ຕອນເຊົ້າວັນທີ 02 ເມສາ, ຢູ່ ຮ່າໂນ້ຍ, ວິທະຍຸກະຈາຍສຽງ ຫວຽດນາມ (VOV) ໄດ້ຈັດກອງປະຊຸມຜັນຂະຫຍາຍຂໍ້ຕົກລົງຂອງກົມການເມືອງ ກ່ຽວກັບພາລະບົດບາດ, ໜ້າທີ່ຂອງ VOV. ກອງປະຊຸມໄດ້ປະກາດຂໍ້ຕົກລົງເລກທີ 16 ຂອງກົມການເມືອງ. ຕາມນັ້ນແລ້ວ, ນັບແຕ່ວັນທີ 01 ເມສາ 2026, VOV ແມ່ນຫົວໜ່ວຍພາກລັດຂຶ້ນກັບຄະນະບໍລິຫານງານສູນກາງພັກ, ພາຍໃຕ້ການຊີ້ນຳ, ນຳພາໂດຍກົງ ແລະ ເປັນປະຈຳຂອງກົມການເມືອງ, ຄະນະເລຂາທິການ.
ຕາມຂໍ້ຕົກລົງດັ່ງກ່າວ, VOV ແມ່ນສະຖານີວິທະຍຸກະຈາຍສຽງແຫ່ງຊາດ, ອົງການສື່ມວນຊົນ, ການສື່ສານຫຼັກແຫຼ່ງມີຫຼາຍພາຫະນະ, ຫຼາຍພາສາຂອງພັກ, ລັດ; ປະຕິບັດໜ້າທີ່ລົງຂ່າວ, ອອກອາກາດຂໍ້ມູນຂ່າວສານທາງການຂອງພັກ, ລັດ; ສ່ອງແສງການດຳເນີນຊີວິດດ້ານການເມືອງ, ເສດຖະກິດ, ວັດທະນະທຳ, ສັງຄົມ, ການປ້ອງກັນຊາດ - ປ້ອງກັນຄວາມສະຫງົບ ແລະ ການຕ່າງປະເທດຂອງ ຫວຽດນາມ… ດ້ວຍຄວາມເປັນຈິງ.
ເມື່ອຊາບຊຶມທີ່ກອງປະຊຸມ, ທ່ານ ໂດ້ຕຽນຊີ້, ຜູ້ອຳນວຍການໃຫຍ່ VOV, ຮອງຫົວໜ້າຄະນະໂຄສະນາສຶກສາ ແລະ ຂົນຂວາຍປະຊາຊົນສູນກາງ, ຢືນຢັນວ່າ:
“ໃນຄັ້ງນີ້ໄດ້ເນັ້ນໜັກວ່າ VOV ແມ່ນແກ່ນສານໃນວຽກງານແນວຄິດວັດທະນະທຳໃນຂົງເຂດກະຈາຍສຽງ ແລະ ການສື່ສານ. ຂໍ້ 8 ມາດຕາ 2 ແມ່ນຈັດຕັ້ງການຜະລິດ, ສົ່ງສັນຍານ, ອອກອາກາດ, ຈຳໜ່າຍ, ເກັບສຳເນົາບັນດາລາຍການກະຈາຍສຽງ, ໜັງສືພິມ, ສື່ເອເລັກໂຕນິກ. ຫວັງວ່າ, ບັນດາສະຫາຍຈະຄົ້ນຄວ້າຢ່າງລະອຽດ ແລະ ໃນໄລຍະຈະມາເຖິງນີ້ພວກເຮົາຈະຕ້ອງສືບຕໍ່ຊາບຊຶມຕື່ມອີກ”.
