ຂ່າວສານ

ຄະນະຜູ້ແທນການທະຫານຂັ້ນສູງຫວຽດນາມຢ້ຽມຢາມມິດຕະພາບອິນເດຍຢ່າງເປັນທາງການ

05/12/2016

ພົນເອກ ໂງຊວນຫຼິກ, ລັດຖະມົນຕີກະຊວງປ້ອງກັນປະເທດ
(ພາບປະກອບ: news.zing.vn)

ໂດຍໄດ້ຮັບຄຳເຊີນຂອງທ່ານລັດຖະມົນຕີກະຊວງປ້ອງກັນປະເທດສ.ອິນເດຍ Manohar Parrikar, ຄະນະຜູ້ແທນການທະຫານຂັ້ນສູງປະເທດ ສສ.ຫວຽດນາມ ໂດຍທ່ານພົນເອກ ໂງຊວນຫຼິກ, ລັດຖະມົນຕີກະຊວງປ້ອງກັນປະເທດນຳໜ້າ ເລີ່ມຕົ້ນການຢ້ຽມຢາມມິດຕະພາບອິນເດຍ ຢ່າງເປັນທາງການ ໃນລະຫວ່າງວັນທີ 04 – 07/12. ຈຸດປະສົມຂອງການຢ້ຽມຢາມແມ່ນເພື່ອແນໃສ່ແລກປ່ຽນທັດສະນະກ່ຽວກັບບັນດາບັນຫາປ້ອງກັນຄວາມສະຫງົບສາກົນ, ພາກພື້ນ ແລະ ຢູ່ແຕ່ລະປະເທດ; ພ້ອມທັງຍົກອອກບັນດາມາດຕະການເພື່ອແນໃສ່ນຳການພົວພັນດ້ານປ້ອງກັນຊາດ 2 ຝ່າຍໃຫ້ກ້າວໄປສູ່ບາດກ້າວພັດທະນາໃໝ່ຮອບດ້ານ ແລະ ມີປະສິດທິຜົນກວ່າໃນໄລຍະຈະມາເຖິງ.

(ແຫຼ່ງຄັດຈາກ VOV)

ລາວ ຈັດພິທີໂຮມຊຸມນຸມມິດຕິງ ສະເຫຼີມສະຫຼອງວັນໄຊຊະນະ ດ້ຽນບຽນຝູ ຄົບຮອບ 70 ປີ

07/05/2024
ຂ່າວສານ

ຕອນເຊົ້າວັນທີ 07 ພຶດສະພາ, ຢູ່ຫໍປະຊຸມແຫ່ງຊາດ, ທີ່ນະຄອນຫຼວງ ວຽງຈັນ ໄດ້ດຳເນີນພິທີໂຮມຊຸມນຸມມິດຕິງລະດັບຊາດ ເນື່ອງໃນໂອກາດສະເຫຼີມສະຫຼອງວັນໄຊຊະນະປະຫວັດສາດ ດ້ຽນບຽນຝູ ຄົບຮອບ 70ປີ (07 ພຶດສະພາ 1954 - ວັນທີ 7 ພຶດສະພາ 2024). ເຂົ້າຮ່ວມພິທີ, ມີທ່ານນາງ ປານີ ຢາທໍ່ຕູ້ ຮອງປະທານປະເທດ; ທ່ານ ສອນໄຊ ສີພັນດອນ ນາຍົກລັດຖະມົນຕີ ລາວ; ການນຳ, ອະດີດການນຳພັກ, ລັດລາວ; ກຳລັງປະກອບອາວຸດ ພ້ອມດ້ວຍປະຊາຊົນລາວບັນດາເຜົ່າໄດ້ເຂົ້າຮ່ວມເປັນຈຳນວນຫຼາຍ.