ວັນທີ 25 ພະຈິກ ຜ່ານມາ, ສະມາຄົມຖ່າຍຮູບ ນະຄອນ ໂຮ່ ຈີມິນ ໄດ້ເປີດງານ “ຖະໜົນພາບຖ່າຍ ສິລະປະ” ພາຍໃຕ້ຫົວຂໍ້ “ໂລກຜ່ານ ເລນ ຂອງການຖ່າຍຮູບ” ແລະ “ນະຄອນ ທີ່ຂ້ອຍຮັກ”. ພ້ອມດຽວກັນ ຍັງເປັນການໂຄສະນາ ແລະ ແນະ ນຳ ບັນດາຮູບພາບ ກ່ຽວກັບປະເທດຊາດ ແລະ ຜູ້ຄົນ ຫວຽດ ນາມ ໃຫ້ນັກທ່ອງທ່ຽວ ທີ່ມາຍັງນະຄອນ ໂຮ່ຈີມິນ.
ສະເຫຼີມສະຫຼອງ 40 ປີ ວັນສ້າງຕັ້ງ ສະມາຄົມຖ່າຍຮູບ ນະ ຄອນ ໂຮ່ຈີມິນ (28 ພະຈິກ 1981 – 28 ພະຈິກ 2021). ທີ່ ຖະໜົນ ໂດ່ງເຂີຍ, ເມືອງ 1, ສະມາຄົມຖ່າຍຮູບ ນະຄອນ ໂຮ່ຈີມິນ ໄດ້ເປີດງານວາງສະແດງ “ຖະໜົນພາບຖ່າຍສິລະປະ” ພາຍໃຕ້ຫົວຂໍ້: “ໂລກຜ່ານເລນ ກ້ອງຖ່າຍຮູບ” ແລະ “ນະຄອນ ທີ່ຂ້ອຍຮັກ”. ພາບຖ່າຍ ຈໍານວນ 176 ແຜ່ນ ທີ່ນໍາມາວາງສະແດງໃນຄັ້ງນີ້, ໃນນັ້ນຫົວຂໍ້້ “ໂລກຜ່ານ ເລນ ກ້ອງຖ່າຍຮູບ” ລວມມີ 116 ແຜ່ນ ແລະ “ນະຄອນ ທີ່ຂ້ອຍ ຮັກ” ມີ 60 ແຜ່ນ. ຜົນງານທ່ີຈັດວາງສະແດງ ໃນຫົວຂໍ້ທຳ ອິດ ແມ່ນໄດ້ຮັບລາງວັນ ຈາກງານປະກວດພາບຖ່າຍສິລະປະ ສາກົນຄັ້ງທີ 1 ໂດຍສະມາຄົມຖ່າຍຮູບ ນະຄອນ ໂຮ່ຈີ ມິນ ເປັນຜູ້ຈັດ ດ້ວຍການອຸປະຖຳ ຂອງ ສະຫະພັນ ສິລະປະ ຖ່າຍຮູບສາກົນ (FIAP) ແລະ ສະມາຄົມຖ່າຍຮູບ ອາເມລິກາ (PSA), ສະມາຄົມຮູບພາບ ບໍ່ມີພົມແດນ (ISF), ສະມາ ຄົມ ຖ່າຍຮູບ ຫວຽດນາມ (VAPA).
ຫົວຂໍ້ທີ 2 “ນະຄອນທີ່ຂ້ອຍຮັກ” ໄດ້ຮັບການຄັດເລືອກຈາກບັນດາຜົນງານດີເດັ່ນ ທີ່ໄດ້ຮັບລາງວັນຈາກງານປະກວດຢູ່ ນະຄອນໂຮ່ຈີມິນ ຄັ້ງທີ 11, ງານບຸນປະເພນີ ນະຄອນ ໂຮ່ຈີ ມິນ ຄັ້ງທີ 46, ງານປະກວດພາບຖ່າຍ ສິລະປະ ນະຄອນ ຖູ ດຶກ ທີ່ມີຫົວຂໍ້ “ຄວາມມຸ່ງມາດປາດຖະໜາ ສໍາລັບເມືອງ ໜຸ່ມ" ແລະ ງານປະກວດພາບຖ່າຍ photo marathon ຈັດ ໂດຍ HOPA ເມື່ອບໍ່ດົນມານີ້. ງານວາງສະແດງຄັ້ງນີ້ ຈະໄດ້ ດຳເນີນໄປ ແຕ່ວັນທີ 25 ພະຈິກ ຫາວັນທີ 5 ທັນວາ 2021.
ປະຕິບັດ: ດັ້ງກິມເຟືອງ, ກວັກແທງ - ແປໂດຍ: ບິກລຽນ
ພິທີຕັດແຖບຜ້າ ເປີດ “ຖະໜົນພາບຖ່າຍສິລະປະ” ທີ່ນະ ຄອນ ໂຮ່ຈີມິນ.
ພາບຖ່າຍ “ແກ່ຕາໜ່າງ” ຂອງ ຊ່າງພາບ ຫງວຽນທິ ທູບາ - ຫວຽດນາມ.
ພາບຖ່າຍ “The Dani” ຂອງ ຊ່າງພາບ ແບກທິໂຕ໋ແອງ - ຫວຽດນາມ.
ພາບຖ່າຍ “Spiralrun" ຂອງ ຊ່າງພາບ Marcel Van Balken - ໂຮນລັງ.
ພາບຖ່າຍ “Terraced Fied" ຂອງ ຊ່າງພາບ Shin Woo Ryu – ສ ເກົາຫຼີ.
ພາບຖ່າຍ “Statue” ຂອງ ຊ່າງພາບ Yuen Yam Au - ຮົງກົງ.
ພາບຖ່າຍ “Sublimation” ຂອງ ຊ່າງພາບ ຫງວຽນຊວັນ ຈ່າງ - ຫວຽດນາມ.
ພາບຖ່າຍ “ Cold and Frozen” ຂອງ ຊ່າງພາບ Yichi Wang - ສປ ຈີນ.
ພາບຖ່າຍ “ Sugar Gallery” ຂອງ ຊ່າງພາບ Yichi Wang - ສ ແຊັກ.
ພາບຖ່າຍ “ສະເໜ່ ຫວຽດນາມ” ຂອງ ຊ່າງພາບ ຫງວຽນ ວັນ ດົງ - ຫວຽດນາມ.
ພາບຖ່າຍ “ພະລັງງານແສງຕາເວັນ” ຂອງ ຊ່າງພາບ ເລແທ່ງ ງອນ - ຫວຽດນາມ.
ພາບຖ່າຍ “Redreadinghat”ຂອງ ຊ່າງພາບ Marcel Van Balken - ໂຮນລັງ.
“ຖະໜົນພາບຖ່າຍສິລະປະ” ໄດ້ດຶງດູດ ວົງການ ນັກຖ່າຍ ພາບ ສິລະປະ ນະຄອນໂຮ່ຈີມິນ ເປັນຈຳນວນຫຼວງຫຼາຍ ທີ່ມາຢ້ຽມຊົມ.