ຂ່າວສານ

ສະຖານກົງສູນໃຫຍ່ຫວຽດນາມປະຈຳກວາງເຈົາຈັດພິທີສະເຫຼີມສະຫຼອງ67ປີແຫ່ງວັນສ້າງຕັ້ງການພົວພັນຫວຽດນາມ-ຈີນ

21/01/2017

ທ່ານຫົວໜ້າສະຖານກົງສູນຫວຽດນາມ ປະຈຳຈີນ ຫງວຽນຕ໋ຽນຮົ່ງ
(ພາບ: vietnamplus.vn)

ຕອນຄ່ຳວັນທີ 18/01, ຢູ່ໂຮງແຮມຮວາແວນຂອງນະຄອນກວາງເຈົາ, ແຂວງ ກວາງຕຸງ, ປະເທດຈີນ, ທ່ານຫົວໜ້າສະຖານກົງສູນຫວຽດນາມ ປະຈຳຈີນ ຫງວຽນຕ໋ຽນຮົ່ງ ໄດ້ຈັດງານລ້ຽງເນື່ອງໃນໂອກາດສະເຫຼີມສະຫຼອງ 67 ປີແຫ່ງວັນຫວຽດນາມ ແລະ ຈີນ ສ້າງຕັ້ງການພົວພັນທາງການທູດ (18/01/1950 – 18/01/2017). ກ່າວຄຳເຫັນທີ່ງານລ້ຽງ, ທ່ານຫົວໜ້າສະຖານກົງສູນ ຫງວຽນຕ໋ຽນຮົ່ງ ເນັ້ນໜັກວ່າ: ໃນຊຸມປີມໍ່ໆມານີ້, ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດຫວຽດນາມ - ຈີນ ໄດ້ຮັບການພັດທະນາຢ່າງບໍ່ຢຸດຢັ້ງ. ການນຳຂັ້ນສູງ 2 ປະເທດໄດ້ມີການຢ້ຽມຢາມເຊິ່ງກັນ ແລະ ກັນເປັນປະຈຳ. ບັນດາການຢ້ຽມຢາມຂັ້ນສູງນັ້ນໄດ້ປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ 2 ຝ່າຍ ແລະ ນຳມາເຊິ່ງຜົນງານຫຼາຍຢ່າງໃນການຮ່ວມມືຢ່າງແທດຈິງລະຫວ່າງ 2 ປະເທດ. ສະເພາະແຂວງ ກວາງຕຸງ, ທ່ານຫົວໜ້າສະຖານກົງສູນ ຫງວຽນຕ໋ຽນຮົ່ງ ໃຫ້ຮູ້ວ່າ, ໃນຊຸມປີຜ່ານມາ, ມີຂໍ້ຕົກລົງຫຼາຍສະບັບລະຫວ່າງບັນດາກະຊວງ, ຂະແໜງການຂອງຫວຽດນາມ ກັບແຂວງກວາງຕຸງ ສືບຕໍ່ໄດ້ຮັບການປະຕິບັດ, ນຳການພົວພັນຮ່ວມມືດ້ານເສດຖະກິດ, ການຄ້າ, ການລົງທຶນ, ການທ່ອງທ່ຽວ, ວັດທະນະທຳ ແລະ ວິທະຍາສາດເຕັກນິກລະຫວ່າງ 2 ຝ່າຍໃຫ້ພັດທະນານັບມື້ນັບເລິກເຊິ່ງ, ກວ້າງຂວາງ.

(ແຫຼ່ງຄັດຈາກ VOV)

ລາວ ຈັດພິທີໂຮມຊຸມນຸມມິດຕິງ ສະເຫຼີມສະຫຼອງວັນໄຊຊະນະ ດ້ຽນບຽນຝູ ຄົບຮອບ 70 ປີ

07/05/2024
ຂ່າວສານ

ຕອນເຊົ້າວັນທີ 07 ພຶດສະພາ, ຢູ່ຫໍປະຊຸມແຫ່ງຊາດ, ທີ່ນະຄອນຫຼວງ ວຽງຈັນ ໄດ້ດຳເນີນພິທີໂຮມຊຸມນຸມມິດຕິງລະດັບຊາດ ເນື່ອງໃນໂອກາດສະເຫຼີມສະຫຼອງວັນໄຊຊະນະປະຫວັດສາດ ດ້ຽນບຽນຝູ ຄົບຮອບ 70ປີ (07 ພຶດສະພາ 1954 - ວັນທີ 7 ພຶດສະພາ 2024). ເຂົ້າຮ່ວມພິທີ, ມີທ່ານນາງ ປານີ ຢາທໍ່ຕູ້ ຮອງປະທານປະເທດ; ທ່ານ ສອນໄຊ ສີພັນດອນ ນາຍົກລັດຖະມົນຕີ ລາວ; ການນຳ, ອະດີດການນຳພັກ, ລັດລາວ; ກຳລັງປະກອບອາວຸດ ພ້ອມດ້ວຍປະຊາຊົນລາວບັນດາເຜົ່າໄດ້ເຂົ້າຮ່ວມເປັນຈຳນວນຫຼາຍ.