1. ຄວາມຂັດແຍ້ງ ແຜ່ໄປທົ່ວ ຕາເວັນອອກກາງ 

  ສາມະຄົມ ສ້ຽວວົງດວງເດືອນແດງ ປາແລັສະຕີນ (PRCS) ໄດ້ ເປີດເຜີຍຕົວເລກ ໃນວັນທີ 12 ຕຸລາ 2024 ໃຫ້ຮູ້ວ່າ ການປະທະກັນ ລະຫວ່າງກຳລັງ ອິດສະຣາແອນ ແລະ ຂະບວນການ ອິດສະລາມ ຮາມາດ ເຮັດໃຫ້ປະມານ 90% ເດັກນ້ອຍໃນເຂດ ກາຊາ ບໍ່ສາມາດເຂົ້າເຖິງອາຫານໄດ້ຢ່າງພຽງພໍ. ກ່ອນໜ້ານັ້ນ ໃນເດືອນ ມິຖຸນາ, ກອງທຶນເດັກນ້ອຍ ອົງການສະຫະປະຊາຊາດ (UNICEF) ກໍໄດ້ຄາດຄະເນວ່າ ມີເດັກນ້ອຍເກືອບ 3.000 ຄົນ ໃນເຂດ ກາຊາ ມີຄວາມສ່ຽງທີ່ ຈະເສຍຊີວິດ ຍ້ອນການຂາດ ສານອາຫານ. ໃນພາບ: ເດັກນ້ອຍລຽນແຖວ ລໍຖ້າ ຮັບອາຫານ ຊ່ວຍເຫຼືອ ຢູ່ເມືອງ Khan Younis, ເຂດ ກາຊາ, ວັນທີ 23 ຕຸລາ 2024. ພາບ: ຊິນຮົວ/VNA

ການປະທະກັນ ລະຫວ່າງ ອິດສະຣາແອນ ແລະ ຂະບວນການ ຮາ​ມາດ​  ຢູ່ເຂດ ກາຊາ ໄດ້ຂະຫຍາຍ ວົງກວ້າງອອກໄປ ໂດຍມີການເຂົ້າຮ່ວມ ຂອງ ກຳລັງ Hezbollah ຢູ່ Liban ແລະ Houthi ຢູ່ ເຢເມນ. ການລອບສັງຫານຜູ້ນໍາ ຮາ​ມາດ ຢູ່ນະຄອນຫຼວງ Tehran ໃນໄລຍະການດຳລົງຕຳແໜ່ງ ຂອງ ປະທານາທິບໍດີຄົນໃໝ່ ຂອງ ອີ ຣານ ໄດ້ນຳມາສູ່ການໂຈມຕີ ໂດຍກົງ ເຂົ້າດິນແດນ ຂອງ ກັນ ແລະ ກັນ ລະຫວ່າງ ອີຣານ ແລະ ອິດສະຣາແອນ. ໄລ່ຮອດວັນທີ 25 ກັນ ຍາ, ການປະທະກັນ ໄດ້ເຮັດໃຫ້ມີຜູ້ເສຍຊີວິດ ປະມານ 50.000 ຄົນ ແລະ ຫຼາຍລ້ານ ຄົນໄດ້ຮັບຜົນກະທົບ.

ວັນທີ 26 ພະຈິກ, ອິດສະຣາແອນ ແລະ Hezbollah ໄດ້ບັນລຸ ຂໍ້ຕົກ ລົງ ຢຸດຍິງຊົ່ວຄາວ, ແຕ່ການເຈລະຈາ ລະຫວ່າງ ອິດສະຣາແອນ ແລະ ຮາ​ມາດ​ ຍັງຕົກຢູ່ໃນສະພາບທາງຕັນ ເຮັດໃຫ້ຄວາມຫວັງ ກ່ຽວກັບວິທີແກ້ໄຂ ເພື່ອຢຸດຕິ ຄວາມຂັດແຍ່ງ ຢູ່ຕາເວັນອອກກາງຍັງຢູ່ຫ່າງໄກ.

