របៀបចូលទៅជិតបែបនេះ មិនត្រឹមតែបង្កើតភាពខុសប្លែកក្នុងការធ្វើបទពិសោធន៍ប៉ុណ្ណោះទេ ថែមទាំងដាក់គ្រឹះសម្រាប់ការបំប្លែងតម្លៃវប្បធម៌ ទៅជាតម្លៃសេដ្ឋកិច្ច ក្នុង​ខ្សែចង្វាក់សកម្មភាពទេសចរណ៍ទាំងមូល​ផងដែរ។

ដំណើរការខ្សែចង្វាក់តម្លៃសេដ្ឋកិច្ច - ទេសចរណ៍ពីមូលដ្ឋានគ្រឹះវប្បធម៌

លោក Nguyen Trung Khanh អគ្គនាយកនៃអគ្គនាយកដ្ឋានទេសចរណ៍ជាតិវៀតណាម រួមជាមួយលោកស្រី Nguyen Thi Anh Hoa ប្រធានក្រុមប្រឹក្សាសមាជិកនៃ Saigontourist Group និងបណ្តាប្រតិភូ អនុវត្តពិធីបើកមហោស្រព (ថ្ងៃទី២៦ ខែមីនា ឆ្នាំ២០២៦)។

ប្រសិទ្ធភាពនៃយុទ្ធសាស្ត្រទាញយកផលពីវប្បធម៌ ត្រូវបានបង្ហាញយ៉ាងច្បាស់តាមរយៈព្រឹត្តិការណ៍ខ្នាតធំ។ ពិធីបុណ្យវប្បធម៌ម្ហូបអាហារ និងម្ហូបឆ្ងាញ់របស់ Saigontourist Group ឆ្នាំ២០២៦ បានប្រមូលផ្តុំអង្គភាពចំនួន៥០ ដោយណែនាំមុខម្ហូបជាង ៥០០មុខ ទាក់ទាញភ្ញៀវបានជិត ៨០.០០០នាក់ ក្នុងរយៈពេល៤ថ្ងៃ និងបង្កើតឥទ្ធិពលផ្សព្វផ្សាយជាមួយនឹងការចូលមើលជាង ១ លានដង។

ស៊ុបអន្ទង់ Nghe An និងនំបញ្ចុកស៊ុបត្រីក្រាញ់ ត្រូវបានបម្រើជូន នៅសណ្ឋាគារ Dong Khoi (Hotel Grand Saigon) ចំណុះក្រុមហ៊ុន Saigontourist Group។

មុខម្ហូបពិសេសៗជាង ៥០០ មុខប្រចាំតំបន់ទាំងបី (ភាគខាងជើង ភាគកណ្តាល និងភាគខាងត្បូង) ត្រូវបានកែច្នៃដោយផ្ទាល់ ពីសំណាក់បណ្តាអង្គភាពនៅក្នុងប្រព័ន្ធ Saigontourist Group នាមហោស្រពនេះ។

ទ្រង់ទ្រាយអន្តរជាតិ ទម្រង់​រូបភាព​នេះ បន្ត​បានពង្រីកជាមួយនឹង​ពិធីបុណ្យម្ហូបអាហារ នៅទីក្រុងអូសាកា (ប្រទេសជប៉ុន) ឆ្នាំ២០២៥ ដែលទាក់ទាញភ្ញៀវ​បានជាង ១០០.០០០នាក់ រួមជាមួយខ្សែសង្វាក់ Vietnam Pho Festival នៅប្រទេស​ជាច្រើន រួម​ចំណែក​លើកកម្ពស់ម្ហូបវៀតណាម ដូចជា​ "រដ្ឋទូត​វប្បធម៌"។

មហោស្រពវប្បធម៌ម្ហូបអាហារ និងមុខម្ហូបឆ្ងាញ់ៗរបស់ Saigontourist Group ឆ្នាំ ២០២៦ ដែលបានបិទបញ្ចប់កាលពីថ្ងៃទី២៩ ខែមីនា ឆ្នាំ២០២៦ បានទាក់ទាញភ្ញៀវទេសចរចូលទស្សនាជិត ៨០.០០០ នាក់។

