ທ່ານນາງປະທານກຳມາທິການ ເລທິງາ ເປັນປະທານກອງປະຊຸມ
(ພາບ: TTXVN)
ວັນທີ 29/03, ຢູ່ຮ່າໂນ້ຍ, ກຳມາທິການຍຸຕິທຳຂອງສະພາແຫ່ງຊາດ ໄດ້ໄຂກອງປະຊຸມຄົບຄະນະຄັ້ງທີ 4. ທ່ານນາງປະທານກຳມາທິການ ເລທິງາ ເປັນປະທານກອງປະຊຸມ. ໃນມື້ເຮັດວຽກທຳອິດ, ກຳມາທິການຍຸຕິທຳ ໄດ້ກວດກາໂຄງການກົດໝາຍ, ມາດຕະການຮີບດ່ວນຊົ່ວຄາວກ່ອນທີ່ຈະຟ້ອງສານ. ຮ່າງກົດໝາຍກຳນົດກ່ຽວກັບບັນດາມາດຕະການຮີບດ່ວນຊົ່ວຄາວກ່ອນທີ່ຈະຟ້ອງສານ; ສິດອຳນາດ, ຂັ້ນຕອນ, ລະບຽບການນຳໃຊ້ບັນດາມາດຕະການຮີບດ່ວນຊົ່ວຄາວກ່ອນທີ່ຈະຟ້ອງສານ. ມີຫຼາຍຄຳເຫັນຖືວ່າ, ນີ້ແມ່ນຮ່າງກົດໝາຍກ່ຽວຂ້ອງເຖິງສິດ ແລະ ຜົນປະໂຫຍດອັນຊອບທຳຂອງບັນດາອົງການ, ສຳນັກງານ, ສ່ວນບຸກຄົນ, ໃນນັ້ນມີບັນດາຂໍ້ກຳນົດກ່ຽວຂ້ອງເຖິງສິດທິມະນຸດ, ສິດພື້ນຖານຂອງພົນລະເມືອງຕາມລັດຖະທຳມະນູນປີ 2013 ແລະ ດັດປັບການພົວພັນສັງຄົມໃໝ່ ຢູ່ນອກຂອບເຂດຂອງ ປະມວນກົດໝາຍດຳເນີນຄະດີແຜ່ງ. ສະນັ້ນ, ການສ້າງຮ່າງກົດໝາຍຕ້ອງຮັບປະກັນຖືກຕາມລັດຖະທຳມະນູນ ແລະ ເປັນເອກະພາບຂອງລະບົບກົດໝາຍ; ກຳນົດບັນດາເງື່ອນໄຂນຳໃຊ້ບັນດາມາດຕະການດັ່ງກ່າວຢ່າງຈະແຈ້ງ, ລະອຽດ, ຮັດກຸ່ມ ເພື່ອຮັບປະກັນລັກສະນະເປັນໄປໄດ້.
(ພາບ: TTXVN)
(ແຫຼ່ງຄັດຈາກ VOV)
