ໃນກອງປະຊຸມສຳມະນາ, ບັນດານັກຊ່ຽວຊານ, ນັກວິທະຍາສາດມີບົດຄຳເຫັນປະກອບກ່ຽວກັບບັນດາຜົນງານ, ຈຸດທີ່ເປັນເອກະລັກ, ບຸກທະລຸໃນການສ້າງສັງຄົມນິຍົມ ຢູ່ນະຄອນ ຫາຍຟ່ອງ ແລະ ບົດບາດຂອງປະຊາຊົນ ຫາຍຟ່ອງ ໃນວິວັດທະນາການສ້າງສັງຄົມນິຍົມ; ພ້ອມດຽວກັນນັ້ນ, ກໍ່ສະໜອງ, ປັບປຸງພື້ນຖານທິດສະດີກ່ຽວກັບລັດທິສັງຄົມນິຍົມຕິດພັນກັບມະນຸດສັງຄົມນິຍົມ, ໂດຍມີລັກສະນະເປັນເອກະລັກຂອງນະຄອນ ຫາຍຟ່ອງ. ຈາກນັ້ນ ກໍ່ສະເໜີບັນດາມາດຕະການເພື່ອໃຫ້ ຫາຍຟ່ອງ ນຳໜ້າໃນການສ້າງ ແລະ ຜັນຂະຫຍາຍ ຕົວແບບລັດທິສັງຄົມນິຍົມ ຕິດພັນກັບມະນຸດສັງຄົມນິຍົມໃນສັງກາດໃໝ່, ສັງກາດບຸກບືນຂອງຊາດ. ທ່ານເລຂາຄະນະພັກນະຄອນ ຫາຍຟ່ອງ ເລຕຽນເຈົາ ຢັ້ງຢືນວ່າ:
“ພວກເຮົາຕ້ອງສ້າງການປ່ຽນແປງໃໝ່ແບບວິທີນຳພາຢ່າງແຮງ ແລະ ແທດຈິງ, ມີກຳລັງນຳພາຢ່າງພຽງພໍເພື່ອນຳນະຄອນກ້າວເຂົ້າສູສັງກາດໃໝ່. ພ້ອມດຽວກັນນັ້ນ, ຕ້ອງສ້າງກົງຈັກອຳນາດການປົກຄອງຢ່າງກະທັດລັດ, ມີປະສິດທິພາບ, ປະສິດທິຜົນ, ໂປ່ງໃສ, ໃກ້ຊິດກັບປະຊາຊົນ, ເຂົ້າໃຈປະຊາຊົນ ແລະ ຮັບໃຊ້ປະຊາຊົນ; ຮັບປະກັນທຸກນະໂຍບາຍຊີ້ຂາດ ແມ່ນເພື່ອມຸ່ງໄປເຖິງຜົນປະໂຫຍດຂອງປະຊາຊົນ”.
