ນັບແຕ່ເຊົ້າວັນທີ 18 ພຶດສະພາ, ປະຊາຊົນຫຼາຍພັນຄົນ ຈາກທົ່ວທຸກສາລະທິດ ຂອງປະເທດ ໄດ້ພ້ອມກັນເດີນທາງສູ່ເຂດສະໜາມຫຼວງ ບາດິ່ງ ເພື່ອເຂົ້າໄວ້ອາໄລໃນສຸສານປະທານ ໂຮ່ຈີມິນ ເນື່ອງໃນໂອກາດລະນຶກເຖິງວັນຄ້າຍວັນເກີດຄົບຮອບ 135 ປີຂອງເພິ່ນ (ວັນທີ 19 ພຶດສະພາ 1890 - ວັນທີ 19 ພຶດສະພາ 2025). ກະແສຜູ້ຄົນລຽນແຖວລໍຖ້າຊ່ວງເວລາໄດ້ເຂົ້າສຸສານ ເພື່ອສະແດງຄວາມເຄົາລົບນັບຖື ແລະ ຄວາມຮູ້ບຸນຄຸນອັນລົ້ນເຫຼືອ ຕໍ່ຜູ້ນຳທີ່ນັບຖືຮັກແພງຂອງປວງຊົນທັງຊາດ.

ເຂດສະໜາມຫຼວງ ບາດິ່ງໄດ້ປະດັບປະດາ ດ້ວຍທຸງ ແລະ ດອກໄມ້ ກ່ອນໂອກາດລະນຶກວັນຄ້າຍວັນເກີດຄົບຮອບ 135 ປີ ຂອງປະທານ ໂຮ່ຈີມິນ. ພາບ: ແທງຢາງ

ເວລາ 6 ໂມງເຊົ້າຂອງວັນທີ 18 ພຶດສະພາ, ກອງທະຫານກຽດຕິຍົດ ກອງທັບປະຊາຊົນ ຫວຽດນາມ ພ້ອມເຄື່ອງແບບອັນສະຫງ່າງາມ ໄດ້ປະຕິບັດພິທີຊັກທຸງຂຶ້ນສູ່ຍອດເສົາ. ພາບ: ແທງຢາງ

ຂະນະທີ່ທຸງແດງດາວຄຳປິວສະບັດຂຶ້ນສູ່ທ້ອງຟ້າ ໃນສຽງເພງຊາດດັງກ້ອງກັງວານ. ພາບ: ແທງຢາງ

ກອງທະຫານກຽດຕິຍົດເດີນກວດກາ ຜ່ານໜ້າສຸສານປະທານ ໂຮ່ຈີມິນ. ພາບ: ແທງຢາງ

ປະຊາຊົນລຽນແຖວຢູ່ເຂດສະໜາມຫຼວງ ບາດິ່ງ ແຕ່ເຊົ້າ ເພື່ອລໍຖ້າເຂົ້າໄວ້້ອາໄລໃນ ສຸສານປະທານ ໂຮ່ຈີິມິນ. ພາບ: ກົງດາດ

ບັນຍາກາດທີ່ເຄັ່ງຂຶມຢູ່ເຂດສຸສານປະທານ ໂຮ່ຈີມິນ ເນື່ອງໃນໂອກາດລະນຶກເຖິງວັນຄ້າຍວັນເກີດຄົບຮອບ 135 ປີ ຂອງເພິ່ນ. ພາບ: ກົງດາດ

ບັນດາພວງມາລາທີ່ປະຊາຊົນນຳມາ ໄດ້ຖືກຈັດວາງຢ່າງເປັນລະບຽບຢູ່ທາງໜ້າສຸສານ, ສ້າງເປັນພາບອັນສວຍງາມທ່າມກາງບັນຍາກາດທີ່ເຄັ່ງຂຶມຢູ່ເຂດສະໜາມຫຼວງ. ພາບ: ກົງດາດ

