ຕະຫຼອດຊີວິດ ຂອງເພິ່ນ, ປະທານ ໂຮ່ຈີມິນ ຍາມໃດກໍຖືວ່າ ປະຊາຊົນ ເປັນທັງເປົ້າໝາຍ ແລະ ເປັນທັງກຳລັງຂັບເຄື່ອນ ຂອງພາລະກິດປະຕິວັດ. ເພິ່ນຖືວ່າ, ທຸກແນວທາງ ແລະ ນະໂຍບາຍ ຕ້ອງຮັບໃຊ້ ຜົນປະໂຫຍດ ແລະ ຄວາມຜາສຸກ ຂອງປະຊາຊົນ. ຄວາມປາດຖະໜາອັນສູງສຸດ ຂອງເພິ່ນ ແມ່ນ “ໃຜໆ ກໍມີເຂົ້ານ້ຳກິນ, ມີເສື້ອຜ້າອຸ່ນ, ໃຜໆ ກໍໄດ້ຮຽນໜັງສື”. ສິ່ງດັ່ງກ່າວ ບໍ່ພຽງແຕ່ ສະແດງໃຫ້ເຫັນ ເຖິງຄວາມປາດຖະໜາ ທີ່ຈະຍົກສູງຄຸນນະພາບຊີວິດການເປັນຢູ່ ເທົ່ານັ້ນ, ແຕ່ຍັງສະແດງໃຫ້ເຫັນ ເຖິງວິໄສທັດ ໃນການພັດທະນາ ມະນຸດຢ່າງຮອບດ້ານ ໃຫ້ມີຄວາມຮູ້, ຄຸນສົມບັດ, ຄວາມຊື່ສັດບໍລິສຸດ ແລະ ມີຈິດສຳນຶກ ຄວາມຮັບຜິດຊອບຕໍ່ສັງຄົມ.