អ្នកដំណើរទី ៣៥០ លាន នេះ នៅលើជើងហោះហើរ VN១៥៤១ ចេញដំណើរ ពីទីក្រុងហាណូយទៅកាន់ទីក្រុង Hue បានចុះចតនៅវេលាម៉ោង ៩:០០ ព្រឹកថ្ងៃទី ៩ កក្កដា ត្រូវបានទទួលស្វាគមន៍ដោយពិធីបាញ់ទឹក ដែលជាពិធីអាកាសចរណ៍ពិសេសសម្រាប់ព្រឹត្តិការណ៍សំខាន់ៗ។

អញ្ជើញចូលរួម និងថ្លែងមតិក្នុងពិធីទទួលស្វាគមន៍ លោក Le Hai Binh អនុរដ្ឋមន្ត្រីក្រសួងវប្បធម៌ កីឡា និងទេសចរណ៍ បានសង្កត់ធ្ងន់ថា ព្រឹត្តិការណ៍នេះបានប្រព្រឹត្តទៅក្នុងឱកាសរំលឹកខួបលើកទី ៦៥ នៃទិវាប្រពៃណីទេសចរណ៍វៀតណាម (៩ កក្កដា ១៩៦០ - ៩ កក្កដា ២០២៥) និងក្នុងក្របខ័ណ្ឌនៃឆ្នាំទេសចរណ៍ជាតិឆ្នាំ ២០២៥។

“ទេសចរណ៍វៀតណាមបានក្លាយជាស្ពានដ៏សំខាន់មួយរវាងវៀតណាម និងពិភពលោក ផ្សារភ្ជាប់យ៉ាងជិតស្និទ្ធជាមួយរូបភាពប្រទេសជាតិ អត្តសញ្ញាណជាតិ និងឋានៈរបស់វៀតណាមនៅលើឆាកអន្តរជាតិ។ បើនិយាយអំពីវិស័យទេសចរណ៍ មិនអាចមិននិយាយដល់ការរួមដំណើរ ការអភិវឌ្ឍ និងតួនាទីពិសេសរបស់វិស័យអាកាសចរណ៍វៀតណាម ជាពិសេសអគ្គក្រុមហ៊ុនអាកាសចរណ៍វៀតណាម Vietnam Airlines។ ទេសចរណ៍និងអាកាសចរ ណ៍មានទំនាក់ទំនងយ៉ាងជិតស្និទ្ធជាមួយគ្នា ជួយគ្នាទៅវិញទៅមកដើម្បីការអភិវឌ្ឍ។ រហូតមកដល់ពេលនេះ ជើងហោះហើរនីមួយៗរបស់ Vietnam Airlines មិនគ្រាន់តែជាមធ្យោបាយធ្វើដំណើរ ហើយក៏មិនត្រឹមតែជើងហោះហើរប៉ុណ្ណោះទេ ថែមទាំងជាកន្លែងប្រាប់រឿងអំពីវៀតណាម ដែលជាកន្លែងផ្សព្វផ្សាយអត្តសញ្ញាណវប្បធម៌របស់វៀតណាម”។

នៅក្នុងព្រឹត្តិការណ៍នេះ ក្រុមហ៊ុនអាកាសចរណ៍វៀតណាមបានសម្របសម្រួលជាមួយគណៈកម្មាធិការប្រជាជនទីក្រុង Hue នាយកដ្ឋានទេសចរណ៍ជាតិ និងមន្ទីរទេសចរណ៍ទីក្រុង ដើម្បីបើកសម្ពោធជាផ្លូវការនូវកម្មវិធី “រាត្រីវេទមន្ត Hue - ស្វែងយល់ដើម្បីសេចក្តីស្រឡាញ់”៕