ប្រធានរដ្ឋសភាវៀតណាមលោក ត្រិន ថាញ់មិន និងប្រធានរដ្ឋសភាសេណេហ្គាល់ចុះហត្ថលេខាលើកិច្ចព្រមព្រៀងសហប្រតិបត្តិការ។ រូបថត៖ Le Tuyet/VOV
នាព្រឹកថ្ងៃទី ៣១ ខែកក្កដា យន្តហោះដឹកប្រធានរដ្ឋសភាវៀតណាមលោក ត្រិន ថាញ់មិន និងលោកជំទាវ រួមជាមួយគណៈប្រតិភូជាន់ខ្ពស់វៀតណាមបានមកដល់អា កាសយានដ្ឋាន Noi Bai (ហាណូយ) បញ្ចប់ដំណើរទស្សនកិច្ចការងារទៅចូលរួម សន្និសីទប្រធានរដ្ឋសភាពិភពលោកលើកទី ៦ នៅប្រទេសស្វីស; បំពេញសកម្មភាព ទ្វេភាគីនៅស្វីស; បំពេញទស្សនកិច្ចជាផ្លូវការនៅប្រទេសម៉ារ៉ុក និងសេណេហ្គាល់ ចាប់ពីថ្ងៃទី ២២ ដល់ថ្ងៃទី ៣០ ខែកក្កដា។
ប្រធានរដ្ឋសភាវៀតណាម និងប្រធានសភាជាន់ទាបម៉ារ៉ុក ផ្លាស់ប្តូរកិច្ចព្រមព្រៀងសហប្រតិបត្តិការ។ រូបថត៖ Le Tuyet/VOV |
ក្នុងដំណើរបំពេញទស្សនកិច្ចជាផ្លូវការនៅសេណេហ្គាល់ និងម៉ារ៉ុក ប្រធានរដ្ឋ សភាវៀតណាមបានជួបពិភាក្សាការងារ និងជួបសន្ទនាជាមួយថ្នាក់ដឹកនាំជាន់ខ្ពស់នៃ ប្រទេសនីមួយៗ; ចូលរួមកិច្ចសន្ទនាគោលនយោបាយស្ដីពីការជំរុញកិច្ចសហប្រតិបត្តិ ការវៀតណាម-សេណេហ្គាល់; កិច្ចសន្ទនាគោលនយោបាយស្ដីពីការជំរុញកិច្ចសហ ប្រតិបត្តិការវៀតណាម-ម៉ារ៉ុក។ កិច្ចព្រមព្រៀងចំនួន ៨ ត្រូវបានចុះហត្ថលេខានៅ ប្រទេសទាំងពីរ។ នៅប្រទេសស្វីស លោកប្រធានរដ្ឋសភាបានចូលរួមកិច្ចសន្ទនាស្ដីពី “ការកសាង និងប្រតិបត្តិការមជ្ឈមណ្ឌលហិរញ្ញវត្ថុអន្តរជាតិ - អនុសាសន៍សម្រាប់ វៀតណាម”។
ក្នុងក្របខ័ណ្ឌចូលរួមសន្និសីទប្រធានរដ្ឋសភាពិភពលោកលើកទី ៦ នៅស្វីស ប្រធានរដ្ឋសភាវៀតណាមលោក ត្រិន ថាញ់មិន បានផ្ញើសារ “ជំរុញកិច្ចសហប្រតិ បត្តិការ សាមគ្គីភាពសភា និងពហុភាគីនិយម ដើម្បីផលប្រយោជន៍របស់ប្រជាជនទាំង អស់លើពិភពលោក” នៅសម័យប្រជុំពេញអង្គ។ លោកប្រធានរដ្ឋសភាក៏បានជួប ប្រាស្រ័យទ្វេភាគីជាមួយថ្នាក់ដឹកនាំជាន់ខ្ពស់នៃរដ្ឋសភា/សភានៃប្រទេសផ្សេងៗផង ដែរ៕