2. ທ່ານ Donald Trump ຊະນະ ການເລືອກຕັ້ງ ປະທານາທິບໍດີສະຫະລັດ

   ວັນທີ 5 ພະຈິກ 2024, ຜູ້ສະໝັກເລືອກຕັ້ງ Donald Trump ຈາກພັກສາທາລະນະລັດ ຍາດໄດ້ໄຊຊະນະ ໃນການເລືອກຕັ້ງ ປະທານາ ທິບໍດີ ສະຫະລັດ ປີ 2024 ດ້ວຍຈຳນວນບັດ ສະໜັບສະໜູນເກີນ 270 ບັດ ທີ່ຈໍາເປັນ ຕາມກົດໝາຍ ກຳນົດໄວ້, ເອົາຊະນະຜູ້ສະໝັກເລືອກຕັ້ງ Kamala Harris ຈາກພັກປະຊາທິປະໄຕ ເພື່ອກາຍ ເປັນປະທານາທິບໍດີ ຄົນທີ 47 ຂອງ ສະຫະລັດ. ໃນ​​ພາບ: ຜູ້​ສະ​ໝັກ​ຮັບ​ເລືອກ​ຕັ້ງ Donald Trump ໃນ​ລະ​ຫວ່າງ​ການ​ໂຄສະນາຫາ​ສຽງ​ ຢູ່  Van Andel Arena, ວັນ​ທີ 5 ພະ​ຈິກ 2024. ພາບ: AP/VNA

ວັນ​ທີ 5 ພະຈິກ ​ຜ່ານມາ, ອະດີດ​ປະທານາທິບໍດີ ​Donald Trump ​ໄດ້​ຮັບ​ໄຊຊະນະ​ ຢ່າງ​ເດັດຂາດ ຕໍ່​ຜູ້​ສະໝັກ​​ເລືອກ​ຕັ້ງ​ Kamala Harris ​ຂອງ ພັກປະຊາທິປະໄຕ ແລະ ພັກສາທາລະນະລັດ ຂອງທ່ານ​ ກໍຍາດໄດ້ສິດ​ຄວບ​ຄຸມ​ທັງ​ສອງ​ສະພາ. ນະໂຍບາຍ “ອາເມລິ ກາ ຕ້ອງມາກ່ອນ” ຂອງ ປະທານາທິບໍດີຄົນ ທີ 47 ໃຫ້ສັນຍານການປ່ຽນແປງ ອັນໃຫຍ່ຫຼວງ ຂອງ ນະໂຍບາຍ ພາຍໃນ ແລະ ຕ່າງປະ ເທດ ຂອງ ສະຫະລັດ ເຊິ່ງມີຜົນກະທົບ ຢ່າງເລິກເຊິ່ງ ຕໍ່ບັນດາປະ ເທດ ແລະ ພາກພື້ນ ທົ່ວໂລກ ໃນຊຸມປີ ຕໍ່ໜ້າ.

3. ລັດຖະບານ ຂອງ ປະທານາທິບໍດີ ຊີເຣຍ Bashar al-Assad ລົ້ມສະຫຼາຍ

ໃນ​ວັນ​ທີ 8 ທັນວາ​ປີ 2024 ໂທລະພາບ​ແຫ່ງ​ລັດ​ ຊີ​ເຣຍ​ ​ໄດ້​ປະກາດ​ໄຊຊະນະ ​ຂອງ​ຝ່າຍ​ຄ້ານ ​ຂອງ​ປະ​ເທດ​ນີິ້ ແລະ​ ລະບອບ​ຂອງ​ປະທາ ນາທິບໍດີ Bashar al-Assad (​ໃນ​​ພາບ) ​ໄດ້​ພັງ​ທະລາ​ຍລົງ. ພາບ: SANA/VNA

