អគ្គលេខាបក្សកុម្មុយនិស្តវៀតណាមលោក តូ ឡឹម ថ្លែងនៅកិច្ចប្រជុំ។ (រូបថត៖ VNA)

នាព្រឹកថ្ងៃទី២៧ ខែកុម្ភៈ ឆ្នាំ២០២៥ នៅទីក្រុងហាណូយ អគ្គលេខាបក្សកុម្មុយនិស្តវៀតណាមលោក តូ ឡឹម បានអញ្ជើញជាអធិបតីក្នុងកិច្ចប្រជុំជាមួយអនុគណៈកម្មការរៀបចំមហាសន្និបាតបក្សលើកទី១៤ និងគណៈកម្មាធិការដឹកនាំការបូកសរុបរយៈពេល ៤០ឆ្នាំនៃបុព្វហេតុផ្លាស់ប្ដូរថ្មី ដើម្បីផ្តល់យោបល់លើគោលជំហរសំខាន់ៗក្នុងសេចក្តីព្រាងឯកសារដាក់ជូនមហាសន្និបាតបក្សលើកទី១៤។

លោកអគ្គលេខាបក្ស តូ ឡឹម បានស្នើថា៖ ចាំបាច់ត្រូវធ្វើបច្ចុប្បន្នភាព បំពេញបន្ថែម និងធ្វើឲ្យស៊ីជម្រៅថែមទៀតនូវការវាយតម្លៃលទ្ធផលដែលសម្រេចបាន មូលហេតុ និងមេរៀនបទពិសោធន៍បន្ទាប់ពី ៤០ ឆ្នាំនៃបុព្វហេតុផ្លាស់ប្ដូរថ្មី ក៏ដូចជាលទ្ធផលដែលសម្រេចបានក្នុងអាណត្តិមហាសន្និបាតបក្សលើកទី ១៣ ផងដែរ។ រំលេចពីលទ្ធផលដែលយើងទើបតែសម្រេចបាន ដូចជាការរៀបចំ បង្រួមរចនាសម្ព័ន្ធស្ថាប័ន ប្រព័ន្ធនយោបាយ ឬឆ្លុះបញ្ចាំងឱ្យកាន់តែច្បាស់ពីលទ្ធផលនៃការអភិវឌ្ឍសេដ្ឋកិច្ចសង្គមដ៏លេចធ្លោនៅក្នុងប៉ុន្មានឆ្នាំចុងក្រោយនៃអាណត្តិមហាសន្និបាតលើកទី១៣របស់បក្ស។ ទន្ទឹមនឹងនោះ វាយតម្លៃអំពីចំណុចខ្វះខាត បញ្ហានៅសេសសល់ និងបញ្ហាជាប់គាំងក្នុងវិស័យនានា ដោយផ្តោតលើការដោះស្រាយដើម្បីនាំប្រទេសជាតិអភិវឌ្ឍន៍ និងលើកកម្ពស់ជីវភាពរស់នៅរបស់ប្រជាពលរដ្ឋ៕