• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານ​ເລ​ຂາ​ທິ​ການ​ໃຫຍ່ ໂຕ​ເລິມ: ຫວຽດ​ນາມ ຍາມ​ໃດ​ກໍ່​ສ້າງ​ເງື່ອນ​ໄຂ​ເພື່ອ​ໃຫ້​ຖັນ​ແຖວ​ປັນ​ຍາ​ຊົນ, ນັກ​ວິ​ທະ​ຍາ​ສາດ, ນັກ​ສິ​ລະ​ປິນ ອຸ​ທິດ​ສ່ວນ​ໃຫ້​ແກ່​ປະ​ເທດ​ຊາດ

ທ່ານເລຂາທິການໃຫຍ່ ຢັ້ງຢືນວ່າ ນີ້ແມ່ນກຳລັງຫຼັກແຫຼ່ງ, ນຳໜ້າໃນການພັດທະນາວິທະຍາສາດເຕັກໂນໂລຢີ, ສ້າງ ແລະ ພັດທະນາພື້ນຖານວັດທະນະທຳ, ສິລະປະ ຫວຽດນາມ ທີ່ກ້າວໜ້າເຂັ້ມຂົ້ນໄປດ້ວຍສີສັນຊາດ.
ທ່ານເລຂາທິການໃຫຍ່ ໂຕເລິມ ກ່າວຄຳເຫັນທີ່ກອງປະຊຸມພົບປະ

ກ່າວຄຳເຫັນທີ່ກອງປະຊຸມພົບປະກັບຜູ້ແທນ 80 ທ່ານທີ່ຕາງໜ້າໃຫ້ແກ່ຖັນແຖວປັນຍາຊົນ, ນັກວິທະຍາສາດ, ນັກສິລະປິນ ໃນທົ່ວປະເທດເນື່ອງໃນໂອກາດສະເຫຼີມສະຫຼອງ 80 ປີແຫ່ງການປະຕິວັດເດືອນສິງຫາ ປະສົບຜົນສຳເລັດ (19/8/1945-19/8/2025) ແລະ ວັນຊາດ ຫວຽດນາມ ທີ 2 ກັນຍາ (2/9/1945-2/9/2025) ທີ່ໄດ້ດຳເນີນໃນຕອນເຊົ້າວັນທີ 6 ສິງຫາ ຢູ່ຮ່າໂນ້ຍ, ທ່ານເລຂາທິການໃຫຍ່ ໂຕເລິມ ໄດ້ຮັບຮູ້ບັນດາການປະກອບສ່ວນຂອງຖັນແຖວປັນຍາຊົນ, ນັກວິທະຍາສາດ, ນັກສິລະປິນທົ່ວປະເທດ ໃນຕະຫຼອດໄລຍະຜ່ານມາ.

ທ່ານເລຂາທິການໃຫຍ່ ຢັ້ງຢືນວ່າ ນີ້ແມ່ນກຳລັງຫຼັກແຫຼ່ງ, ນຳໜ້າໃນການພັດທະນາວິທະຍາສາດເຕັກໂນໂລຢີ, ສ້າງ ແລະ ພັດທະນາພື້ນຖານວັດທະນະທຳ, ສິລະປະ ຫວຽດນາມ ທີ່ກ້າວໜ້າເຂັ້ມຂົ້ນໄປດ້ວຍສີສັນຊາດ. ເມື່ອແບ່ງປັນກັບບັນດາຜູ້ແທນກ່ຽວກັບການກຳນົດທິດໃຫຍ່ໃນໄລຍະຈະມາເຖິງ, ທ່ານເລຂາທິການໃຫຍ່ ໂຕເລິມ ຢັ້ງຢືນວ່າ:

ສູນກາງພວມຕັ້ງໜ້າກະກຽມເພື່ອໃຫ້ກອງປະຊຸມໃຫຍ່ຄັ້ງທີ XIV ກາຍເປັນກອງປະຊຸມໃຫຍ່ແຫ່ງຂີດໝາຍ, ນຳປະເທດຊາດກ້າວເຂົ້າສູ່ສັງກາດຮັ່ງມີເຂັ້ມແຂງ, ພັດທະນາແບບຍືນຍົງ ເພື່ອການດຳລົງຊີວິດທີ່ອີ່ມໜຳສຳລານ, ສົມບູນພູນສຸກຂອງປະຊາຊົນ. ຈຸດໃໝ່ອ່ຽມໃນກອງປະຊຸມໃຫຍ່ຄັ້ງນີ້ແມ່ນການໂຮມ 3 ເອກະສານສຳຄັນຂອງກອງປະຊຸມໃຫຍ່ ລວມມີ ບົດລາຍງານການເມືອງ, ເສດຖະກິດ ສັງຄົມ, ບົດລາຍງານວຽກງານກໍ່ສ້າງພັກ ເປັນບົດລາຍງານສັງລວມ ດ້ວຍຊື່ທີ່ວ່າ ບົດລາຍງານການເມືອງ ແລະ ກອງປະຊຸມໃຫຍ່ກໍຈະຮັບຮອງເອົາ ໂຄງການດຳເນີນງານໃຫ້ແກ່ທັງອາຍຸການ.

(ແຫຼ່ງຄັດຈາກ VOV)

ຄະ​ນະ​ນັກ​ຂ່າວ​ສາ​ກົນ ໄປ​ຢ້ຽມ​ຊົມ​ໝູ່ບ້ານ​ເຄື່ອງ​ປັ້ນ​ດິນ​ເຜົາ ບາດ​ຈ່າງ ​ເນື່ອງ​ໃນ​ໂອ​ກາດ​ສະ​ເຫຼີມ​ສະຫຼອງ 80 ປີ​ແຫ່ງວັນ​ຊາດ​ທີ 2 ກັນ​ຍາ

ຄະ​ນະ​ນັກ​ຂ່າວ​ສາ​ກົນ ໄປ​ຢ້ຽມ​ຊົມ​ໝູ່ບ້ານ​ເຄື່ອງ​ປັ້ນ​ດິນ​ເຜົາ ບາດ​ຈ່າງ ​ເນື່ອງ​ໃນ​ໂອ​ກາດ​ສະ​ເຫຼີມ​ສະຫຼອງ 80 ປີ​ແຫ່ງວັນ​ຊາດ​ທີ 2 ກັນ​ຍາ

ພະແນກການທ່ອງທ່ຽວ ຮ່າໂນ້ຍໄດ້ສົມທົບກັບສູນສິ່ງຍອດຍິ່ງໝູ່ບ້ານອາຊີບ ຫວຽດນາມ ໄດ້ຈັດລາຍການຕ້ອນຮັບຄະນະນັກຂ່າວຕ່າງປະເທດ, ນັກຂ່າວຊາວຫວຽດນາມ ອາໄສຢູ່ຕ່າງປະເທດ ມາຢ້ຽມຊົມ, ລົງພຶດຕິກຳຕົວຈິງຢູ່ໝູ່ບ້ານເຄື່ອງປັ້ນດິນເຜົາ ບາດຈ່າງ (ຕາແສງຢາເລິມ, ຮ່າໂນ້ຍ).

Top