ទិដ្ឋភាពនៃវេទិការ (រូបថត៖ Ngọc Anh/VOV5)

វេទិកានេះមានគោលបំណងស្វែងរកនិងបង្កើតគំរូកំណើនថ្មីដែលសមស្របនឹងលក្ខខណ្ឌអភិវឌ្ឍន៍របស់វៀតណាម មានសមត្ថភាពសម្របខ្លួនដោយភាពបត់បែនទៅនឹងការផ្លាស់ប្តូរនៃបរិយាកាសអន្តរជាតិ; ទន្ទឹមនឹងនោះ ធានាបាននូវការអភិវឌ្ឍឆាប់រហ័ស និរន្តរភាព និងបរិយាប័ន្ន។

គំរូនៃកំណើនក្នុងរយៈពេលខាងមុខ ត្រូវការរួមបញ្ចូលនូវទិដ្ឋភាពជាច្រើន ចាប់ពីកត្តាសេដ្ឋកិច្ច បច្ចេកវិទ្យា រហូតដល់កត្តាបរិស្ថាននិងសង្គម។ ក្នុងនោះផ្តល់អាទិភាពលើសរសរស្តម្ភចំនួន ៣គឺ ការផ្លាស់ប្តូរឌីជីថលនិងសេដ្ឋកិច្ចទិន្នន័យ; ការផ្លាស់ប្តូរបៃតងនិងការសម្របខ្លួនទៅនឹងការប្រែប្រួលអាកាសធាតុ; រៀបចំរចនាសម្ព័ន្ធខ្សែសង្វាក់ផ្គត់ផ្គង់ឡើងវិញដើម្បី ទាញយកអត្ថប្រយោជន៍ពីនិន្នាការផ្លាស់ប្តូរសកល។ ចំណុចស្នូលនៃគំរូកំណើនថ្មីគឺផលិតភាព វិទ្យាសាស្ត្រ បច្ចេកវិទ្យា និងការច្នៃប្រឌិត។ សាស្ត្រាចារ្យរង  បណ្ឌិត Nguyen Hong Son អនុប្រធានគណៈកម្មាធិការគោលនយោបាយ និងយុទ្ធសាស្ត្រមជ្ឈិមបានមានប្រសាសន៍ថា៖ “វៀត ណាមបានកំណត់អត្តសញ្ញាណវិទ្យាសាស្ត្រ បច្ចេកវិទ្យា នវានុវត្តន៍ និងការផ្លាស់ប្តូរឌីជីថលជាកម្លាំងចលករសំខាន់ក្នុងការផ្លាស់ប្តូរគំរូកំណើន។ ការរួមបញ្ចូលការច្នៃប្រឌិតគំរូកំណើន ជាមួយនឹងការកែលម្អបរិយាកាសវិនិយោគនិងអាជីវកម្ម បដិវត្តន៍ឧស្សាហកម្ម ៤.០ ចូលរួមនៅក្នុងបណ្តាញផលិតកម្មសកលនិងខ្សែសង្វាក់តម្លៃ។ ទន្ទឹមនឹងនោះ ត្រូវដោះស្រាយដោយសុខដុមរមនាទំនាក់ទំនងរវាងកំណើនសេដ្ឋកិច្ច ការការពារបរិស្ថាន និងអភិវឌ្ឍន៍សង្គមប្រកបដោយចីរភាព។ ពន្លឿនការផ្លាស់ប្តូរបៃតង ការផ្លាស់ប្តូរឌីជីថល និងការអភិវឌ្ឍន៍សេដ្ឋកិច្ចឌីជីថល ដើម្បីបង្កើតមូលដ្ឋានគ្រឹះដ៏រឹងមាំសម្រាប់គំរូកំណើនថ្មី”។

នៅក្នុងវគ្គពិភាក្សា ប្រតិភូបានស្នើដំណោះស្រាយជាក់ស្តែង ដើម្បីសម្រេចបាននូវគំរូកំណើនថ្មី៕