ເກາະ ໂກ່ນກໍ໊ ຕັ້ງຢູ່ແຂວງ ກວາງຈິ ປະກົດຕົວຂຶ້ນຢູ່ກາງທະເລຕາເວັນອອກ ດັ່ງອັນຍະມະນີ ທີ່ລ້ຳຄ່າ, ເຊິ່ງ ເປັນບ່ອນທີ່ປ່າດົງດິບ ອັນຂຽວງາມ ປະສານສົມທົບກັບສາຍນ້ຳທີ່ໃສສະອາດ ແລະ ແນວປະກາລັງທີ່ສວຍງາມ. ນອກຈາກຄວາມງາມທາງທຳມະຊາດແລ້ວ, ໂກ່ນກໍ໊ ຍັງເປັນມໍລະດົກແຫ່ງ “ເກາະ ເຫຼັກກ້າ” ທີ່ ແຂງແກ່ນທົນທານ ມາຕະຫຼອດໃນປະຫວັດສາດ. ບັນດາຄຸນຄ່າທີ່ປະສານເຂົ້າກັນເຫຼົ່ານີ້ ໄດ້ເຮັດໃຫ້ໂກ່ນກໍ໊ ກາຍ ເປັນຈຸດໝາຍປາຍທາງ ທີ່ມີຄວາມສະຫງົບ ແລະ ສ້າງຄວາມປະທັບໃຈຢ່າງ ເລິກເຊິ່ງ ໃຫ້ແກ່ນັກທ່ອງທ່ຽວ.