ພາຍຫຼັງສົງຄາມກາງເມືອງ ທີ່ນອງເລືອດ ແກ່ຍາວເປັນເວລາ 13 ປີ, ໃນວັນທີ 8 ທັນວາ, ກອງກໍາລັງຝ່າຍຄ້ານຢູ່ ຊີເຣຍ ໄດ້ເຂົ້າຍຶດຄອງນະຄອນຫຼວງ Damascus, ປະທານາທິບໍດີ Bashar al-Assad ແລະ ຄອບຄົວຕ້ອງ ໄດ້ໜີອອກນອກປະເທດ. ການລົ້ມສະຫຼາຍ ຂອງລັດ ຖະບານ al-Assad ອາດຈະສົ່ງຜົນກະທົບຢ່າງກວ້າງຂວາງ, ເລິກ ເຊິ່ງ ຕໍ່ສະຖານະການ ໃນຕາເວັນອອກກາງ, ພ້ອມທັງມີຄວາມສ່ຽງ ທີ່ຈະເຮັດໃຫ້ ພູມີພາກນີ້ ຕົກຢູ່ໃນສະພາບທີ່ວຸ້ນວາຍ ແລະ ແບ່ງແຍກ ກັນຫຼາຍຂຶ້ນ. ປະຊາຄົມໂລກ ພະຍາຍາມ ເພື່ອຮັບປະກັນ ການປ່ຽນແປງລັດຖະບານ ແລະ ເຮັດໃຫ້ສະຖານະການ ໃນປະເທດນີ້ ມີສະຖຽນລະພາບໂດຍໄວ. 

  ເດືອນສິງຫາ 2024, ກອງກຳລັງ ອູແກຣນ ໄດ້ບຸກໂຈມຕີຢ່າງກະທັນ ຫັນ ແລະ ຍຶດຄອງຫຼາຍເຂດ ໃນແຂວງ Kursk ຂອງ ຣັດເຊຍ. ນີ້ແມ່ນການບຸກໂຈມຕີ ທາງບົກຄັ້ງທຳອິດ ຂອງກອງກຳລັງທະຫານຕ່າງຊາດ ເຂົ້າໃນດິນແດນຣັດເຊຍ ນັບຕັ້ງແຕ່ ຫຼັງສົງຄາມໂລກ ຄັ້ງທີສອງ. ໃນພາບ: ເຮືອບິນບໍ່ມີຄົນຂັບຂອງ ຣັດເຊຍ ໂຈມຕີ ລົດທະ ຫານຂອງ ອູແກຣນ ທີ່ເຂົ້າຮຸກຮານເຂດ Kursk, ວັນທີ 12 ສິງຫາ 2024. ພາບ: Getty Image/VNA

ເດືອນ ສິງຫາ 2024, ກອງກຳລັງ ອູແກຣນ ໄດ້ບຸກໂຈມຕີຢ່າງກະ ທັນຫັນ ແລະ ຍຶດຄອງຫຼາຍເຂດ ຢູ່ແຂວງ Kursk ຂອງ ຣັດເຊຍ. ນີ້ແມ່ນການບຸກໂຈມຕີ ທາງບົກ ຄັ້ງທຳອິດ ຂອງກອງກຳລັງທະຫານ ຕ່າງຊາດ ເຂົ້າ ຣັດເຊຍ ນັບຕັ້ງແຕ່ ຫຼັງສົງຄາມໂລກ ຄັ້ງທີສອງ. ກາງເດືອນ ພະຈິກ, ເປັນຄັ້ງທຳອິດ, ອູແກຣນ ໄດ້ຍິງລູກສອນໄຟ ທີ່   ສ ອາເມລິກາ, ອັງກິດ ແລະ ຝຣັ່ງ ຊ່ວຍເຫຼືອ ເລິກເຂົ້າໄປໃນດິນ ແດນ ຂອງ ຣັດເຊຍ. ຣັດເຊຍ ໄດ້ຍິງລູກສອນໄຟ ຄວາມໄວເໜືອສຽງ ເຂົ້າໃສ່ເມືອງ Dnipro ຂອງ ອູແກຣນ ແລະ ປະກາດທິດສະດີ ນິວເຄຼຍ ທີ່ໄດ້ຮັບການປັບປຸງ. ການລອບສັງຫານ ນາຍພົນ Igor Kirillov ຂອງ ຣັດເຊຍ ຢູ່ ມົສກູ ໃນວັນທີ 17 ທັນວາ ຍິ່ງເຮັດໃຫ້ຄວາມເຄັ່ງຕຶງ ລະຫວ່າງ ສອງຝ່າຍເພີ່ມຂຶ້ນ. ເຖິງແມ່ນວ່າ ຜູ້ນຳ ຣັດເຊຍ ແລະ ອູແກຣນ ລ້ວນແຕ່ປະກາດວ່າ ພ້ອມທີ່ຈະທຳການເຈລະ ຈາ, ແຕ່ຈຸດຢືນຂອງສອງຝ່າຍ ຍັງມີຄວາມແຕກຕ່າງກັນຫຼາຍ.

