ខណៈពេលអាកាសធាតុឈានចូលរដូវស្លឹកឈើជ្រុះ តំបន់ខ្ពង់រាបថ្មនៃខេត្ត ហាយ៉ាង (Ha Giang) ពាក់អាវពណ៌ផ្កាឈូកដ៏ត្រចះត្រចង់នៃវាលផ្កាបាក់វីត (Buckwheat)។ នេះគឺជាពេលវេលាដ៏ពិសេសបំផុតក្នុងឆ្នាំ នៅពេលដែលធម្មជាតិហាក់ដូចជាគូរនូវផ្ទាំងគំនូរដ៏រស់រវើកមួយ ចំកណ្តាលភ្នំថ្មដ៏មហិមា។
នៅតំបន់ខាងដើមនៃមាតុភូមិ សូម្បីតែប្រជាជនរស់នៅទីនេះក៏មិនដឹងថា ផ្កាប្រភេទនេះមានវត្តមានពីកាលណាដែរ។ គេគ្រាន់តែដឹងថា នេះគឺជាដំណាំស្បៀងអាហារមួយ ដែលប្រើជាគ្រឿងផ្សំសម្រាប់ផលិតស្រាឆ្ងាញ់ និងនំជាឈ្ងុយឆ្ងាញ់ដែលដូនតាពួកគេបានបន្សល់គ្រាប់ពូជមកទុកដូចជា «កេរ»។ ផ្ការបស់ដំណាំនេះតូច និងមានពណ៌សផ្កាឈូក បន្ទាប់ប្ដូរទៅជាពណ៌ស្វាយខ្ចី ត្របផ្កាបណ្តុំទៅជារាងបួនជ្រុងព្នាយស្រួច មានរាងត្រីកោណបីមុខ នៅចំកណ្តាលជាគ្រាប់ជីពចរដ៏មានតម្លៃ។
បាក់វីត (Buckwheat) - ប្រភេទផ្កាស្តើង ប៉ុន្តែមានកម្លាំងរស់នៅមួនពូកែនៅតំបន់ខ្ពង់រាប។ ត្របផ្កាមានរាងតូច ស្តើង ប៉ុន្តែបង្កើតជាបរិយាកាសពោរពេញទៅដោយពណ៌ផ្កាឈូកគ្មានទីបញ្ចប់ ដោយឱបចង្កេះភ្នំនិងជ្រលងជ្រៅ។ ចាប់ពីខែវិច្ឆិកា ដល់ខែធ្នូជារៀងរាល់ឆ្នាំ ផ្ទៃមេឃទាំងមូលនៃខេត្ត ហាយ៉ាង (Ha Giang) ហាក់ដូចជាបានលាបពណ៌ផ្កាឈូកស្រស់ថ្លា។
ពីទីក្រុង ហាយ៉ាង (Ha Giang) ផ្លូវ "សុភមង្គល" នឹងនាំអ្នកទៅកាន់ទឹកដីនៃផ្កាបាក់វិត (buckwheat) ។ ខ្ពង់រាបថ្មដុងវ៉ាន (Dong Van) ត្រូវបានគេស្គាល់ថា នេះជាដីស្រេកទឹក ដែលពោរពេញដោយថ្មដែលមានរូបរាងត្រចៀកឆ្មា ប៉ុន្តែរៀងរាល់ចុងខែវិច្ឆិកា និងដើមខែធ្នូ វាលផ្កាបាក់វិត (buckwheat) រីកស្គុះស្គាយនៅលើចង្កេះភ្នំ គ្រប់ភូមិក្នុងតំបន់ ស៊ូងឡា (Sung La) និងផុកាវ (Pho Cao) ស្ថិតក្នុងស្រុក ដុងវ៉ាន់ (Dong Van) ឬកន្លែងខ្លះនៅតាមបណ្តោយផ្លូវទៅកាន់ស្រុកដុងវ៉ាន់ (Dong Van) និង ស្រុក ម៉ែវវ៉ាក់ (Meo Vac) និងផ្លូវពីស្រុក ដុងវ៉ាន់ (Dong Van) ទៅកាន់ ស្រុក ម៉ែវវ៉ាក់ (Meo Vac) ឆ្លងកាត់ផ្លូវឆ្លងភ្នំម៉ាពីឡែង (Ma Pi Leng) ដ៏អស្ចរ្យ ដែលបង្កើតជាតំបន់ខ្ពង់រាបពណ៌ផ្កាឈូកដ៏ត្រចេះត្រចង់ ទាក់ទាញមនុស្សជាច្រើននាក់៕
- អនុវត្ត៖ កុងដាត