ຂ່າວສານ

ປີ 2025, ຂະແໜງຄົມມະນາຄົມ ຈະເລີ່ມລົງມືກໍ່ສ້າງ 19 ໂຄງການ, ປະຕິບັດສຳເລັດ 50 ໂຄງການ

01/01/2025

ຂະແໜງຄົມມະນາຄົມ ແລະ ຂົນສົ່ງສູ້ຊົນປະຕິບັດສຳເລັດບັນດາໂຄງການພາກສ່ວນ, ເຊື່ອມຈອດເສັ້ນທາງຄວາມໄວສູງ ເໜືອ - ໃຕ້ ທາງທິດຕາເວັນອອກ.

ພາບປະກອບ: Vietnam+

ຢູ່ກອງປະຊຸມສະຫຼຸບວຽກງານປີ 2024 ແລະ ຜັນຂະຫຍາຍໜ້າທີ່ຈຸດສຸມໃນປີ 2025 ໂດຍກະຊວງຄົມມະນາຄົມແລະ ຂົນສົ່ງຈັດຂຶ້ນໃນຕອນບ່າຍວັນທີ 30 ທັນວາ, ຢູ່ຮ່າໂນ້ຍ, ຂະແໜງຄົມມະນາຄົມ ແລະ ຂົນສົ່ງສູ້ຊົນປະຕິບັດສຳເລັດບັນດາໂຄງການພາກສ່ວນ, ເຊື່ອມຈອດເສັ້ນທາງຄວາມໄວສູງ ເໜືອ - ໃຕ້ ທາງທິດຕາເວັນອອກ ແລະ ກໍ່ສ້າງສຳເລັດບາງໂຄງການເສັ້ນທາງຄວາມໄວສູງເພື່ອບັນລຸໄດ້ເປົ້າໝາຍນຳເສັ້ນທາງຄວາມໄວສູງ 3000 ກີໂລແມັດເຂົ້າເຄື່ອນໄຫວ; ເຊື່ອມຕໍ່ເສັ້ນທາງໂຮ່ຈີມິນໂດຍພື້ນຖານ, ປະຕິບັດສຳເລັດໂຄງການທ່າອາກາດສະຍານສາກົນ ລອງແທັງໂດຍພືື້ນຖານ. ພ້ອມກັນນັ້ນ, ຂະແໜງຄົມມະນາຄົມແລະ ຂົນສົ່ງກໍ່ຮັບປະກັນການເຄື່ອນໄຫວຂົນສົ່ງລຸລ່ວງ, ປອດໄພ, ສະດວກ, ຮັບໃຊ້ໃຫ້ແກ່ປະຊາຊົນ, ວິສາຫະກິດຢ່າງທັນການ. ກ່ຽວກັບສະມັດຕະພາບການຂົນສົ່ງໃນປີ 2025, ປະລິມານສິນຄ້າ (ໂຕນ) ເພີ່ມຂຶ້ນປະມານ 9%, ຜູ້ໂດຍສານເພີ່ມຂຶ້ນປະມານ 8%ເມື່ອທຽບໃສ່ກັບປີ 2024; ປະລິມານສິນຄ້າຜ່ານທ່າກຳປັ່ນ ຫວຽດນາມໃນປີ 2025 ຄາດວ່າຈະບັນລຸປະມານ 900 ລ້ານໂຕນ, ເພີ່ມຂຶ້ນປະມານ 4%ເມື່ອທຽບໃສ່ກັບປີ 2024.

(ແຫຼ່ງຄັດຈາກ VOV)