5. ເສດຖະກິດໂລກ ຟື້ນຕົວ ເຖິງແມ່ນວ່າ ຈະມີ “ລົມພັດຕ້ານ” 

ກຳມະກອນເຮັດວຽກຢູ່ໂຮງງານ ຜະລິດ ລົດໃຫ່ຍແຫ່ງໜຶ່ງ ໃນເມືອງ Pamplona, ປະເທດ ແອັດສະປາຍ. ພາບ: AFP/VNA

ກອງທຶນເງິນຕາສາກົນ (IMF) ໄດ້ຄາດຄະເນວ່າ ເສດຖະກິດໂລກ ໃນປີ 2024 ຈະຂະຫຍາຍຕົວ 3,2% ເຖິງແມ່ນວ່າ ຈະມີຄວາມສ່ຽງ ຈາກຂໍ້ຂັດແຍ່ງ ທາງດ້ານພູມສາດການເມືອງ, ຄວາມຂັດແຍ່ງ ດ້ານການຄ້າ ແລະ ຄວາມບໍ່ໝັ້ນຄົງທີ່ກ່ຽວພັນເຖິງການເລືອກຕັ້ງ. ບັນ ດາພື້ນຖານເສດຖະກິດໃຫຍ່ ມີທ່າອ່ຽງປັບປຸງ ນະໂຍບາຍ ເສດຖະ ກິດມະຫາພາກ, ຫຼຸດອັດຕາດອກເບ້ຍ ເພື່ອສົ່ງເສີມ ການຂະຫຍາຍ ຕົວ. ທະນາຄານກາງ ສະຫະລັດ (FED) ໄດ້ຫຼຸດອັດຕາດອກເບ້ຍ ເປັນຄັ້ງທຳອິດໃນຮອບ 4 ປີ, ໃນຂະນະທີ່ທະນາຄານກາງ ອື່ນໆ ອີກຈຳນວນໜຶ່ງ ກໍມີການກະທຳ ຄ້າຍຄືກັນ.

6. ປີທີ່ຮ້ອນທີ່ສຸດ ໃນປະຫວັດສາດ

  ວັນທີ 19 ເມສາ 2024, ລັດ Odisha ທາງພາກຕາເວັນອອກ ຂອງປະເທດ ອິນເດຍ ໄດ້ບັນທຶກ ມີຜູ້ເສຍຊີວິດ 1 ຄົນ ຍ້ອນເມົາແດດ ແລະ 71 ກໍລະນີ ທີ່ກ່ຽວຂ້ອງກັບແດດຮ້ອນ. ເທດສະບານເມືອງ Boudh ຢູ່ລັດ Odisha ມີອຸນຫະພູມ ສູງສຸດໃນລັດ, 44,3 ອົງສາເຊ, ຮອງລົງມາແມ່ນ Baripada ດ້ວຍ 44,2 ອົງສາເຊ. ໃນພາບ: ປະ ຊາຊົນ ໃສ່ຜ້າຄຸມຫົວ ແລະ ປົກປິດໃບໜ້າ ເພື່ອກັນແສງແດດ ໃນຂະນະທີ່ເດີນທາງຢູ່ ຕາມຖະໜົນ ໃນເມືອງ Kanpur, ປະເທດ ອິນເດຍ. ພາບ: ANI/VNA

ອົງການຕິດຕາມກວດກາ ສະພາບອາກາດ Copernicus ໄດ້ໃຫ້ຂໍ້ສັງ ເກດວ່າ ປີ 2024 ແມ່ນປີທີ່ຮ້ອນທີ່ສຸດ ໃນປະຫວັດສາດ ແລະ ແມ່ນປີ ທຳອິດ ທີ່ມີອຸນຫະພູມ ສະເລ່ຍ ສູງກວ່າ 1,5 ອົງສາເຊ ເມື່ອທຽບ ໃສ່ໄລຍະກ່ອນຍຸກ ອຸດສາຫະກຳ (1850-1900) ເມື່ອມະນຸດ ເລີ່ມນຳໃຊ້ ຟອດຊີວ ດ້ວຍປະລິມານຫຼາຍ..

