ប្រធានរដ្ឋសភាលោក Tran Thanh Man ដឹកនាំសម័យប្រជុំដំបូងនៃក្រុមប្រឹក្សាជាតិរៀបចំការបោះឆ្នោត (រូបថត៖ VNA)

ប្រធានរដ្ឋសភា ប្រធានក្រុមប្រឹក្សាជាតិរៀបចំការបោះឆ្នោត លោក ត្រឹន ថាញ់ មិន អញ្ជើញដឹកនាំសម័យប្រជុំ។ អញ្ជើញថ្លែងមតិក្នុងពិធីបើកសម័យប្រជុំ ប្រធានរដ្ឋសភា និងជាប្រធានក្រុមប្រឹក្សាជាតិរៀបចំការបោះឆ្នោត លោក ត្រឹន ថាញ់ មិន បានអះអាងថា ការបោះឆ្នោតជ្រើសតាំងសមាជិកសភា និងសមាជិកក្រុមប្រឹក្សាប្រជាជនគ្រប់លំដាប់ថ្នាក់ គឺជាព្រឹត្តិការណ៍នយោបាយដ៏សំខាន់របស់ប្រទេសជាតិ សំដៅជ្រើសរើសតំណាងឆ្នើម ដែលតំណាងឱ្យឆន្ទៈ សេចក្តីប្រាថ្នា និងភាពជាម្ចាស់របស់ប្រជាជនក្នុងអាណត្តិរដ្ឋសភា និងក្រុមប្រឹក្សាប្រជាជនគ្រប់លំដាប់ថ្នាក់។

ដោយសង្កត់ធ្ងន់ថា នេះជាសម័យប្រជុំដំបូង ដើម្បីផ្តល់ទិសដៅដ៏ទូលំទូលាយ និងសមស្របសម្រាប់ការរៀបចំការបោះឆ្នោតនាពេលខាងមុខ ប្រធានរដ្ឋសភា លោក ត្រឹន ថាញ់ មិនបានស្នើថា៖ “ត្រូវបង្កើនការងារផ្សព្វផ្សាយ និងឃោសនាទាំងអំឡុងពេលមុនបោះឆ្នោត ក្នុងពេលបោះ ឆ្នោត  និងក្រោយពេលបោះឆ្នោត ជាពិសេសការឃោសនាឱ្យប្រជាជនយល់ដឹងអំពីសិទ្ធិ និងកាតព្វកិច្ចរបស់ប្រជាពលរដ្ឋ ក្នុងការបោះឆ្នោត ឃោសនា ទាំងក្នុងនិងក្រៅប្រទេស។ អាជ្ញាធរត្រូវប្រយុទ្ធយ៉ាងសកម្ម និងការពារបរិយាកាសព័ត៌មានស្អាតបំផុត ជាពិសេសព័ត៌មាននៅលើបណ្តាញសង្គម។ ការងារបុគ្គលិកត្រូវធ្វើយ៉ាងតឹងរ៉ឹង ម៉ឺងម៉ាត់ បរានុម័ត តាមស្តង់ដារ ធានាឱ្យមានរចនាសម្ព័ន្ធ និងសមាមាត្រតំណាងសមហេតុផល “។

ការបោះឆ្នោតជ្រើសតាំងសមាជិកសភានីតិកាលទី ១៦ និងសមាជិកក្រុមប្រឹក្សាប្រជាជនសម្រាប់អាណត្តិ ២០២៥-២០៣១ នឹងប្រព្រឹត្តទៅនៅថ្ងៃទី ១៥ ខែមីនា ឆ្នាំ ២០២៦៕