ທ່ານເອກອັກຄະລັດຖະທູດ ເຈິ່ນເຟືອກແອັງ ຍື່ນສານຕາຕັ້ງຕໍ່ທ່ານປະທານາທິບໍດີ Tharman Shanmugaratnam (ພາບ: TTXVN)

ວັນທີ 07 ມັງກອນ, ທ່ານເອກອັກຄະລັດຖະທູດ ຫວຽດນາມ ປະຈຳ ສິງກະໂປ ເຈິ່ນເຟືອກແອັງ ໄດ້ເຂົ້າຍື່ນສານຕາຕັ້ງຕໍ່ທ່ານປະທານາທິບໍດີ ສິງກະໂປ Tharman Shanmugaratnam.

        ທີ່ການຕ້ອນຮັບ, ທ່ານປະທານາທິບໍດີ Tharman Shanmugaratnam ເນັ້ນໜັກວ່າ, ໃນໄລຍະຈະມາເຖິງ, ສິງກະໂປ ປາດຖະໜາຢາກຊຸກຍູ້ການຮ່ວມມືກັບ ຫວຽດນາມ ໃນບັນດາຂົງເຂດທີ່ຍັງມີຄວາມສາມາດບົ່ມຊ້ອນ, ຄື: ພະລັງງານສະອາດ, ເຕັກໂນໂລຊີປັນຍາປະດິດ (AI) ແລະ ເຄິ່ງຊັກນຳໄຟຟ້າ, ໃບຢັ້ງຢືນກາກບອນ, ການເງິນ, ການສຶກສາບຳລຸງສ້າງ.

        ສ່ວນທ່ານເອກອັກຄະລັດຖະທູດ ເຈິ່ນເຟືອກແອັງ ໃຫ້ຄຳໝັ້ນສັນຍາວ່າ, ໃນອາຍຸການປະຕິບັດງານຂອງຕົນ ຈະມານະພະຍາຍາມຈົນສຸດຄວາມສາມາດ ເພື່ອຊຸກຍູ້ການພົວພັນ ຫວຽດນາມ - ສິງກະໂປ ໃຫ້ພັດທະນາຢ່າງແຮງ, ແທດຈິງກວ່າເກົ່າ, ເພື່ອຜົນປະໂຫຍດຂອງປະຊາຊົນ 2 ປະເທດ ແລະ ຕັ້ງໜ້າປະກອບສ່ວນໃຫ້ແກ່ສັນຕິພາບ, ສະຖຽນລະພາບ, ການພັດທະນາຢູ່ພາກພື້ນ ແລະ ໃນໂລກ.