ອຸນຫະພູມເພິີ່ມຂຶ້ນເປັນສາເຫດເຮັດໃຫ້ເກີດປະກົດການ ສະພາບ​ອາ​ກາດ ທີ່​ຮຸນ​ແຮງຍິ່ງຂຶ້ນ ເຊັ່ນ ພາຍຸໄຕ້ຝຸ່ນ Yagi ເຮັດໃຫ້ມີ ຜູ້ເສຍ ຊີວິດ ກວ່າ 600 ຄົນ ຢູ່ໃນອາຊີຕາເວັນອອກສ່ຽງໃຕ້, ພາຍຸ Helene ໄດ້ສ້າງຄວາມເສຍຫາຍ 110 ຕື້ໂດລາສະຫະລັດ ຢູ່ ສ ອາເມລິກາ, ນໍ້າຖ້ວມຢູ່ ແອັດສະປາຍ ເຮັດໃຫ້ມີຜູ້ເສຍຊີວິດ 200 ຄົນ. ເຖິງຢ່າງ ໃດກໍ່ຕາມ, ຄວາມພະຍາຍາມທົ່ວໂລກ ກ່ຽວກັບ ການຫຼຸດຜ່ອນການນຳໃຊ້ ຟອດຊີວຍັງບໍ່ທັນໄດ້ຮັບການຊຸກຍູ້ ຢ່າງແຂງແຮງ.

7. ຄຳໂລກສ້າງສະຖິຕິໃໝ່

  ຄຳແທ່ງຢູ່ Aichi, ປະເທດ ຍີ່ປຸ່ນ. ພາບ: Kyodo/VNA

ລາຄາຄຳໂລກ ໃນວັນທີ 31ຕຸລາ ໄດ້ສ້າງສະຖິຕິໃໝ່ 2.790,15 ໂດລາ ສະຫະລັດ ຕໍ່ ounce, ເພີ່ມຂຶ້ນປະມານ 35% ນັບຕັ້ງແຕ່ຕົ້ນປີ, ເຮັດໃຫ້ລາຄາຄຳ ພາຍໃນປະເທດ ມີການປ່ຽນແປງຢ່າງຮຸນແຮງ. ສາເຫດ ແມ່ນຍ້ອນອັດຕາເງິນເຟີ້ ເພີ່ມຂຶ້ນ, ຄວາມບໍ່ສະຫງົບ ທາງດ້ານພູມສາດການເມືອງ, ທະນາຄານກາງສະຫະລັດ (Fed) ຫັນ ນະ ໂຍບາຍ ດ້ານການເງິນ… ບັນດາທະນາຄານກາງ ຫຼາຍແຫ່ງ ພາກັນ ຊື້ຄຳ ແລະ ຖືວ່າ ຄຳ ເປັນຊັບສິນ ສໍາຮອງ ແຫ່ງຊາດ. ລາຄາຄຳ ທີ່ເພີ່ມຂຶ້ນຢ່າງແຮງ ໄດ້ເຮັດໃຫ້ ຄວາມສົນໃຈຕໍ່ຊັບສິນທີ່ມີຄວາມສ່ຽງຫຼຸດລົງ, ເຊິ່ງນຳໄປສູ່ການ ທີ່ນັກລົງທຶນຫຼາຍຄົນ ປ່ຽນທິດ ທາງການລົງທຶນ ໄປສູ່ຊັບສິນອື່ນ.

