ເຫດການ ແລະ ບັນຫາ

ເພີ່ມທະວີ ແລະ ເຮັດໃຫ້ເລິກເຊິ່ງຍິ່ງຂຶ້ນ ການພົວພັນ ລະຫວ່າງ ຫວຽດນາມ - ສ ເກົາຫຼີ

11/07/2023

ທ່ານປະທານາທິບໍດີ ສ ເກົາຫຼີ Yoon Suk Yeol, ພັນລະຍາ ພ້ອມດ້ວຍ ຄະນະຜູ້ແທນຂັ້ນສູງ ສ ເກົາຫຼີ ໄດ້ສຳເລັດການ ຢ້ຽມຢາມທາງລັດຖະກິດເຖິງປະເທດ ສສ ຫວຽດນາມ ແຕ່ວັນທີ 22 – 24 ມິຖຸນາ 2023 ຕາມຄຳເຊີນ ຂອງທ່ານ ປະທານປະເທດ ຫວໍວັນເຖືອງ. ພາຍຫຼັງ 30 ປີແຫ່ງການສ້າງຕັ້ງການພົວພັນທາງການທູດ, ການພົວພັນລະຫວ່າງ ສອງປະເທດ ໄດ້ມີຄວາມຄືບໜ້າ ຢ່າງກ້າວກະໂດດ ກັບບັນດາຂີດໝາຍ ທີ່ສຳຄັນ, ການຢ້ຽມຢາມຄັ້ງນີ້ ເພື່ອແນໃສ່ເພີ່ມທະວີ ແລະ ເຮັດໃຫ້ເລິກເຊິ່ງຍິ່ງຂຶ້ນ ການພົວພັນຄູ່ຮ່ວມມື ຍຸດທະສາດ ຮອບດ້ານ ລະຫວ່າງ ຫວຽດນາມ - ສ ເກົາຫຼີ.

ທ່ານປະທານາທິບໍດີ ສ ເກົາຫຼີ Yoon Suk Yeol, ພັນລະຍາ ພ້ອມດ້ວຍ ຄະນະຜູ້ແທນຂັ້ນສູງ ສ ເກົາຫຼີ ໄດ້ສຳເລັດການ ຢ້ຽມຢາມທາງລັດຖະກິດເຖິງປະເທດ ສສ ຫວຽດນາມ ແຕ່ວັນທີ 22 – 24 ມິຖຸນາ 2023 ຕາມຄຳເຊີນ ຂອງທ່ານ ປະທານປະເທດ ຫວໍວັນເຖືອງ. ພາຍຫຼັງ 30 ປີແຫ່ງການສ້າງຕັ້ງການພົວພັນທາງການທູດ, ການພົວພັນລະຫວ່າງ ສອງປະເທດ ໄດ້ມີຄວາມຄືບໜ້າ ຢ່າງກ້າວກະໂດດ ກັບບັນດາຂີດໝາຍ ທີ່ສຳຄັນ, ການຢ້ຽມຢາມຄັ້ງນີ້ ເພື່ອແນໃສ່ເພີ່ມທະວີ ແລະ ເຮັດໃຫ້ເລິກເຊິ່ງຍິ່ງຂຶ້ນ ການພົວພັນຄູ່ຮ່ວມມື ຍຸດທະສາດ ຮອບດ້ານ ລະຫວ່າງ ຫວຽດນາມ - ສ ເກົາຫຼີ.

