ສະຫະສະມາຄົມຜັກ, ໝາກໄມ້ ຫວຽດນາມ ຄາດຄະເນວ່າ, ການສົ່ງອອກຜັກ, ໝາກໄມ້ໃນປີ 2023 ຈະບັນລຸປະມານແຕ່ 5,5 – 5,6 ຕື້ USD. ນີ້ແມ່ນລະດັບສະຖິຕິຂອງຂະແໜງນີ້ນັບແຕ່ກ່ອນມາຮອດປະຈຸບັນ.
ໃນ 11 ເດືອນຜ່ານມາ, ການສົ່ງອອກຜັກ, ໝາກໄມ້ ບັນລຸ 5,2 ຕື້ USD, ເພີ່ມຂຶ້ນ 70% ເມື່ອທຽບໃສ່ໄລຍະດຽວກັນຂອງປີ 2022. ຈີນ ຍັງແມ່ນຕະຫຼາດແຖວໜ້າໃນການນຳເຂົ້າຜັກ, ໝາກໄມ້ຂອງ ຫວຽດນາມ, ກວມເອົາອັດຕາສ່ວນ 66%, ຖັດຈາກນັ້ນແມ່ນ: ອາເມລິກາ, ສ.ເກົາຫຼີ, ຍີ່ປຸ່ນ…
ກົງກັນຂ້າມ, ພາຍຫຼັງ 11 ເດືອນ, ຫວຽດນາມ ໄດ້ນຳເຂົ້າຜັກ, ໝາກໄມ້ດ້ວຍມູນຄ່າ 1,77 ຕື້ USD, ຫຼຸດລົງ 5,8% ເມື່ອທຽບໃສ່ໄລຍະດຽວກັນຂອງປີ 2022. ສະນັ້ນ, ມູນຄ່າ ສົ່ງອອກເກີນດູນຜັກ, ໝາກໄມ້ໃນ 11 ເດືອນຜ່ານມາ ບັນລຸກວ່າ 3,4 ຕື້ USD.
ທ່ານ ດັ້ງຟູກງວຽນ, ເລຂານຸການໃຫຍ່ສະຫະສະມາຄົມ, ໝາກໄມ້ ຫວຽດນາມ, ໃຫ້ຮູ້ວ່າ, ໃນ 2 ເດືອນຜ່ານມາ ການສົ່ງອອກຜັກ, ໝາກໄມ້ມີທ່າອ່ຽງຫຼຸດລົງ ຍ້ອນລະດູໝາກທົ່ວລຽນໝົດແລ້ວ. ກ່ອນໜ້ານັ້ນ, ໃນ 10 ເດືອນ, ມູນຄ່າສົ່ງອອກໝາກຖົ່ວລຽນບັນລຸກວ່າ 2 ຕື້ USD, ກວມເອົາ 43% ຍອດວົງເງິນສົ່ງອອກຜັກ, ໝາກໄມ້ຂອງ ຫວຽດນາມ.
