នេះគឺជាព័ត៌មានគួរឱ្យកត់សម្គាល់នៅក្នុងសន្និសិទ
ដែលក្រុមហ៊ុន Amazon Global Selling Vietnam (AGS VN) និងនាយកដ្ឋានពាណិជ្ជកម្មអេឡិចត្រូនិកនិងសេដ្ឋកិច្ចឌីជីថលនៃក្រសួងឧស្សាហកម្ម
និងពាណិជ្ជកម្ម រៀបចំឡើង នា ថ្ងៃទី ២២ ឧសភានៅទីក្រុងហាណូយ។
តួរលេខពីក្រសួងឧស្សាហកម្ម
និងពាណិជ្ជកម្មបង្ហាញថា ក្នុងដំណាក់កាល ២០១៩-២០២៣
សហគ្រាសវៀតណាមបានពង្រីកវិសាលភាពអាជីវកម្មអន្តរជាតិយ៉ាងខ្លាំងក្លា
ដោយចំនួនផលិតផលដែលបានលក់នៅលើផ្លាតហ្វមពាណិជ្ជកម្មអេឡិចត្រូនិក Amazon កើនឡើង ៣ ដង។ ទន្ទឹមនឹងនោះ ចំនួនសហគ្រាសវៀតណាមដែលសម្រេចបានប្រាក់ចំណូល ១
លានដុល្លារអាមេរិកក្នុងមួយឆ្នាំនៅលើ Amazon បានកើនឡើង ១០
ដង។
យោងតាមនាយកដ្ឋានពាណិជ្ជកម្មអេឡិចត្រូនិកនិងសេដ្ឋកិច្ចឌីជីថលនៃក្រសួងឧស្សាហកម្ម
និងពាណិជ្ជកម្មវៀតណាមបានឲ្យដឹងថា
ពាណិជ្ជកម្មអេឡិចត្រូនិករបស់វៀតណាមកំពុងឆ្លងកាត់ដំណាក់កាលនៃការអភិវឌ្ឍយ៉ាងខ្លាំងក្លា
ហើយបានក្លាយទៅជាធាតុផ្សំដ៏សំខាន់នៃសេដ្ឋកិច្ចឌីជីថលនៅវៀតណាម។
ប្រាក់ចំណូលពីការលក់រាយអេឡិចត្រូនិកបានកើនឡើងក្នុងអត្រាជាមធ្យមប្រហែល ២០%
ក្នុងរយៈពេល ១០ ឆ្នាំកន្លងមកនេះ
ដែលនាំវៀតណាមក្លាយទៅជាប្រទេសមួយក្នុងចំណោមប្រទេសដែលមានកំណើនពាណិជ្ជកម្មអេឡិចត្រូនិកលឿនបំផុតនៅក្នុងតំបន់
និងពិភពលោក៕
