ດ້ວຍປະຫວັດຄວາມເປັນມາກວ່າ 400 ປີ, ບັນດາ ນາຍຊ່າງສີມືແກະສະຫຼັກຫີນ ສິລະປະກຳ ນິງເວິນ, ເມືອງ ຮວາລື, ແຂວງ ນິງບິ່ງ ໄດ້, ພວມ ແລະ ຈະປະໄວ້ ໃຫ້ຄົນຮຸ່ນຫຼັງ ບັນດາເຄື່ອງແກະສະຫຼັກຫີນ ທີ່ເປັນຜົນງານສັ້ນເອກ, ສ້າງສັນຍະລັກ ສະເພາະ ແລະ ຊື່ສຽງໂດ່ງດັງໃຫ້ແກ່ໝູ່ບ້ານ ຢ່າງແທ້ຈິງ.
ດ້ວຍປະຫວັດຄວາມເປັນມາກວ່າ 400 ປີ, ບັນດາ ນາຍຊ່າງສີມືແກະສະຫຼັກຫີນ ສິລະປະກຳ ນິງເວິນ, ເມືອງ ຮວາລື, ແຂວງ ນິງບິ່ງ ໄດ້, ພວມ ແລະ ຈະປະໄວ້ ໃຫ້ຄົນຮຸ່ນຫຼັງ ບັນດາເຄື່ອງແກະສະຫຼັກຫີນ ທີ່ເປັນຜົນງານສັ້ນເອກ, ສ້າງສັນຍະລັກ ສະເພາະ ແລະ ຊື່ສຽງໂດ່ງດັງໃຫ້ແກ່ໝູ່ບ້ານ ຢ່າງແທ້ຈິງ.
ຈາກໝູ່ບ້ານຫັດຖະກຳ ທີ່ມີການຜະລິດເຄື່ອງຫັດຖະກຳຂະໜາດນ້ອຍເປັນຕົ້ນຕໍ, ມາຮອດປັດຈຸບັນ, ໝູ່ບ້ານແກະສະຫຼັກຫີນ ນິງເວິນ ໄດ້ມີການພັດທະນາ ຢ່າງຟົດຟື້ນ ດ້ວຍບັນດາວິສາຫະກິດຂະໜາດໃຫຍ່ ເຄື່ອນໄຫວໃນຂົງເຂດ ແກະສະຫຼັກຫີນ ສິລະປະກຳ. ຕາມສະ ຖິຕິ, ປັດຈຸບັນ, ນິງເວິນ ມີວິສາຫະກິດ ປະມານ 80 ແຫ່ງ, ໜ່ວຍງານຜະລິດ 600 ແຫ່ງ, ມີ 10 ໝູ່ບ້ານໃນຕາແສງ ຖືກຮັບຮອງວ່າ ແມ່ນໝູ່ບ້ານອາຊີບ ຫັດຖະກຳມູນເຊື້ອ. ຍອດລາຍຮັບຂອງໝູ່ບ້ານອາຊີບຫັດຖະກຳແຫ່ງນີ້ ບັນລຸໄດ້ເກືອບ 200 ຕື້ດົ່ງຕໍ່ປີ.
ມາຮອດປັດຈຸບັນ, ຍັງບໍ່ທັນມີໃຜຮູ້ເທື່ອວ່າ ອາຊີບແກະສະຫຼັກຫີນ ນິງເວິນ ໄດ້ປະກົດຕົວແຕ່ເມື່ອໃດ, ຮູ້ແຕ່ວ່າ ບັນພະບຸລຸດ ຜູ້ສ້າງອາ ຊີບແກະສະຫຼັກຫີນຢູ່ ນິງເວິນ ແມ່ນທ່ານ ຮວ່າງຊຸ່ງ, ຊາວເມືອງ ແທງຮວາ (ບ້ານໂຍ່ຍ) ແມ່ນນາຍຊ່າງແກະສະຫຼັກຫີນ ທີ່ມີຄວາມສາມາດ, ເມື່ອຍັງໜຸ່ມ, ເພິ່ນໄດ້ຍົກຍ້າຍ ມາຢູ່ທີ່ນີ້ ແລະ ເປັນ ລູກ ເຂີຍຂອງບ້ານ, ສ້າງອາຊີບ, ຈາກນັ້ນໄດ້ສອນ ອາຊີບໃຫ້ຊາວທ້ອງ ຖິ່ນ.
