នាយករដ្ឋមន្ត្រីវៀតណាមលោក ហ្វាម មិញជីញ និងនាយករដ្ឋមន្ត្រី អេស្ប៉ាញ លោក Pedro Sanchez។ (រូបថត៖ VOV)
“វៀតណាមជានិច្ចកាលគោរព និងមានបំណងចង់ពង្រឹងកិច្ចសហប្រតិបត្តិការ ពហុវិស័យជាមួយអេស្ប៉ាញ។ យើងបានបង្កើតទំនាក់ទំនងដៃគូយុទ្ធសាស្ត្រ។ អេស្ប៉ាញក៏ជាដៃគូយុទ្ធសាស្ត្រដំបូងរបស់វៀតណាមនៅអឺរ៉ុប ជាមិត្តដែលបានផ្តល់ឱ្យ វៀតណាមនូវការគាំទ្រដ៏មានតម្លៃ និងស្មោះស្ម័គ្រក្នុងបុព្វហេតុនៃការផ្លាស់ប្តូរថ្មី និង អភិវឌ្ឍន៍ប្រទេសជាតិ។ វៀតណាម និងអេស្ប៉ាញចែករំលែកភាពស្រដៀងគ្នាជាច្រើន ទាក់ទងនឹងវប្បធម៌ ទីតាំងយុទ្ធសាស្ត្រ ប្រពៃណីប្រវត្តិសាស្ត្រដ៏ភ្លឺស្វាងរបស់ប្រជាជាតិ ជាពិសេសគឺវប្បធម៌ដ៏វិសេសវិសាល។ នេះជាមូលដ្ឋានគ្រឹះដ៏សំខាន់សម្រាប់ប្រទេស ទាំងពីរបន្តរួមដំណើរ ចែករំលែក និងគាំទ្រគ្នាទៅវិញទៅមកលើមាគ៌ាអភិវឌ្ឍន៍ និង ពង្រីកកិច្ចសហប្រតិបត្តិការនាពេលអនាគត”។
រីឯខ្លួនវិញ នាយករដ្ឋមន្ត្រីអេស្ប៉ាញលោក Pedro Sanchez បានវាយតំលៃខ្ពស់ ចំពោះសមិទ្ធិផលដែលវៀតណាមសម្រេចបានក្នុងប៉ុន្មានឆ្នាំកន្លងមក; អះអាងថា អេស្ប៉ាញគាំទ្រវៀតណាមជានិច្ចក្នុងដំណើរការអភិវឌ្ឍន៍។ យោងតាមលោកនាយក រដ្ឋមន្ត្រី Pedro Sanchez ប្រទេសទាំងពីរអាចឆ្ពោះទៅរកភាពជាដៃគូយុទ្ធសាស្ត្រគ្រប់ជ្រុងជ្រោយ។
បន្ទាប់ពីជំនួបពិភាក្សា នាយករដ្ឋមន្ត្រីទាំងពីរបានអញ្ជើញធ្វើជាសាក្សីក្នុងពិធី ចុះហត្ថលេខាលើឯកសារសហប្រតិបត្តិការមួយចំនួន។ ថ្លែងក្នុងសន្និសីទសារព័ត៌មាន បន្ទាប់នោះ លោកនាយករដ្ឋមន្ត្រី ហ្វាម មិញជីញ បានមានប្រសាសន៍ថា៖
“ភាគីទាំងពីរបានស្វាគមន៍ចំពោះការចុះហត្ថលេខាលើកម្មវិធីសហប្រតិបត្តិការហិរញ្ញវត្ថុថ្មី ដែលបង្កើតលក្ខខណ្ឌដើម្បីបង្កើនប្រសិទ្ធភាពនៃកិច្ចសហប្រតិបត្តិការវិនិ យោគលើវិស័យដែលប្រទេសទាំងពីរមានសក្តានុពល ប្រៀបខ្លាំង និងតម្រូវការ។ វៀតណាមសង្ឃឹមថា អេស្ប៉ាញនឹងជួយជំរុញប្រទេសដែលនៅសេសសល់នៃសហ ភាពអឺរ៉ុប (EU) អនុម័តលើកិច្ចព្រមព្រៀងការពារការវិនិយោគវៀតណាម - សហភាព អឺរ៉ុប (EVIPA); ជំរុញឱ្យគណៈកម្មការអឺរ៉ុបដក "កាតលឿង" IUU សម្រាប់ជលផលវៀត ណាមឱ្យបានឆាប់។ ជំរុញកិច្ចសហប្រតិបត្តិការលើវិស័យការពារជាតិ និងសន្តិសុខ ដោយឈរលើមូលដ្ឋាននៃកិច្ចព្រមព្រៀងដែលបានចុះហត្ថលេខា; ជំរុញកិច្ចសហ ប្រតិបត្តិការលើវិស័យវិទ្យាសាស្ត្រ បច្ចេកវិទ្យា និងនវានុវត្តន៍ កសិកម្ម និងនេសាទ។ វៀតណាមមានបំណងចង់សហការជាមួយអេស្ប៉ាញក្នុងការបណ្តុះបណ្តាលធនធាន មនុស្សប្រកបដោយគុណភាពខ្ពស់ផងដែរ”។
នារសៀលថ្ងៃដដែល នៅវិមានរដ្ឋសភា ប្រធានរដ្ឋសភាវៀតណាមលោក ត្រិន ថាញ់មិន បានអញ្ជើញជួបសវនាការជាមួយនាយករដ្ឋមន្ត្រីអេស្ប៉ាញលោក Pedro Sanchez៕
