ច្បាប់ទាំង ៥ ព្រាងដោយក្រសួងវិទ្យាសាស្ត្រ និងបច្ចេកវិទ្យា ដែលរដ្ឋសភានីតិកាលទី ១៥ ទើបបានអនុម័តក្នុងសម័យប្រជុំលើកទី ៩ រួមមាន៖ ច្បាប់ស្តីពី វិទ្យាសាស្ត្រ បច្ចេកវិទ្យា និងនវានុវត្តន៍; ច្បាប់ស្តីពីឧស្សាហកម្មបច្ចេកវិទ្យា ឌីជីថល; ច្បាប់ស្តីពីវិសោធនកម្មនិងបំពេញបន្ថែមមាត្រាមួយចំនួននៃច្បាប់ស្តីពីថាមពលបរមាណូ។ គួរកត់សម្គាល់ថា ច្បាប់ស្តីពីវិទ្យាសាស្ត្រ បច្ចេកវិទ្យា និងនវានុវត្តន៍ បានបង្ហាញពីការផ្លាស់ប្តូរជាមូលដ្ឋាននៃការត្រិះរិះអភិវឌ្ឍន៍។ នវានុវត្តន៍ត្រូវបានកំណត់ជាកម្លាំងចលករដ៏សំខាន់ក្នុងការលើកកំពស់សមត្ថភាពប្រកួតប្រជែងថ្នាក់ជាតិ ជំរុញការអភិវឌ្ឍន៍សេដ្ឋកិច្ចសង្គម ធានាការពារជាតិ សន្តិសុខ និងលើកកម្ពស់គុណភាពជីវភាពរស់នៅរបស់ប្រជាជន។ លោក Nguyen Phu Hung ប្រធាននាយកដ្ឋានវិទ្យាសាស្ត្រ បច្ចេកទេស និងបច្ចេកវិទ្យា (ក្រសួងវិទ្យាសាស្ត្រ និងបច្ចេកវិទ្យា) បានឲ្យដឹងថា៖ “ច្បាប់ស្តីពីវិទ្យាសាស្ត្រ បច្ចេកវិទ្យា និងនវានុវត្តន៍បន្តបញ្ជាក់ថា ទាំងនេះគឺជាវិស័យស្នូល ដែលជាកម្លាំងចលករសម្រាប់ការអភិវឌ្ឍសេដ្ឋកិច្ចសង្គម ការធានាការពារជាតិនិងសន្តិសុខ និងអាយុជីវិតរបស់ប្រជាជន។ ជាលើកដំបូងហើយ ដែលច្បាប់បានដាក់នវានុវត្តន៍ឱ្យស្មើនឹងវិទ្យាសាស្ត្រនិងបច្ចេកវិទ្យា។ វិទ្យាសាស្ត្រ និងបច្ចេកវិទ្យាបានបង្កើតចំណេះដឹងនិងត្រូវបានបង្កើតឡើងដោយអ្នកស្រាវជ្រាវ និងអ្នកវិទ្យាសាស្ត្រ ចំណែកឯនវានុវត្តន៍គឺដោយប្រជាជនទាំងមូល ប្រែក្លាយចំណេះដឹងទៅជាតម្លៃ នេះជាចំណុចថ្មីនៃច្បាប់នេះ”៕