8. ການຟື້ນຕົວ ຂອງຝ່າຍຊ້າຍ ໃນທະວີບ ເອີຣົບ

 ວັນ​ທີ 4 ທັນ​ວາ​ 2024, ສະ​ມາ​ຊິກ​ສະ​ພາ​ແຫ່ງ​ຊາດ​ ຝ​ຣັ່ງ​ ໄດ້​ດຳ​ເນີນ​ການ​ລົງ​ຄະ​ແນນ​ສຽງ​ບໍ່​ໄວ້​ວາງ​ໃຈ, ບັງ​ຄັບ​ໃຫ້​ທ່ານນາ​ຍົກ​ລັດ​ຖະ​ມົນ​ຕີ Michel Barnier ລາ​ອອກ​ຈາກ​ຕຳ​ແໜ່ງ, ເປັນ​ເຫດ​ໃຫ້​ລັດ​ຖະບານ​ ລົ້ມ​ລະ​ລາຍ. ມີສະມາຊິກສະພາ ທັງໝົດ 331 ທ່ານ, ສ່ວນຫຼາຍແມ່ນມາຈາກ ພັນທະມິດ ບັນດາພັກຝ່າຍຊ້າຍ NFP ແລະ ພັກຂວາຈັດ RN, ໄດ້ລົງຄະແນນສຽງໃຫ້ສັດຕະຍາບັນ, ລື່ນກາຍ 289 ບັດທີ່ຈຳເປັນ ເພື່ອການລົງຄະແນນສຽງ ບໍ່ໄວ້ວາງໃຈ ທີ່ຈະມີຜົນສັກສິດ. ພາບ: ຊິນຮົວ/VNA 

ການເລືອກຕັ້ງສະພາແຫ່ງຊາດ ສ່ວນໃຫຍ່ຢູ່ເອີຣົບ ໄດ້ເຫັນການຟື້ນຕົວຢ່າງແຂງແຮງ ຂອງ ບັນດາພັກຝ່າຍຊ້າຍ, ຝ່າຍຂວາຈັດ ແລະ ຂະບວນການຊາດນິຍົມ. ສິ່ງນີ້ ບໍ່ພຽງແຕ່ ສ້າງສິ່ງທ້າທາຍ ຕໍ່ອະນາ ຄົດ ແລະ ສະຖຽນລະພາບ ຂອງສະຫະພາບ ເອີຣົບ (EU) ເທົ່ານັ້ນ, ແຕ່ຍັງເຮັດໃຫ້ ຄວາມພະຍາຍາມ ຮ່ວມມື ສາກົນ ອ່ອນແອລົງ ເພື່ອແກ້ໄຂ ບັນຫາຮີບດ່ວນທົ່ວໂລກ ອີກດ້ວຍ. ການທີ່ລັດຖະບານຂອງທ່ານ ນາຍົກລັດຖະມົນຕີ ຝຣັ່ງ Michel Barnier ບໍ່ຜ່ານການລົງຄະ ແນນສຽງ ບໍ່ໄວ້ວາງໃຈ ແລະ ລັດຖະບານຂອງ ທ່ານ ນາຍົກລັດຖະ ມົນຕີເຢຍລະມັນ Olaf Scholz ບໍ່ຜ່ານ ການລົງຄະແນນສຽງໄວ້ວາງ ໃຈ ສະທ້ອນໃຫ້ເຫັນ ເຖິງຄວາມບໍ່ສະຫງົບ ທາງດ້ານການເມືອງ ຢູ່ ເອີຣົບ.

99. ອົງການສະຫະປະຊາຊາດ ຮັບຮອງເອົາ ຄຳຕົກລົງທົ່ວໂລກ ສະບັບທຳອິດ ກ່ຽວກັບ AI

  

ໃນວັນທີ 21 ມີນາ 2024, ສະມັດຊາໃຫຍ່ ສະຫະປະຊາຊາດ ໄດ້ຮັບຮອງເອົາຂໍ້ຕົກລົງທີ່ ມີລັກສະນະບຸກທະລຸ ກ່ຽວກັບ ການສົ່ງເສີມ ລະບົບປັນຍາປະດິດ (AI) ທີ່ “ປອດໄພ, ຮັກສາ ຄວາມລັບ ແລະ ໜ້າເຊື່ອຖື” ເພື່ອນຳເອົາຜົນປະໂຫຍດ ຄືການ ພັດທະນາແບບຍືນຍົງມາສູ່ທຸກຄົນ. ພາບ: ຊິນຮົວ/VNA

ໃນວັນທີ 21 ມີນາ ສະມັດຊາໃຫຍ່ ອົງການສະຫະປະຊາຊາດ ໄດ້ຮັບຮອງເອົາຂໍ້ຕົກລົງ ທີ່ມີລັກສະນະບຸກທະລຸ ກ່ຽວກັບ ການສົ່ງເສີມ ລະບົບປັນຍາປະດິດ (AI) ທີ່ “ປອດໄພ, ຮັກສາຄວາມລັບແລະ ໜ້າ ເຊື່ອຖື” ເພື່ອການພັດທະນາ ແບບຍືນຍົງ ສຳລັບທຸກຄົນ ໃນສະພາບ ທີ່ປະຊາຄົມສາກົນ ກຳລັງປະເຊີນໜ້າ ກັບ ທັງໂອກາດ ແລະ ສິ່ງທ້າທາຍ ຈາກການນຳໃຊ້ ແລະ ຄຸ້ມຄອງ AI.

