លោក ឡេ វ៉ាន់ភឿក (Le Van Phuoc)​ អនុប្រធានគណៈកម្មាធិការប្រជាជនខេត្ត និងជាប្រធានគណៈកម្មការជំនាញខេត្តអានយ៉ាង បានសម្តែងក្តីសង្ឃឹមថា ភាគីទាំងពីរនឹងបន្តពង្រឹងការផ្លាស់ប្តូរព័ត៌មាន សម្របសម្រួលយ៉ាងជិតស្និទ្ធ និងបង្កើតលក្ខខណ្ឌអំណោយផលទាំងអស់សម្រាប់កងកម្លាំងដែលមានភារកិច្ចស្វែងរក និងប្រមូលអដ្ឋិធាតុយុទ្ធជនដែលនៅសេសសល់ក្នុងតំបន់ ដោយរួមចំណែកដល់ការអនុវត្តយុទ្ធនាការ​កំពូល ៥០០ ថ្ងៃទាំងយប់ ស្វែងរកនិងប្រមូលអដ្ឋិធាតុយុទ្ធជនពលី​។ ចាប់តាំងពីការអនុវត្តកិច្ចព្រមព្រៀងរវាងរដ្ឋាភិបាលវៀតណាម និងរាជ​រដ្ឋាភិបាលកម្ពុជា ស្តីពីការស្វែងរក ការប្រមូល និងធ្វើមាតុភូមិនិវត្តន៍អដ្ឋិធាតុ​យុទ្ធជន​ពលីក្នុង​ឆ្នាំ ២០០០ មក ក្រុម K៩២ បានស្វែងរក ប្រមូល និង​ធ្វើ​មាតុភូមិនិវត្តន៍​អដ្ឋិធាតុ​យុទ្ធជនពលីចំនួន ២.១៧៨ នាក់ នៅក្នុងខេត្តព្រះសីហនុ ខេត្ត​កំពត ខេត្ត​កោះកុង និងខេត្ត​កែប។

រីឯខ្លូន​វិញ លោក សុខ ភា អភិបាលរង និងជាប្រធានគណៈកម្មការជំនាញខេត្តព្រះសីហនុបានអះអាងថា នឹងបន្តដឹកនាំស្ថាប័នពាក់ព័ន្ធ កងកម្លាំងប្រដាប់អាវុធនិងអាជ្ញាធរមូលដ្ឋាន ឱ្យសម្របសម្រួលយ៉ាងជិតស្និទ្ធជាមួយគណៈកម្មការជំនាញខេត្តអានយ៉ាង ផ្តល់ព័ត៌មាននិងការគាំទ្រយ៉ាងសកម្មដល់កងកម្លាំងស្វែងរក និងប្រមូលអដ្ឋិធាតុ​យុទ្ធជន​ពលី រួមចំណែកដល់ការថែរក្សា និងលើកកម្ពស់​ចំណង​មិត្តភាពជា​​ប្រពៃណីរវាងកម្ពុជា និងវៀតណាម ក៏ដូចជារវាងខេត្តទាំងពីរ ព្រះសីហនុ និង​អានយ៉ាង​៕​