ບາງກິດຈະການໂດດເດັ່ນຂອງໝູ່ບ້ານແກະສະຫຼັກຫີນ ນິງເວິນ ຍັງຄົງໄດ້ຮັບການຮັກສາໄວ້ຢູ່ບັນດາສະຖານທີ່ປະຫວັດສາດ ທີ່ສຳຄັນຂອງປະເທດຄື: ນະຄອນຫຼວງເກົ່າ ຮວາລື, ສຸສານ ເຈົ້າຍິງ ຫຼຽວ (ຫວູ໊ ບານ, ນາມດິ້ງ), ໂບດຫີນ ຟາດຢ້ຽມ (ກິມເຊີນ, ນິງບິ່ງ), ພະລາຊະວັງ ຂາຍດິ້ງ (ເຫວ້), ຮູບປັ້ນ ພະພຸດທະຮູບ ຢູ່ວັດ ເຮືອງຕິກ (ຮ່າໂນ້ຍ), ວິຫານ ຖາຍວີ (ຮວາລື, ນິງບິ່ງ)...
ເພື່ອເຮັດໃຫ້ສຳເລັດຜະລິດຕະພັນຫີນສິລະປະກຳ ໃດໜຶ່ງຕ້ອງຜ່ານຫຼາຍຂັ້ນຕອນ, ໃນນັ້ນ ການຄັດເລືອກວັດຖຸດິບ ແມ່ນຂັ້ນຕອນທີ່ຄວາມສຳຄັນທີ່ສຸດ ເພາະຖ້າວັດຖຸດິບ ບໍ່ຮັບປະກັນ, ຄຸນນະພາບຂອງ ຜະລິດຕະພັນ ກໍ່ຈະບໍ່ສູງ. ຊ່າງເລືອກຫີນ ຕ້ອງມີປະສົບການຫຼາຍປີ, ເລືອກເອົາກ້ອນຫີນທີ່ສະອາດ, ບໍ່ມີຮອຍແຕກ...
ໃນຖານະເປັນຜູ້ມີປະສົບການໃນອາຊີບມາດົນ, ນາຍຊ່າງ ເຢືອງວັນຖັ໋ງ ແບ່ງປັນວ່າ: “ອາຊີບນີ້ ຕ້ອງມີຄວາມລະອຽດອ່ອນ ແລະ ຄວາມຄ່ອງແຄ້ວ ຂອງ ຊ່າງຫັດຖະກຳ, ຜູ້ທ່ີເຂົ້າມາໃໝ່ ຈະຂຶ້ນກັບຄວາມສາມາດ ແລະ ສຳຄັນທີ່ສຸດແມ່ນຕ້ອງດຸໝັ່ນໃນການຮຽນຮູ້, ຍິ່ງເຮັດຫຼາຍ ຍິ່ງເຮັດໄດ້ໄວ ແລະ ສວຍງາມກວ່າ”.
ບັນດາຜະລິດຕະພັນ ຢູ່ໝູ່ບ້ານແກະສະຫຼັກຫີນ ສິລະປະກຳ ນິງເວິນ ມີຫຼາຍຮູບ ຫຼາຍແບບເຊັ່ນ: ອະນຸສາວະລີ, ສຸສານ, ໂບດ, ພະພຸດທະຮູບ, ໂຖປັກທູບ... ຈາກຫີນກ້ອນໜຶ່ງ ທ່ີຫຍາບໆ, ຊ່າງແກະສະ ຫຼັກຫີນ ນິງເວິນ ໄດ້ຜະລິດອອກມາ ບັນດາຜະລິດຕະພັນຫີນ ສິລະປະ ທີ່ເປັນເອກະລັກສະເພາະ, ໄດ້ຮັບຄວາມນິຍົມຊົມຊື້ຈາກ ລູກຄ້າ ທັງພາຍໃນ ແລະ ຕ່າງປະເທດ.
ກ່ອນໜ້ານີ້, ທຸກຂັ້ນຕອນ ຂອງການປຸງແຕ່ງຫີນຢູ່ ນິງເວິນ ລ້ວນແຕ່ເຮັດດ້ວຍມື, ລຳບາກຫຼາຍ. ຫຼັງຈາກນັ້ນ, ເມື່ອເຕັກໂນໂລຊີ ເຄື່ອງຈັກທັນສະໄໝ ເຂົ້າມາເຖິງ, ກຳລັງການຜະລິດ ຂອງນາຍຊ່າງດີຂຶ້ນ ຢ່າງເຫັນເດັ່ນຊັດ.
ບັນດາຜະລິດຕະພັນຂອງໝູ່ບ້ານແກະສະຫຼັກຫີນສິລະປະກຳ ນິງເວິນ ບໍ່ພຽງແຕ່ມີຄຸນຄ່າ ຜະລິດຕະພັນເທົ່ານັ້ນ, ຫາກຍັງມີບັນດາຄຸນຄ່າດ້ານວັດທະນະທຳ, ຈິດໃຈອຸດົມສົມບູນ ໄປດ້ວຍເອກະລັກມູນເຊື້ອຂອງປະຊາຊົນ ທີ່ ທຳອາຊີບດັ່ງກ່າວ ຢູ່ທີ່ນີ້ ອີກດ້ວຍ.
ບົດ ແລະ ພາບ: ຫງວຽນຫງອກລິງ - ແປໂດຍ: ຢືຟຽນ
