នារសៀលថ្ងៃទី២៧ ខែមិថុនា ឆ្នាំ២០២៤ នៅវិមានប្រធានរដ្ឋ នៅទីក្រុងហាណូយ ប្រធានរដ្ឋវៀតណាម លោក To Lam បានអញ្ជើញទទួលជួបឯកអគ្គរដ្ឋទូតវិសាមញ្ញ និងពេញសមត្ថភាពអូស្ត្រាលីប្រចាំនៅវៀតណាម លោក Andrew Goledzinowski។
ប្រធានរដ្ឋ លោក To Lam អញ្ជើញទទួលជួបឯកអគ្គរដ្ឋទូតអូស្ត្រាលីប្រចាំនៅវៀតណាម Andrew Goledzinowski (រូបថត៖ Nhan Sang/TTXVN)
ក្នុងជំនួបនេះ ប្រធានរដ្ឋ លោក To Lam មានប្រសាសន៍ថា
ឈរលើក្របខ័ណ្ឌថ្មីនៃភាពជាដៃគូយុទ្ធសាស្ត្រលើគ្រប់ជ្រុងជ្រោយ
ភាគីទាំងពីរត្រូវបង្កើតកម្មវិធីសកម្មភាពយ៉ាងឆាប់ៗ
ជាមួយនឹងផែនការសហប្រតិបត្តិការជាក់ស្តែង ហើយនៅចំពោះមុខ
គឺជំរុញកិច្ចសហប្រតិបត្តិការលើវិស័យដូចជា ការឆ្លើយតបនឹងការប្រែប្រួលអាកាសធាតុ
ថាមពលស្អាត ការផ្លាស់ប្តូរឌីជីថល និងបញ្ញាសិប្បនិម្មិត។ ទន្ទឹមនឹងនោះ
គឺរក្សាការផ្លាស់ប្តូរគណៈប្រតិភូជាន់ខ្ពស់
ពង្រឹងកិច្ចសហប្រតិបត្តិការលើវិស័យការពារជាតិ និងសន្តិសុខ ពាណិជ្ជកម្ម សេដ្ឋកិច្ច
និងការវិនិយោគ។
លោកប្រធានរដ្ឋក៏បានវាយតម្លៃខ្ពស់ចំពោះការបន្តផ្តល់ជំនួយអភិវឌ្ឍន៍ផ្លូវការរបស់អូស្ត្រាលី
(ODA) អាហា រូបករណ៍
និងការពង្រីកទំនាក់ទំនងរវាងសាកលវិទ្យាល័យជាមួយវៀតណាម; សង្ឃឹមថា
អូស្ត្រាលីនឹងបង្កើតលក្ខខណ្ឌអំណោយផលសម្រាប់សហគមន៍ វៀតណាមក្នុងការសិក្សា ការរស់នៅ
និងធ្វើការនៅប្រទេសអូស្ត្រាលី។
រីឯខ្លួនវិញ
ឯកអគ្គរដ្ឋទូតអូស្ត្រាលី Andrew Goledzinowski បានវាយតម្លៃខ្ពស់ចំពោះគោលនយោបាយការបរទេសដើមឬស្សីរបស់វៀតណាម
ដែលបានរួមចំណែកយ៉ាងសកម្មក្នុងការពង្រឹងសន្តិភាព និងស្ថិរភាពក្នុងតំបន់
ហើយលោកបានឲ្យដឹងថា អូស្ត្រាលីសន្យា ចំណាយប្រភពធនធានសម្រាប់តំបន់អាស៊ីអាគ្នេយ៍
ក្នុងនោះមានវៀតណាមផងដែរ៕
តាម VOV5 - វិទ្យុសំឡេងវៀតណាម