នៅចំពោះមុខប្រតិភូប្រមាណ ១៥០ នាក់ រួមមានកសិករ សហករណ៍ អាជីវកម្ម និងអ្នកជំនាញ អ្នកវិទ្យាសាស្ត្រ លោកនាយករដ្ឋមន្ត្រី និងថ្នាក់ដឹកនាំក្រសួង និងវិស័យ នានា បានឆ្លើយដោយផ្ទាល់ចំពោះសំណួរជាច្រើនរបស់ប្រជាកសិករ ដែលទាក់ទងនឹង បញ្ហាដូចជា៖ យន្តការ និងគោលនយោបាយសម្រាប់ការស្រាវជ្រាវ ការផ្ទេរ និងការ អនុវត្តវិទ្យាសាស្ត្របច្ចេកវិទ្យាសម្រាប់កសិករ ការជួយឧបត្ថម្ភកសិករ និងសហករណ៍ ឱ្យចូលរួមក្នុងការបណ្តុះបណ្តាលនិងហ្វឹកហ្វឺនស្តីពីជំនាញលក់តាមអ៊ីនធឺណិត ការវិនិ យោគ និងធ្វើឱ្យប្រសើរឡើងនូវហេដ្ឋារចនាសម្ព័ន្ធអ៊ីនធឺណិតនៅតំបន់ឆ្ងាយដាច់ ស្រយាល ការកសាងកម្មវិធីឧបត្ថម្ភដើមទុន និងពន្ធអនុគ្រោះសម្រាប់កសិករ...

លោកនាយករដ្ឋមន្រ្តី ហ្វាម មិញជីញ ថ្លែងមតិដឹកនាំនៅសន្និសីទ។ (រូបថត៖ VNA)

ក្នុងឱកាសនេះ លោកនាយករដ្ឋមន្ត្រីក៏បានសង្កត់ធ្ងន់លើការប្តេជ្ញាចិត្តក្នុងការដក «កាតលឿង» របស់ EC សម្រាប់របរនេសាទវៀតណាមក្នុងឆ្នាំនេះ ដោយបញ្ឈប់ការ នេសាទខុសច្បាប់ មិនបានរាយការណ៍ និងមិនមានបទប្បញ្ញត្តិ (IUU) ដើម្បីអភិវឌ្ឍន៍ ផ្នែកជលផលប្រកបដោយចីរភាព។

“យើងត្រូវតែសហការក្នុងការនេសាទ និងធ្វើអាជីវកម្មដោយស្មោះត្រង់។ នេះគឺ ជាកិត្តិយសរបស់ប្រទេសជាតិ ជាកិត្យានុភាពរបស់ប្រជាជាតិ និងជាជីវភាពរស់នៅ របស់ប្រជាជន។ វាត្រូវតែមានស្ថិរភាព និងមានការធានា។ យើងត្រូវតែធ្វើដោយ ស្របច្បាប់ និងផ្លាស់ប្តូរផ្នត់គំនិតយ៉ាងខ្លាំង”៕