ທີ່ການຕ້ອນຮັບ, ການພົບປະເຈລະຈາ ແລະ ແລກປ່ຽນ ຄຳຄິດຄຳເຫັນ ຄັ້ງຕ່່າງໆ ການນຳ ຫວຽດນາມ ໄດ້ສະແດງ ຄວາມຊົມເຊີຍ ຕໍ່ການຢ້ຽມຢາມຂອງ ທ່ານປະທານາທິບໍດີ ສ ເກົາຫຼີ Yoon Suk Yeol, ພັນລະຍາ ແລະ ຄະນະຜູ້ແທນຂັ້ນສູງ ສ ເກົາຫຼີ ທີ່ມາຢ້ຽມຢາມ ຫວຽດນາມ, ໂດຍຖືວ່າ ການຢ້ຽມຢາມ ໄດ້ຮັບການດຳເນີນໄປ ພາຍຫຼັງສອງປະເທດໄດ້ຍົກລະດັບການພົວພັນເປັນ “ການພົວພັນຄູ່ຮ່ວມມືຍຸດທະສາດຮອບດ້ານ” ໃນທ້າຍປີ 2022, ສ້າງຂີດໝາຍໃໝ່, ຊຸກຍູ້ການພົວພັນລະຫວ່າງ ສອງປະເທດ ສືບຕໍ່ພັດທະນາດີຂຶ້ນ ດ້ວຍລະດັບສູງ ແລະ ເລິກເຊິ່ງຍິ່ງຂຶ້ນໃນໄລຍະຕໍ່ໜ້າ.

ທ່ານປະທານປະເທດ ຫວໍວັນເຖືອງ ທຳການພົບປະເຈລະຈາ ກັບທ່ານປະທານາທິບໍດີ ສ ເກົາຫຼີ Yoon Suk Yeol. ພາບ: ຖົ໋ງເຍິດ/VNA

ທັງສອງຝ່າຍເຫັນດີເປັນເອກະສັນກັນວ່າ ໃນກວ່າ 30 ປີແຫ່ງການສ້າງຕັ້ງສາຍພົວພັນທາງການທູດ, ການພົວພັນລະຫວ່າງ ສອງປະເທດ ໄດ້ມີ ຄວາມຄືບໜ້າ ຢ່າງກ້າວກະໂດດ ກັບບັນດາຂີດໝາຍທີ່ສຳຄັນ, ຈາກການພົວພັນຄູ່ຮ່ວມມືຮອບດ້ານ ໃນປີ 2001 ສູ່ການພົວພັນຄູ່ຮ່ວມມືຍຸດທະສາດ ໃນປີ 2009 ແລະ ການພົວພັນຄູ່ຮ່ວມມືຍຸດທະສາດຮອບດ້ານໃນປີ 2022.

ບົນຈິດໃຈການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ສ ເກົາຫຼີ, ສອງຝ່າຍເຫັນດີເປັນເອກະພາບກັນ ສ້າງການພົວພັນດ້ານການເມືອງ ແລະ ການຮ່ວມມື ດ້ານປ້ອງກັນຊາດ, ປ້ອງກັນຄວາມສະຫງົບ ດ້ວຍຄວາມໄວ້ວາງໃຈ ແລະ ຕົວຈິງຍິ່ງຂຶ້ນ; ສືບຕໍ່ຮັກສາ ການຢ້ຽມຢາມ, ການພົບປະຂັ້ນສູງ ແລະ ຂັ້ນຕ່າງໆ ເປັນປະຈຳ ດ້ວຍຫຼາຍຮູບການທີ່ໄຫວພິບ; ທຳການແລກປ່ຽນ, ແບ່ງປັນສະຖານະການຂອງແຕ່ລະປະເທດ, ບັນດາບັນຫາສາກົນ ແລະ ພາກພື້ນ ທີ່ຕ່າງຝ່າຍຕ່າງມີຄວາມສົນໃຈເປັນປະຈຳ.

