ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ເວທີປາໄສ (ພາບ: VOV)

ຕອນເຊົ້າວັນທີ 20 ທັນວາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຟ້າມມິງຈິງ ໄດ້ເປັນປະທານເວທີປາໄສແຫ່ງຊາດກ່ຽວກັບການພັດທະນາເສດຖະກິດດີຈີຕອນ ແລະ ສັງຄົມດີຈີຕອນ ຄັ້ງທີ III ດ້ວຍຫົວຂໍ້ “ພັດທະນາເສດຖະກິດດີຈີຕອນ ສັງຄົມດີຈີຕອນຢ່າງຮອບດ້ານ, ກວມລວມບັນລຸໄດ້ເປົ້າໝາຍການເຕີບໂຕ GDP ຢູ່ລະດັບສອງຕົວເລກ ໃນໄລຍະ 2026 - 2030”.

ຢູ່ເວທີປາໄສ, ທ່ານນາຍົກລັດຖະມົນຕີ ຟ້າມມິງຈິງ ຊີ້ແຈ້ງວ່າ  ຫວຽດນາມໄດ້ກຳນົດ ພັດທະນາເສດຖະກິດດີຈີຕອນ ເພື່ອປ່ຽນແປງໃໝ່ຮູບແບບການເຕີບໂຕ, ສ້າງໂຄງປະກອບພື້ນຖານເສດຖະກິດຄືນໃໝ່, ຍົກສູງສະມັດຕະພາບ, ຄວາມສາມາດແກ້ງແຍ້ງ; ສ້າງສັງຄົມດີຈີຕອນກວມລວມ, ວັດທະນະທຳມະນຸດ; ຍົກສູງຄຸນນະພາບຊີວິດການເປັນຢູ່, ຄວາມຍຸຕິທຳໃນການເຂົ້າເຖິງການບໍລິການ, ຮັດແຄບໄລຍະຫ່າງໃນການພັດທະນາ, ເສີມຂະຫຍາຍສີສັນວັດທະນະທຳໃນສະພາບແວດລ້ອມດີຈີຕອນ; ດ້ວຍຈິດໃຈ “ເສດຖະກິດດີຈີຕອນແມ່ນກຳລັງໜູນ, ສັງຄົມດີຈີຕອນແມ່ນພື້ນຖານ, ມະນຸດເປັນໃຈກາງ”.

ບົນພື້ນຖານນັ້ນ, ທ່ານນາຍົກລັດຖະມົນຕີ ສະເໜີເວທີປາໄສຕ້ອງກຳນົດຢ່າງຈະແຈ້ງໜ້າທີ່, ມາດຕະການຈຸດສຸມ, ບຸກທະລຸເພື່ອຊຸກຍູ້ການພັດທະນາເສດຖະກິດີຈີຕອນຢ່າງແຮງ, ສັງຄົມດີຈີຕອນໃນໄລຍະຈະມາເຖິງເພື່ອເຮັດໃຫ້ເສດຖະກິດດີຈີຕອນແຊກຊືມເຂົ້າທຸກຂົງເຂດຂອງພື້ນຖານເສດຖະກິດ ກໍ່ຄືຊີວິດສັງຄົມຢ່າງແທ້ຈິງ, ຜ່ານນັ້ນ ແກ້ໄຂບັນດາຈຸດອຸດຕັນໃນການເຊື່ອມຕໍ່, ແບ່ງປັນຂໍ້ມູນ.