករបស់តំបន់ចំពោះសេដ្ឋកិច្ចសង្គមរបស់ប្រទេសជាតិ។ នាពេលខាងមុខ លោកនាយករដ្ឋមន្ត្រីបានស្នើឲ្យមានការអនុវត្តផែនការ និងអភិវឌ្ឍន៍សេដ្ឋកិច្ចសង្គមនៅតំបន់ដីសណ្ដទន្លេក្រហម ដោយមានការតភ្ជាប់ មានរបកគំហើញ គ្រប់ជ្រុងជ្រោយ និរន្តរភាព និងប្រពៃណី។ ដោយធានាការសម្របសម្រួល និងទំនាក់ទំនងក្នុងតំបន់ប្រកបដោយប្រសិទ្ធភាព; ធានាសន្តិសុខថាមពល សន្តិសុខស្បៀង សន្តិសុខប្រភពទឹក; ធានាការរួមផ្សំគ្នាយ៉ាងជិតស្និទ្ធរវាងការអភិវឌ្ឍសេដ្ឋកិច្ចសង្គម និងធានាការពារជាតិ និងសន្តិសុខព្រំដែនសមុទ្រ និងកោះ;  រក្សាស្ថិរភាពនយោបាយ និងសណ្តាប់ធ្នាប់សង្គម។

ទាក់ទិននឹងការងារ និងដំណោះស្រាយសំខាន់ៗ លោកនាយករដ្ឋមន្ត្រីបានស្នើឱ្យបង្កើតជាបន្ទាន់ ផែនការអនុវត្តផែនការមេថ្នាក់តំបន់ ក្នុងស្មារតី “គោលនយោបាយបើកចំហ ហេដ្ឋារចនាសម្ព័ន្ធច្បាស់លាស់ និងការគ្រប់គ្រងឆ្លាតវៃ”។ ម្យ៉ាងវិញទៀត ផ្តោតលើការរៀបចំរចនាសម្ព័ន្ធវិស័យសេដ្ឋកិច្ចឡើងវិញ បង្កើតគំរូកំណើនប្រកបដោយភាពច្នៃប្រឌិតក្នុងទិសដៅទំនើប ផ្តល់អាទិភាពដល់ការអភិវឌ្ឍវិស័យមានសក្កានុពល ប៉ុន្តែមិនមានការលះបង់សន្តិសុខសង្គម ឬបរិស្ថានជាថ្នូរនឹងកំណើនសុទ្ធទាល់តែសោះ៕