ក្នុងសុន្ទរកថាបិទ ប្រធានរដ្ឋសភាវៀតណាមលោក ត្រិន ថាញ់មិន បានបញ្ជាក់ថា ក្នុងសម័យប្រជុំលើកនេះ (ចាប់ផ្តើមពីថ្ងៃទី៥ ខែកុម្ភៈ) គណៈកម្មាធិការអចិន្ត្រៃយ៍ រដ្ឋសភាបានពិនិត្យខ្លឹមសារជាច្រើន ក្នុងនោះមានខ្លឹមសារចំនួន ១៦ ដែលត្រូវបានដាក់ ជូនរដ្ឋសភាក្នុងសម័យប្រជុំវិសាមញ្ញលើកទី៩ នៃរដ្ឋសភានីតិកាលទី១៥ (បើកនៅថ្ងៃទី ១២ ខែកុម្ភៈ) និងខ្លឹមសារចំនួន២ ដែលត្រូវបានដាក់ជូនរដ្ឋសភាក្នុងសម័យប្រជុំសាមញ្ញលើកទី៩ ដោយផ្តោតសំខាន់លើការបម្រើការរៀបចំ បង្រួមក្បាលម៉ាស៊ីន។ លើសពីនេះ គណៈកម្មាធិការអចិន្ត្រៃយ៍រដ្ឋសភា ក៏បានផ្តល់យោបល់លើបញ្ហាសំខាន់ៗ និងបន្ទាន់ដែលរដ្ឋាភិបាលបានដាក់ជូន ដើម្បីលុបបំបាត់ការរាំងស្ទះ ជំរុញការអភិវឌ្ឍ សេដ្ឋកិច្ចសង្គម ធានាការពារជាតិ សន្តិសុខ ព្រមទាំងយន្តការ និងគោលនយោបាយ ជាក់លាក់សម្រាប់គម្រោង និងសំណង់មួយចំនួនផងដែរ។

លោកប្រធានរដ្ឋសភាក៏បានស្នើឱ្យស្ថាប័ននានាផ្ដោតលើការរៀបចំ បង្រួមក្បាល ម៉ាស៊ីន ព្រមទាំងម្ចាស់ការអនុវត្តន៍ការងារដើម្បីធានាថា ប្រតិបត្តិការរបស់ស្ថាប័ន និងអង្គការប្រព្រឹត្តទៅដោយរលូន និងគ្មានការរំខាន។ ទន្ទឹមនឹងនោះ អនុវត្តន៍ឱ្យបាន ល្អនូវរបប និងគោលនយោបាយសម្រាប់កម្មាភិបាល មន្ត្រីរដ្ឋការ និងនិយោជិតដែល រងផលប៉ះពាល់ដោយការរៀបចំផងដែរ៕