ສະມາຄົມ ບັນດາປະເທດ ອາຊີຕາເວັນອອກສ່ຽງໃຕ້ (ASEAN) ກໍໄດ້ປະກາດໃຊ້ ຄຳແນະນຳ ກ່ຽວກັບຈັນຍາບັນ ແລະ ການຄຸ້ມຄອງ AI ເພື່ອສົ່ງເສີມການນຳໃຊ້ AI ຢ່າງມີຄວາມ ຮັບຜິດຊອບ. ສະຫະ ພາບ ເອີຣົບ (EU) ໄດ້ກະຕຸ້ນຢ່າງໄວ ກົດດຳລັດຄຸ້ມຄອງ AI ຢ່າງເປັນທາງການ ເພື່ອປົກປ້ອງ ສິດທິ ພົນລະເມືອງ ໃນຂະນະທີ່ຍັງສົ່ງ ເສີມການປະດິດສ້າງໃໝ່.

10. ຍານອາວະກາດ ຊາງເອີ-6 ເກັບກຳຕົວຢ່າງ ຈາກດ້ານມືດ ຂອງດວງຈັນ

ໃນວັນທີ 2 ມິຖຸນາ 2024, ຍານອາວະກາດ ຊາງເອີ-6 ໄດ້ລົງຈອດ ຢູ່ດ້ານມືດ ຂອງດວງຈັນ. ຕາມຖະແຫຼງການ ຂອງອົງການ ອາວະກາດ ແຫ່ງຊາດ ຈີນ (CNSA) ໃຫ້ຮູ້ວ່າ ດ້ວຍການ ຊ່ວຍເຫຼືອ ຂອງ ດາວທຽມ ການສື່ສານ ເສວ້ສຽວ-2, ຊຸດຍານ ລົງຈອດ/ຂຶ້ນບິນ ຊາງເອີ-6 ໄດ້ລົງຈອດສຳເລັດຢູ່ ເຂດທີ່ກຳນົດໄວ້ ໃນອ່າງຂົ້ວໂລກໃຕ້-Aiken (SPA) ເທິງດວງຈັນ. ພາບ: ຊິນຮົວ/VNA

ໃນວັນທີ 25 ມິຖຸນາ, ຍານອາວະກາດ ຊາງເອີ-6 ໄດ້ລົງຈອດ ຢ່າງປອດໄພ ຢູ່ເຂດ Siziwang Banner ໃນເຂດ ທະເລຊາຍ ສັງກັດເຂດປົກຄອງຕົນເອງ (ພາກເໜືອ ສປ ຈີນ), ນຳເອົາຕົວຢ່າງດິນຫີນ ທີ່ເກັບກຳໄດ້ ຈາກດ້ານມືດຂອງດວງຈັນ. ນີ້ແມ່ນຜົນສຳເລັດ ທີ່ບໍ່ເຄີຍມີມາກ່ອນ ໃນປະຫວັດສາດ ຂອງ ມະນຸດ ກ່ຽວກັບການສຳຫຼວດດວງຈັນ. ບັນດານັກວິທະຍາສາດ ມີຄວາມຫວັງວ່າ ຕົວຢ່າງທີ່ຍານອາວະກາດ ຊາງເອີ-6  ນຳມາ, ລວມທັງ ຫີນພູ ເຂົາໄຟ ອາຍຸ 2,5 ລ້ານປີ ແລະ ວັດຖຸອື່ນໆ, ອາດຈະຊ່ວຍ ເຮັດໃຫ້ຄວາມລັບ ກ່ຽວກັບຄວາມແຕກຕ່າງ ທາງພູມສາດ ຢູ່ ສອງດ້ານຂອງດວງຈັນ ກະຈ່າງແຈ້ງຂຶ້ນ.