ໃນງານວາງສະແດງຜົນງານແຫ່ງຊາດ “80 ປີ ແຫ່ງການເດີນທາງສູ່ເອກະລາດ-ເສລີພາບ-ຄວາມຜາສຸກ” ທີ່ຈັດຂຶ້ນຢູ່ ຮ່າໂນ້ຍ, ຮ້ານວາງສະແດງຫຸ່ນຍົນຂອງ VinRobotics ແລະ VinMotion (ຂຶ້ນກັບກຸ່ມບໍລິສັດ Vingroup) ໄດ້ກາຍເປັນຈຸດສົນໃຈທີ່ດຶງດູດແຂກເຂົ້າມາຢ້ຽມຢາມຫຼາຍພັນເທື່ອຄົນ. ຢູ່ທີ່ນີ້, ສາທາລະນະຊົນເປັນຄັ້ງທຳອິດທີ່ໄດ້ໂຕ້ຕອບໂດຍກົງ ກັບບັນດາແບບຈຳລອງຫຸ່ນຍົນຮູບຮ່າງຄືຄົນ ທີ່ສະຫຼາດ ເຊັ່ນ: VR-H1, VR-H2 ທີ່ມີຄວາມສາມາດໃນການສື່ສານ, ແນະນຳການຢ້ຽມຢາມ ແລະ ມີການເຄື່ອນໄຫວທີ່ຄ່ອງແຄ້ວ.
ຈຸດເດັ່ນຂອງບັນດາຫຸ່ນຍົນເຫຼົ່ານີ້ ແມ່ນລະບົບເຊັນເຊີທີ່ທັນສະໄໝ ເພື່ອຊ່ວຍຮັກສາຄວາມສົມດຸນແບບອັດຕະໂນມັດ ແລະ ຂັ້ນຕອນການປະມວນຜົນແບບເວລາຈິງ (real-time), ເຮັດໃຫ້ພວກມັນສາມາດເຮັດວຽກໄດ້ຢ່າງຢືດຢຸ່ນກັບສະພາບແວດລ້ອມ ໂດຍບໍ່ຈຳກັດພຽງແຕ່ການຕັ້ງໂປຣແກຣມໄວ້ລ່ວງໜ້າ. ປັດຈຸບັນ, ຜະລິດຕະພັນເຫຼົ່ານີ້ໄດ້ຖືກນຳໃຊ້ເຂົ້າໃນໂຮງງານຂອງ VinFast ເພື່ອຊ່ວຍໃນການຂົນສົ່ງອາໄຫຼ່ ແລະ ກວດກາຄຸນນະພາບ.
ຕົວແທນຂອງ VinRobotics ແລະ VinMotion ໃຫ້ຮູ້ວ່າ ເປົ້າໝາຍບໍ່ພຽງແຕ່ແມ່ນເພື່ອຮັບໃຊ້ການຜະລິດອຸດສາຫະກຳ ແລະ ຄັງສິນຄ້າເທົ່ານັ້ນ, ແຕ່ຍັງມຸ່ງໄປເຖິງການທົດແທນມະນຸດໃນວຽກງານທີ່ອັນຕະລາຍ ຫຼື ສະພາບແວດລ້ອມທີ່ຮ້າຍແຮງ. ການປະກົດຕົວຂອງບັນດາຫຸ່ນຍົນອະເນກປະສົງ “Made in Vietnam” ແມ່ນຂໍ້ພິສູດໃຫ້ເຫັນວ່າ ວິສາຫະກິດ ຫວຽດນາມ ພວມກ້າວທັນກັບທ່າອ່ຽງເຕັກໂນໂລຊີທົ່ວໂລກ ແລະ ຢືນຢັນຄວາມສາມາດໃນການຜະລິດເຕັກໂນໂລຊີສູງພາຍໃນປະເທດ.
- ປະຕິບັດໂດຍ: ເງິນຮ່າ, ແຄ໋ງລອງ/VNP