ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທັງເຊີນ ຕ້ອນຮັບທ່ານ Andrew Goledzinowski ເອກອັກຄະລັດຖະທູດຜູ້ມີອຳນາດເຕັມ ແຫ່ງ ອົດສະຕາລີ ປະຈຳ ຫວຽດນາມ (ພາບ: ກະຊວງການຕ່າງປະເທດ)

ຕອນເຊົ້າວັນທີ 24 ທັນວາ, ຢູ່ສຳນັກງານກະຊວງການຕ່າງປະເທດ, ທີ່່ ຮ່າໂນ້ຍ, ກ່າວຄຳເຫັນໃນການຕ້ອນຮັບທ່ານ  Andrew Goledzinowski ເອກອັກຄະລັດຖະທູດຜູ້ມີອຳນາດເຕັມ ແຫ່ງ ອົດສະຕາລີ ປະຈຳ ຫວຽດນາມ ເຂົ້າຢ້ຽມອຳລາ ເນື່ອງໃນໂອກາດສິ້ນສຸດການປະຕິບັດໜ້າທີ່ທາງການທູດຢູ່ ຫວຽດນາມ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທັງເຊີນ ສະເໜີໃຫ້ສອງຝ່າຍ ເພີ່ມທະວີການແລກປ່ຽນຂໍ້ມູນຂ່າວສານ ແລະ ປຶກສາຫາລືຜ່ານບັນດາກົນໄກເຈລະຈາລະຫວ່າງສອງຝ່າຍ ແລະ ໃນບັນດາເວທີປາໄສຫຼາຍຝ່າຍ, ຕັ້ງໜ້າຜັນຂະຫຍາຍໂຄງການດຳເນີນງານໄລຍະ 2024 – 2027. ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທັງເຊີນ ກໍ່ສະເໜີໃຫ້ ອົດສະຕາລີ ສືບຕໍ່ໜູນຊ່ວຍການບຳລຸງສ້າງແຫຼ່ງຊັບພະຍາກອນມະນຸດໃຫ້ແກ່ ຫວຽດນາມ, ຊ່ວຍ ຫວຽດນາມ ຍົກສູງຄວາມສາມາດໃນບັນດາຂະແໜງອຸດສາຫະກຳຫາກໍພົ້ນເດັ່ນ, ເຊັ່ນ: ເຄິ່ງຊັກນຳໄຟຟ້າ, ປັນຍາປະດິດ.

ສ່ວນທ່ານເອກອັກຄະລັດຖະທູດ Andrew Goledzinowski ຢັ້ງຢືນວ່າ ລັດຖະບານ ອົດສະຕາລີ ສືບຕໍ່ເອົາໃຈໃສ່, ຈັດແບ່ງແຫຼ່ງກຳລັງໜູນຊ່ວຍ ຫວຽດນາມ ກໍຄື ຊຸກຍູ້ສາຍພົວພັນ ຫວຽດນາມ - ອົດສະຕາລີ. ທ່ານເອກອັກຄະລັດຖະທູດ ຖືວ່າ ນີ້ກໍແມ່ນຈຸດເວລາເພື່ອໃຫ້ການພົວພັນລະຫວ່າງສອງປະເທດກ້າວເຂົ້າສູ່ໄລຍະໃໝ່ ດ້ວຍບັນດາບາດກ້າວບຸກທະລຸໃນຫຼາຍຂົງເຂດຮ່ວມມື, ເຊັ່ນ: ການປ້ອງກັນຊາດ, ປ້ອງກັນຄວາມສະຫງົບ, ການສຶກສາ, ການເຊື່ອມຕໍ່, ແຮ່ທາດທີ່ຈຳເປັນ, ການຫັນເປັນດີຈີຕອນ…; ພ້ອມທັງຢັ້ງຢືນວ່າ ເຖິງວ່າຢູ່ໃນຖານະຕຳແໜ່ງໃດ ກໍຈະສືບຕໍ່ເອົາໃຈໃສ່ເຖິງການຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອົດສະຕາລີ.