ພິທີລົງນາມບົດບັນທຶກຊ່ວຍຈຳວ່າດ້ວຍການຮ່ວມມືລະຫວ່າງກະຊວງແຜນການ ແລະ ການລົງທຶນ ຫວຽດນາມ ກັບແຂວງ MIE, ຍີ່ປຸ່ນ (ພາບ: MPI)

ທ່ານນາງ ຫງວຽນທິບິກງອກ ຮອງລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ ໃຫ້ຮູ້ວ່າ ພິທີລົງນາມບົດບັນທຶກຊ່ວຍຈຳວ່າດ້ວຍການຮ່ວມມືແມ່ນເພື່ອແນໃສ່ຢັ້ງຢືນການພົວພັນແບບພິເສດ ຫວຽດນາມ - ຍີ່ປຸ່ນ, ປະກອບສ່ວນຊຸກຍູ້ການພົວພັນຮ່ວມມືເສດຖະກິດ, ການລົງທຶນລະຫວ່າງສອງປະເທດເວົ້າລວມ ແລະ ແຂວງ MIE ເວົ້າສະເພາະໃຫ້ເລິກເຊິ່ງ, ຮອບດ້ານກ່ວາອີກ. ຕາມທ່ານນາງ ຫງວຽນທິບິກງອກ ແລ້ວ, ກະຊວງແຜນການ ແລະ ການລົງທຶນໄດ້ລົງນາມບົດບັນທຶກຊ່ວຍຈຳກັບ 13 ທ້ອງຖິ່ນຂອງຍີ່ປຸ່ນ. ຫວຽດນາມ ພວມຍູ້ແຮງການພັດທະນາວິທະຍາສາດ, ເຕັກໂນໂລຢີ, ນະວັດຕະກຳ ແລະ ຫັນເປັນດີຈີຕອນ. ລັດຖະບານ ຫວຽດນາມ ໄດ້ປະກາດໃຊດຳລັດກຳນົດກ່ຽວກັບການສ້າງຕັ້ງ, ຄຸ້ມຄອງ ແລະ ນຳໃຊ້ກອງທຶນໜູນຊ່ວຍການລົງທຶນດ້ວຍຫຼາຍເນື້ອໃນ ແລະ ວິທີການສຳຜັດໃໝ່.