ຂ່າວສານ

ເວັບໄຊ sourceofasia.com: ຫວຽດນາມ ກາຍເປັນສະຖານທີ່ເປັນໜ້າສົນໃຈຂອງບັນດາວິສາຫະກິດທົ່ວໂລກ

25/12/2024

ໃນເວັບໄຊ sourceofasia.com ວັນທີ 23 ທັນວາ ມີບົດຂຽນທີ່ຢັ້ງຢືນວ່າ ຊຸມປີມໍ່ໆມານີ້, ຫວຽດນາມ ພວມຊຸກຍູ້ບັນດາກາລະໂອກາດເຕີບໂຕໃນບັນດາຂົງເຂດອຸດສາຫະກຳຈຸດສຸມ, ພິເສດແມ່ນເຕັກໂນໂລຢີ. ຕາມບົດຂຽນແລ້ວ, ຂີດໝາຍທີ່ໜ້າສົນໃຈແມ່ນ ກຸ່ມບໍລິສັດ Nvidia (ອາເມລິກາ) ຫາກໍ່ຊື້ຄືນບໍລິສັດ VinBrain ເຊິ່ງແມ່ນບໍລິສັດພັດທະນາບັນດາຜະລິດຕະພັນໝູນໃຊ້ປັນຍາປະດິດ (AI) ໃນຂົງເຂດສາທາລະນະສຸກຢູ່ ຫວຽດນາມ).

(ພາບເອກະສານ: TTXVN)

ໂດຍບໍ່ຫົວຊາຕໍ່ສະຖານະການຂາດສະຖຽນລະພາບໃນນະໂຍບາຍການຄ້າຂອງບາງປະເທດໃຫຍ່, ຫວຽດນາມ ຍັງມີຄວາມສາມາດດຶງດູດບັນດາກຸ່ມບໍລິສັດທົ່ວໂລກ, ນີ້ແມ່ນຫຼັກຖານສະແດງໃຫ້ເຫັນຄວາມສາມາດຮັບມືຂອງ ຫວຽດນາມ. ເວັບໄຊດັ່ງກ່າວຍັງເນັ້ນໜັກວ່າ ຫວຽດນາມ ມີຄວາມສາມາດຮັກສາສາຍພົວພັນທາງດ້ານການຄ້າທີ່ໃກ້ຊິດກັບທັງ ອາເມລິກາ ແລະ ຈີນ, ໃນຂະນະທີ່ຊຸກຍູ້ບັນດາຂະແໜງອຸດສາຫະກຳພາຍໃນປະເທດ, ສິ່ງດັ່ງກ່າວຊ່ວຍກຳນົດທີ່ຕັ້ງຂອງ ຫວຽດນາມວ່າ ເປັນປັດໄຈສຳຄັນໃນພື້ນຖານເສດຖະກິດທົ່ວໂລກ. ການຂະຫຍາຍຕົວຂອງຂະແໜງເຕັກໂນໂລຢີ ດ້ວຍບັນດາຂໍ້ຕົກລົງທີ່ມີລັກສະນະເປັນບາດລ້ຽວ, ເປັນຕົ້ນແມ່ນ ຂໍ້ຕົກລົງກຸ່ມບໍລິສັດ Nvidia ຊື້ຄືນ VinBrain, ຊ່ວຍປັບປຸງບົດບາດຂອງ ຫວຽດນາມ, ເປັນຕົ້ນແມ່ນຖານະເປັນສູນນະວັດຕະກຳຢູ່ອາຊີຕາເວັນອອກສ່ຽງໃຕ້. ດ້ວຍລະບົບນິເວດເຕັກໂນໂລຢີພວມພັດທະນາ ແລະ ບັນດາສາຍພົວພັນຄູ່ຮ່ວມມືການຄ້າຍຸດທະສາດ, ຫວຽດນາມ ພ້ອມແລ້ວທີ່ຈະສວມບົດບາດໃຫຍ່ກວ່າອີກໃນເວທີສາກົນ.

(ແຫຼ່ງຄັດຈາກ VOV)

ຂ່າວສານ

ເວັບໄຊ sourceofasia.com: ຫວຽດນາມ ກາຍເປັນສະຖານທີ່ເປັນໜ້າສົນໃຈຂອງບັນດາວິສາຫະກິດທົ່ວໂລກ

ບັນດາບົດຕໍ່ໄປ

ຫວຽດນາມ ປະດັບຫຼຽນໄຊ, ຫຼຽນກາໃຫ້ກົມກອງລວມໝູ່, ສ່ວນບຸກຄົນຫ້ອງວ່າການປະທານປະເທດລາວ

ບັນຍາກາດວັນບຸນຄຼິດສະມາດຢູ່ ຫວຽດນາມ ແລະ ໃນໂລກ

ການສົ່ງອອກນຳເຂົ້າຫວຽດນາມ ໃນປີ 2024 ບັນລຸໝາກຜົນທີ່ໜ້າປະທັບໃຈ

ຫວຽດນາມ ເປັນເຈົ້າພາບຈັດພິທີເຊັນສົນທິສັນຍາຂອງສະຫະປະຊາຊາດ; ຂີດໝາຍໃໝ່ໃນການເຊື່ອມໂຍງດ້ານນິຕິກຳສາກົນ

ທ່ານນາຍົກລັດຖະມົນຕີ ຟ້າມມິງຈິງ ຕ້ອນຮັບເອກອັກຄະລັດຖະທູດ UAE, ກາຕາ ແລະ ອາຣັບບີ ຊະອຸດີ

ການສົ່ງອອກສິນໃນນ້ຳ ບັນລຸ 10 ຕື້ USD

ເວັບ​ໄຊ sourceofasia.com: ຫວຽດ​ນາມ ກາຍ​ເປັນ​ສະ​ຖານ​ທີ່​ເປັນ​ໜ້າ​ສົນ​ໃຈ​ຂອງ​ບັນ​ດາ​ວິ​ສາ​ຫະ​ກິດ​ທົ່ວ​ໂລກ

ເວັບໄຊ sourceofasia.com: ຫວຽດນາມ ກາຍເປັນສະຖານທີ່ເປັນໜ້າສົນໃຈຂອງບັນດາວິສາຫະກິດທົ່ວໂລກ