ក្នុងពេលជាមួយគ្នានោះ កាសែត Hankuk Kyongjae បានចុះផ្សាយអត្ថបទ "ទីកន្លែងល្អសម្រាប់រោងចក្រ semiconductor" ដែលបានបញ្ជាក់ថា វៀតណាមកំពុងព្យាយាមទាក់ទាញការវិនិយោគនៅក្នុងវិស័យ semiconductor របស់កូរ៉េខាងត្បូង។ ក្នុងដំណើរទស្សនកិច្ចនៅកូរ៉េខាងត្បូង ចាប់ពីថ្ងៃទី៣០ ខែមិថុនា ដល់ថ្ងៃទី៣ ខែកក្កដា នាយករដ្ឋមន្ត្រី លោក Pham Minh Chinh បានជួបជាមួយប្រធានក្រុមហ៊ុន Samsung Electronics លោក Lee Jae-yong និងបានលើកឡើងអំពីផែនការទាក់ទាញការវិនិយោគក្នុងវិស័យ semiconductor ហើយបន្ទាប់មកបានទៅទស្សនារោងចក្រ semiconductor របស់ Samsung នៅ Pyeongtaek។ ខេត្ត Bac Giang របស់វៀតណាមត្រូវបានលើកឡើង ជាទីតាំងវិនិយោគជួរមុខ។ កាសែត Hankuk Kyongjae បានដកស្រង់សម្តីប្រធានក្រុមហ៊ុន Samsung លោក Lee Jae-yong ថា ក្រុមហ៊ុនគ្រោងនឹងវិនិយោគលើវិស័យអេក្រង់ ហើយក្នុងរយៈពេល ៣ ឆ្នាំខាងមុខ វៀតណាមនឹងក្លាយជាមូលដ្ឋានផលិតអេក្រង់ធំជាងគេបំផុតនៅលើពិភពលោក៕