ທ່ານນາຍົກລັດຖະມົນຕີ ຟ້າມມິງຈິ໋ງ ກັບບັນດາວິສາຫະກິດ ສ ເກົາຫຼີ. ພາບ: ຖົ໋ງເຍິດ/VNA

ສອງຝ່າຍເຫັນດີນຳການພົວພັນຮ່ວມມື ໃນຂົງເຂດຕ່າງໆ ຂຶ້ນລະດັບໃໝ່ໃຫ້ເລິກເຊິ່ງ ແລະ ມີປະສິດທິຜົນຍິ່ງຂຶ້ນ; ເຫັນດີເປັນເອກະສັນສົມທົບກັນ ຜັນຂະຫຍາຍຍ ເປັນຢ່າງດີ ສັນຍາການຄ້າເສລີສອງຝ່າຍ (VKFTA) ແລະ ບັນດາມາດຕະການ ສ້າງຄວາມສະດວກ ຕົວຈິງໃຫ້ແກ່ ວິສາຫະກິດ ຂອງສອງປະເທດ. ສອງຝ່າຍຈະສົມທົບກັນຊຸກຍູ້ ສຳເລັດເປົ້າໝາຍ ຍົກວົງເງິນການຄ້າສອງຝ່າຍ ຂຶ້ນເຖິງ 100 ຕື້ ໂດລາສະຫະລັດ ແລະ ມຸ່ງສູ່ເປົ້າໝາຍ 150 ຕື້ ໂດລາສະຫະລັດ ປີ 2030 ຕາມທິດດຸ່ນດ່ຽງ ແລະ ໝັ້ນຄົງໂດຍໄວ.

ສອງຝ່າຍກໍທຳການແລກປ່ຽນ ກ່ຽວກັບສະຖານະການໂລກ ແລະ ພາກພື້ນ. ສອງຝ່າຍໄດ້ເຫັນດີສືບຕໍ່ເພີ່ມທະວີການຮ່ວມມື, ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສສາກົນ, ສົມທົບກັນ ເພື່ອຮັບມືກັບບັນດາສິ່ງທ້າທາຍທົ່ວໂລກ ແລະ ບັນດາບັນຫາຄວາມໝັ້ນຄົງບໍ່ແມ່ນແບບດັ້ງເດີມ.

ພາຍຫຼັງການພົບປະເຈລະຈາ, ທ່ານປະທານປະເທດ ຫວໍວັນເຖືອງ, ປະທານາທິບໍດີ Yoon Suk Yeol ແລະ ບັນດາຜູ້ແທນຂັ້ນສູງ ສອງປະເທດ ໄດ້ເປັນສັກຂີພິຍານ ບັນດາອົງການ ຂອງສອງປະເທດ ໃນພິທີແລກປ່ຽນເອກະສານວ່າດ້ວຍການຮ່ວມມື 17 ສະບັບ ໃນຫຼາຍຂົງເຂດ.

ທ່ານປະທານາທິບໍດີ ສ ເກົາຫຼີ Yoon Suk Yeol ໂອ້ລົມກັບບັນດານັກສຶກສາ. ພາບ: ອານດັງ/VNA

ການຢ້ຽມຢາມ ຫວຽດນາມ ຂອງທ່ານປະທານາທິບໍດີ ສ ເກົາຫຼີ Yoon Suk Yeol ແມ່ນການຢ້ຽມຢາມທາງລັດຖະກິດ ຄັ້ງທຳອິດ ຂອງທ່ານປະທານາທິບໍດີ ສ ເກົາຫຼີ Yoon Suk Yeol ເຖິງ ຫວຽດນາມ ແລະ ກໍ່ແມ່ນປະເທດອາຊີຕາເວັນອອກສ່ຽງໃຕ້ ແຫ່ງທຳອິດ ທີ່ປະທານາທິບໍດີ Yoon Suk Yeol ຢ້ຽມຢາມ ຫຼັງຈາກເຂົ້າຮັບຕຳແໜ່ງ ໃນເດືອນ ພຶດສະພາ 2022. ການຢ້ຽມຢາມດັ່ງກ່າວ ແມ່ນຂີດໝາຍສຳຄັນ, ສ້າງກຳລັງໜູນໃໝ່ ໃຫ້ແກ່ການຮ່ວມມື ລະຫວ່າງ 2 ປະເທດ ໃນທຸກຂົງເຂດສຳຄັນ.