នៅកណ្តាលនៃតំបន់ផ្លូវបុរាណចំនួន ៣៦ នៃរដ្ឋធានី ហាណូយ ក្នុងអំឡុងពេលពិធីបុណ្យសែនព្រះខែ​ ផ្លូវ​ហាងម៉ា (Hang Ma) បានក្លាយជាចំណុចកណ្តាល ដែល​ទាក់ទាញចំណាប់អារម្មណ៍របស់ប្រជាជន​ និង​ភ្ញៀវ ទេសចរ​ ហើយរំលឹកអនុស្សាវរីយ៍នូវកុមារភាព ​ចំពោះ​ប្រជាជនហាណូយគ្រប់រូប។ ដើរលើផ្លូវ​ហាងម៉ា នៅក្នុង​ប៉ុន្មានថ្ងៃជិតដល់​បុណ្យ​សែន​ព្រះខែ​នាឆ្នាំនេះ អ្វីដែល​ទាក់ទាញ​អារម្មណ៍​គឺពន្លឺ និងពណ៌។ នៅសងខាងផ្លូវ មានតូប​រាប់រយ​ដាក់តាំងបង្ហាញប្រដាប់ក្មេងលេង​ប្រពៃណី​ និង​ទំនើប​​​គ្រប់ប្រភេទ។ ពណ៌ក្រហមភ្លឺ​ចែងចាំង​​នៃចង្កៀង​គោម​ ដែលមានរូបរាងផ្សេងៗគ្នា ពណ៌​​លឿង​នៃ​ចង្កៀងផ្កាយប្រាំជ្រុង ភាពភ្លឺចែងចាំង​នៃរបាំង​មុខ​ធ្វើពីក្រដាសប្រពៃណី​ រហូតដល់ ប្រដាប់ក្មេង​លេង​បែបច្នៃប្រឌិត និងទំនើបៗ។ ក្រោម​ពន្លឺ​នៃភ្លើង និងពន្លឺឆ្លុះបញ្ចាំងពីប្រដាប់ក្មេងលេង ផ្លូវទាំងមូលមើល​ទៅ​ដូចជា​សារមន្ទីរវប្បធម៌ប្រជាប្រិយខ្នាតតូច​មួយ ​នៅ​កណ្តាល​នៃទីក្រុងដ៏ទំនើប៕

អត្ថបទ និងរូបថត៖ ត្រឹនថាញ់យ៉ាង/​VNP 

ផ្លូវហាងម៉ា (Hang Ma) ក្នុងប៉ុន្មានថ្ងៃជិតបុណ្យសែនព្រះខែ មានពណ៌ស្រស់ឆើតឆាយនៅ កណ្តាលតំបន់ផ្លូវបុរាណនៃរដ្ឋធានី ហាណូយ។

តូបមួយដែលពោរពេញទៅដោយពណ៌នៃចង្កៀងគោម។

ខ្យល់ក្នុងរដូវស្លឹកឈើជ្រុះដ៏ត្រជាក់នៃរដ្ឋធានី ហាណូយ បក់មក ហើយនាំមកនូវបរិយាកាសរស់រវើក និងពន្លឺចែងចាំង ដែលគ្របដណ្តប់គ្រប់ជ្រុងនៃផ្លូវ ហាងម៉ា (Hang Ma) ។

យុវជនដើរលេង ដោយរំភើប ស្វែងរកកន្លែងថតរូបដ៏ស្រស់ស្អាត ដើម្បីចាប់យកពេលវេលាដ៏រស់រវើ នៃយុវវ័យរបស់ពួកគេ នៅក្នុងកណ្តាលតំបន់ផ្លូវបុរាណ។

ហាងលក់ប្រដាប់ក្មេងលេងក្នុងបុណ្យសែនព្រះខែ នៅលើផ្លូវហាងម៉ា។

ភ្ញៀវទេសចរបរទេសរីករាយ និងជ្រើសរើសប្រដាប់ក្មេងលេង សម្រាប់បុណ្យសែនព្រះខែនៅលើផ្លូវហាងម៉ា។

គ្រឿងតុបតែងជាច្រើន ក្នុងបុណ្យសែនព្រះខែ ដែលត្រូវបានដាក់តាំងបង្ហាញនៅតាមដងផ្លូវ។

ប្រដាប់ក្មេងលេងដ៏ប្រពៃណី ចង្គៀងគោមប្រពៃណី និងរបាំងមុខធ្វើពីក្រដាសប្រពៃណីមួយប្រភេទ ដែលរំលឹកអនុស្សាវរីយ៍នូវកុមារភាពរបស់ប្រជាជនហាណូយ។

ភ្ញៀវទេសចរបរទេសរីករាយ នៅពេលដើរលេង គយគន់ និងថតរូបគួរឱ្យចាប់អារម្មណ៍នៅផ្លូវ ហាងម៉ា។

ហាងលក់ក្បាលម៉ុងសាយ ធ្វើពីក្រដាសប្រពៃណី ដែលបានគូរយ៉ាងហ្មត់ចត់ និងរំលឹកនឹកដល់បរិយាកាសសប្បាយរីករាយក្នុងពិធីបុណ្យសែនព្រះខែ។

គ្រួសារមួយទិញប្រដាប់ក្មេងលេង ក្នុងបុណ្យសែនព្រះខែ នៅហាងលក់ក្បាលម៉ុងសាយ នៅលើផ្លូវហាង ម៉ា។

តូបលក់ក្បាលម៉ុងសាយមួយ នៅលើផ្លូវហាងម៉ា។

រូបរាងគួរឱ្យចាប់អារម្មណ៍នៃប្រដាប់ក្មេងលេងច្នៃប្រឌិតក្នុងសម័យទំនើប បានដាក់តាំងក្បែរ ប្រដាប់ក្មេងលេងប្រជាប្រិយប្រពៃណី។

កុមាររីករាយជាមួយនឹងស្គរ និងរបាំងមុខធ្វើពីក្រដាសប្រពៃណី។

ចង្កៀងគោមមានរូបរាងផ្កាយប្រាំជ្រុងដ៏ប្រពៃណី ត្រូវបានដាក់តាំងបង្ហាញនៅតាមដងផ្លូវ។

តូបលក់ប្រដាប់ក្មេងលេងប្រពៃណីរបស់សិប្បករ ដាំង វ៉ាន់ ហៅ (Dang Van Hau) នៅលើផ្លូវហាង ម៉ា។

ប្រដាប់ក្មេងលេងមានចម្រុះពណ៌និងត្រចះត្រចង់។

ប្រដាប់ក្មេងលេងមានការរចនា និងពណ៌ចម្រុះ។

នៅពេលយប់ចូលមកដល់ ចង្កៀងគោមបំភ្លឺផ្លូវទាំងមូល។ នោះគឺជាំអណ្តាតភ្លើងនៃការជួបជុំគ្នា និងសេចក្តីរីករាយ មុនបុណ្យសែនព្រះខែ ។