ចំណុចលេចធ្លោមួយទៀត គឺវិថីបុប្ផាទីក្រុងហូជីមិញ - ផលិតផលវប្បធម៌ ទេសចរណ៍និមិត្តរូប ទាក់ទាញភ្ញៀវរាប់លានលើកនាក់រៀងរាល់ឱកាសបុណ្យចូលឆ្នាំថ្មីប្រពៃណីជាតិវៀតណាម​ នៃ Saigontourist Group។ ការរួមបញ្ចូលរវាងសិល្បៈប្រពៃណី និងបច្ចេកវិទ្យាបង្ហាញរូបភាពលើលំហពិត បានបង្កើនបទពិសោធន៍ និងឥទ្ធិពល​រីករាលដាល។

ក្នុងឆ្នាំ២០២៥ Saigontourist Group បាននាំយក ពិធីបុណ្យវប្បធម៌ម្ហូបអាហារ និងមុខម្ហូបឆ្ងាញ់ៗ ទៅកាន់បរទេស អាសយដ្ឋាន​មក​ដល់​ដំបូង គឺទីក្រុងអូសាកា ប្រទេសជប៉ុន។ រូបថត៖ Saigontourist Group

ក្រុមហ៊ុន Saigontourist Group សហការជាមួយសារព័ត៌មាន Tuoi Tre រៀបចំមហោស្រព ផើ វៀតណាម (Vietnam Pho Festival) នៅប្រទេសសិង្ហបុរី ក្នុងឆ្នាំ២០២៥។

តាំងពីផលិតផលទេសចរណ៍​ បានរចនា​ដោយ​ឡែក រហូត​ដល់​ព្រឹត្តិការណ៍ទ្រង់ទ្រាយ​ធំ Saigontourist Group កំពុងបោះជំហានទៅកាន់ខ្សែចង្វាក់តម្លៃ៖ ទាក់ទាញភ្ញៀវ - បង្កើនការចំណាយ - ផ្សព្វផ្សាយព័ត៌មាន - លើកកម្ពស់ពាណិជ្ជសញ្ញាអាសយដ្ឋាន​​ទេសចរណ៍។

 

កម្មវិធីសម្ដែងសិល្បៈប្រពៃណីជាង ៥០ កម្មវិធី បានឧទ្ទេសនាម​នៅក្នុង "ពិធីបុណ្យវប្បធម៌ម្ហូបអាហារ និងមុខម្ហូបឆ្ងាញ់ៗ Saigontourist Group ២០២៦។ រូបថត៖ Saigontourist Group

 

ជ្រុង​មួយ​នៃ​យុទ្ធសាស្ត្រ លោកស្រី ង្វៀន​ ធី​អាញ់ហ្វា​ (Nguyen Thi Anh Hoa) - ប្រធានក្រុមប្រឹក្សាសមាជិក នៃ Saigontourist Group បានមានប្រសាសន៍ថា៖ នាពេលខាងមុខ សហគ្រាសនឹងផ្តោតលើបរិវត្តកម្ម​ឌីជីថល ទេសចរណ៍​បៃតងប្រកប​ដោយ​ចីរភាព លើកកម្ពស់គុណភាពធនធានមនុស្ស ព្រមទាំង​ជំរុញការតភ្ជាប់​តំបន់ និងការ​កសាង​ពាណិជ្ជ​សញ្ញា អាសយដ្ឋាន​ទេសចរណ៍។

តំណាងក្រុមហ៊ុន Saigontourist Group ទទួលពានរង្វាន់ពិធីបុណ្យម្ហូបអាហារដ៏ឆ្នើមបំផុតលើ​ពិភព​លោក​ និងពិធីបុណ្យម្ហូបអាហារដ៏ឆ្នើមបំផុតនៅអាស៊ី។ រូបថត៖ Saigontourist Group

ដោយយកវប្បធម៌ ជាមជ្ឈមណ្ឌលនៃការអភិវឌ្ឍ Saigontourist Group មិនឈប់បង្អង់ក្នុងការពង្រឹងសមត្ថភាពប្រកួតប្រជែង ព្រមទាំងកំណត់ទិសដៅអភិវឌ្ឍប្រកបដោយចីរភាព៖ បំប្លែងធនធានវប្បធម៌ឱ្យទៅជាកម្លាំងចលករ​កំណើន ផ្សព្វផ្សាយតម្លៃវៀតណាម ក្នុងចរន្តទេសចរណ៍ពិភពលោក៕

អត្ថបទ៖ ទ្រុង​ខាញ់​- រូបថត៖ Saigontourist Group

ប្រែសម្រួល៖ រីកើង​