ຄວາມເບີກບານມ່ວນຊື່ນ ຂອງພວກນ້ອງນັກຮຽນ ພາຍຫຼັງທີ່ໄດ້ເຂົ້າໄວ້ອາໄລໃນສຸສານປະທານ ໂຮ່ຈີມິນ. ພາບ: ແທງຢາງ

ຄອບຄົວຫຼາຍລຸ້ນຄົນ ພ້ອມກັນເດີນທາງມາໄວ້ອາໄລສຸສານປະທານ ໂຮ່ຈີມິນ ໃນວັນລະນຶກອັນພິເສດນີ້. ພາບ: ແທງຢາງ

ນັກທ່ອງທ່ຽວຕ່າງປະເທດຈຳນວນຫຼາຍ ເຂົ້າໄວ້ອາໄລໃນສຸສານປະທານໂຮ່ຈີມິນ. ພາບ: ກົງດາດ

ເຖິງແມ່ນວ່າອາກາດຈະຮ້ອນ ແຕ່ພວກນ້ອງນັກຮຽນຊັ້ນປະຖົມ ກໍມີຄວາມເບີກບານມ່ວນຊື່ນ ທີ່ໄດ້ເຂົ້າໄປໄວ້ອາໄລສຸສານລຸງ ໂຮ່. ພາບ: ແທງຢາງ

ນ້ອງນັກຮຽນໂຮງຮຽນກິນນອນຂອງແຂວງ ບັກກ້ານ ຖ່າຍຮູບທີ່ລະນຶກ ພາຍຫຼັງທີ່ໄດ້ເຂົ້າໄວ້ອາໄລໃນສຸສານລຸງ ໂຮ່. ພາບ: ກົງດາດ

ມີກິດຈະກຳການເຄື່ອນໄຫວທີ່ມີຄວາມໝາຍຫຼາຍຢ່າງກໍໄດ້ຮັບການຈັດຂຶ້ນ ໃນບໍລິເວນເຂດອະນຸສອນສະຖານເຊັ່ນ: ການວາງສະແດງຮູບຖ່າຍກ່ຽວກັບຊີວິດ ແລະ ການປະຕິວັດຂອງລຸງ ໂຮ່, ການວາງສະແດງວັດຖຸສິ່ງຂອງ ແລະ ເອກະສານອັນລ້ຳຄ່າ ກ່ຽວກັບເພິ່ນ. ພາບ: ກົງດາດ

ປະຊາຊົນເຂົ້າຊົມພິພິທະພັນ ໂຮ່ຈີມິນ. ພາບ: ກົງດາດ

ນັກທ່ອງທ່ຽວ ແລະ ປະຊາຊົນຮ່ວມກັນເບິ່ງຮູບເງົາ ກ່ຽວກັບຊີວິດ ແລະ ການປະຕິວັດຂອງປະທານ ໂຮ່ຈີມິນ. ພາບ: ກົງດາດ

ມີກິດຈະກຳການເຄື່ອນໄຫວທີ່ມີຄວາມໝາຍຫຼາຍຢ່າງກໍໄດ້ຮັບການຈັດຂຶ້ນໃນບໍລິເວນເຂດອະນຸສອນເຊັ່ນ: ການວາງສະແດງຮູບຖ່າຍກ່ຽວກັບຊີວິດ ແລະ ການປະຕິວັດຂອງລຸງ ໂຮ່, ການວາງສະແດງວັດຖຸສິ່ງຂອງ ແລະ ເອກະສານອັນລ້ຳຄ່າກ່ຽວກັບເພິ່ນ. ພາບ: ແທງຢາງ

ປະຊາຊົນລຽນແຖວເຂົ້າຊົມເຮືອນຮ້ານຂອງລຸງ ໂຮ່ ຢູ່ບໍລິເວນເຂດອະນຸສອນສະຖານ ປະທານໂຮ່ຈິມິນ. ພາບ: ກົງດາດ

ປະຊາຊົນລຽນແຖວເຂົ້າຊົມເຮືອນຮ້ານຂອງລຸງ ໂຮ່ ຢູ່ບໍລິເວນເຂດອະນຸສອນສະຖານ ປະທານໂຮ່ຈິມິນ. ພາບ: ກົງດາດ