ຕາມຕົວເລກຂອງພະແນກການເງິນ ຮ່າໂນ້ຍ ແລ້ວ, ນັບແຕ່ຕົ້ນປີຮອດວັນທີ 24 ສິງຫາ, ຍອດເງິນລົງທຶນໂດຍກົງຈາກຕ່າງປະເທດ (FDI) ທີ່ດຶງດູດໄດ້ໃນບໍລິເວນນະຄອນບັນລຸປະມານກວ່າ 3,7 ຕື້ USD, ເທົ່າກັບ 83% ເປົ້າໝາຍທັງປີແມ່ນ 4,5 ຕື້ USD.
ສິ່ງທີ່ໜ້າສົນໃຈນັ້ນແມ່ນ, ຈຳນວນໂຄງການສະໜອງໃໝ່ສືບຕໍ່ເພີ່ມຂຶ້ນຢ່າງແຮງ. ໃນເດືອນ ສິງຫາ, ຮ່າໂນ້ຍ ມີ 62 ໂຄງການສະໜອງໃໝ່, ດ້ວຍທຶນຈົດທະບຽນໃໝ່ກວ່າ 46,7 ຕື້ USD. ສະສົມຮອດວັນທີ 24 ສິງບຫາ, ນະຄອນມີ 450 ໂຄງການສະໜອງໃໝ່. ພ້ອມກັບບັນດາໂຄງການໃໝ່, ແຫຼ່ງທຶນເພີ່ມຂຶ້ນຈາກບັນດາໂຄງການທີ່ພວມເຄື່ອນໄຫວສືບຕໍ່ໄດ້ຮັບການຮັກສາໄວ້. ໃນເດືອນ ສິງຫາ ມີ 8 ເທື່ອໂຄງການດັດປັບເພີ່ມທຶນດ້ວຍຈຳນວນທຶນ 30,8 ຕື້ USD, ສູງກວ່າ 1,68 ເທົ່າເມື່ອທຽບໃສ່ເດືອນ ກໍລະກົດ.
ປະຈຸບັນ, ຮ່າໂນ້ຍ ພວມສ້າງໂຄງປະກອບທຶນ FDI ຄືນໃໝ່ຕາມທິດມີຄຸນນະພາບສູງ, ໃຫ້ບຸລິມະສິດດ້ານເຕັກໂນໂລຊີ, ນະວັດຕະກຳ, ການບໍລິການດີຈີຕອນ ແລະ ການຄົ້ນຄວ້າ - ພັດທະນາ. ຮອດວັນທີ 24 ສິງຫາ, ຂົງເຂດເຄື່ອນໄຫວວິຊາສະເພາະ, ວິທະຍາສາດ ແລະ ເຕັກໂນໂລຊີນຳໜ້າດ້ວຍທຶນກວ່າ 2,2 ຕື້ USD, ກວມເອົາ 60% ຍອດຈຳນວນທຶນ FDI. ຖັດຈາກນັ້ນແມ່ນບັນດາໝວດຂະແໜງ: ຖະແຫຼງຂ່າວ ແລະ ສື່ສານ; ອະສັງຫາລິມະຊັບ; ການຂາຍສົ່ງ - ຂາຍຍ່ອຍ…
ໄລ່ຮອດປະຈຸບັນ, ທຶນ FDI ປະຕິບັດສະສົມບັນລຸກວ່າ 1,3 ຕື້ USD, ເທົ່າກັບກວ່າ 125% ຂອງໄລຍະດຽວກັນປີ 2025 ແລະ ບັນລຸ 82% ແຜນການຂອງປີ 2026.
