“Taste of Heritage - ແຮງບັນດານໃຈຈາກມໍລະດົກ”
ສັບປະດາ ແຟຊັ່ນ ສາກົນ ຫວຽດນາມ ລະດູໃບໄມ້ຫຼົ່ນ - ລະດູໜາວ 2022ທີ່ຈັດຂຶ້ນຢູ່ນະຄອນຫຼວງ ຮ່າໂນ້ຍ ໄດ້ສ້າງແຮງບັນດານໃຈໃຫ້ບັນດານັກອອກແບບ ແລະ ເຄື່ອງໝາຍ ຫວຽດ ໃນການອະນຸລັກຮັກສາ ແລະ ເສີມຂະຫຍາຍຄວາມງາມຂອງ ບັນດາມໍລະດົກວັດທະນະທຳ ຫວຽດນາມ ແລະ ເຮັດ ໃຫ້ປະຊາຊົນມີທັດສະນະສ້າງສັນກ່ຽວກັບສິລະປະ ແຟຊັ່ນ.
ສັບປະດາ ແຟຊັ່ນ ສາກົນ ຫວຽດນາມ ລະດູໃບໄມ້ຫຼົ່ນ- ລະດູໜາວ 2022 ໄດ້ດຶງດູດການເຂົ້າຮ່ວມຂອງ 18 ນັກອອກແບບ ແລະ ເຄື່ອງໝາຍ ແຟຊັ່ນ ທີ່ມີຊື່ສຽງຢູ່ພາຍໃນ ແລະ ຕ່າງປະເທດ.
ເປີດສາກໃຫ້ແກ່ສັບປະດາ ແຟຊັ່ນ ສາກົນ ຫວຽດນາມ ລະດູໃບໄມ້ຫຼົ່ນ-ລະດູໜາວ 2022 ຄືຊຸດສະສົມ “ເຊືອງ” (ນໍ້າໜອກ)ຂອງ ນັກອອກແບບ ຮວ່າງມິນຮ່າ. “ເຊືອງ” ໄດ້ນຳມາເຊິ່ງຄວາມປະທັບໃຈ ແລະ ສະທ້ອນໃໝ່ ກ່ຽວກັບບັນດາມໍລະດົກວັດທະນະທຳ ຫວຽດນາມ ຜ່ານສາຍນ້ຳທີ່ບໍລິສຸດ ຄືຄວາມງາມແບບດັ້ງເດີມຂອງ ແມ່ຍິງ ຫວຽດນາມ.
ຜູ້ອອກແບບໄດ້ສະແດງໃຫ້ເຫັນພາບສະທ້ອນຂອງສິ່ງຕ່າງໆ ດ້ວຍສິລະປະ 3D ປະສົມປະສານ ກັບສິລະປະ ການເບິ່ງເຫັນເພື່ອເຮັດໃຫ້ ແຟຊັ່ນ ແຕ່ລະຊຸດກາຍເປັນ ເລື່ອງລາວໜຶ່ງ. 39 ຊຸດ ແຟຊັ່ນ ໃນຊຸດສະສົມແມ່ນໄດ້ອອກແບບຢ່າງ ພິຖີພິຖັນ, ເຊີດຊູ້ຄວາມງາມ ຂອງແມ່ຍິງ ພ້ອມກັບ ຄວາມງາມຂອງ ວັດທະນະທໍາພາກເໜືອ.
ເຂົ້າຮ່ວມລາຍການສະແດງທຳອິດ, ນັກອອກແບບ ດຶກຮຸ່ງ ໄດ້ສ້າງຄວາມອົບອຸ່ນໃຫ້ແກ່ຜູ້ຊົມດ້ວຍແສງຕາເວັນ ທີ່ອົບອຸ່ນໃນຍາມໜາວ ຜ່ານຊຸດສະສົມ “ຕໍ່າແສງແດດ ໃນລະດູໜາວ”. ດ້ວຍຄວາມຫຼົງໄຫຼ ຕໍ່ຄວາມງາມທີ່ອ່ອນໂຍນ ແລະ ລະອຽດລະອໍຂອງເສື້ອຜ້າແພ - ຄວາມງາມ ຂອງ ມໍລະດົກວັດທະນະທຳພາກເໜືອ, ນັກອອກແບບ ດຶກຮຸ່ງ ໄດ້ຜັນຂະຫຍາຍຊຸດເສື້ອທີ່ໄດ້ຖືວ່າ ອອກຈາກ ແຟຊັ່ນ ໃຫ້ກາຍເປັນຊຸດ ແຟຊັ່ນ ທີ່ມີຄຸນນະພາບ ແລະ ແປກປະຫຼາດກວ່າເກົ່າ.
ຖ້ານັກອອກແບບ ຖາວຫງວຽນ ນຳມາສະແດງ ໃນສັບປະດາ ແຟຊັ່ນ ສາກົນ ຫວຽດນາມ ລະດູໃບໄມ້ຫຼົ່ນ-ລະດູໜາວ 2022 ຊຸດສະສົມທີ່ມີຊື່ວ່າ “ເຂົ້າ”, ນັກອອກແບບ Metiseko Audrey Charles ແລະ Erwan Perzo ໄດ້ນຳມາສະເໜີຕໍ່ມວນຊົນ ຊຸດສະສົມທີ່ມີຊື່ວ່າ “Verticale Hanoi” ໄດ້ຮັບແຮງບັນດານໃຈຈາກບັນດາມໍລະດົກຂອງນະຄອນຫຼວງ ຮ່າໂນ້ຍ ເຊັ່ນ: ທາດເຕົ່າ, ຂົວ ລອງບຽນ, ຕະຫຼາດດອກໄມ້ ກວາງບ໋າ ຫຼື ແຖວຕົ້ນດອກຝາງແດງ ຢູ່ອ້ອມໜອງ ຮວ່ານກຽນ.
ສັບປະດາ ແຟຊັ່ນ ສາກົນ ຫວຽດນາມ ລະດູໃບໄມ້ຫຼົ່ນ-ລະດູ ໜາວ 2022 ໄດ້ສິ້ນສຸດລົງດ້ວຍ “ງານລ້ຽງ ແຟຊັ່ນ” ຂອງ ນັກອອກແບບ ຫວູຫວຽດຮ່າ. ນັກອອກແບບ ແຟຊັ່ນ ຫວູຫວຽດຮ່າ ໄດ້ເອົາຊະນະຜູ້ຊົມທີ່ຮັກແພງ ແຟຊັ່ນ ຜ່ານລົມຫາຍໃຈອັນລະ ອຽດອ່ອນໃນຊຸດສະສົມ “ຝາກໄວ້ຊາວເຜົ່າ ມົ້ງ ໃນອະນາຄົດ” ດ້ວຍການສະແດງ ຂອງ ນາງງາມ H'Hen Niê.
ທ່ານນາງ ຈາງເລ - ປະທານສະມາຄົມຜູ້ອອກແບບ ແຟຊັ່ນ ອາຊີຕາເວັນອອກສ່ຽງໃຕ້, ທັງເປັນປະທານສັບປະດາ ແຟຊັ່ນ ສາກົນ ຫວຽດນາມ.
“ຖ້າສັບປະດາ ແຟຊັ່ນ ສາກົນ ຫວຽດນາມ ລະດູບານໃໝ່ - ລະ ດູຮ້ອນ 2022 ເວົ້າເຖິງການຟື້ນຕົວ ທ່ີໜ້າອັດສະຈັນ ແລະ ການພັດທະນາ ທີ່ຍືນຍົງ ພາຍຫຼັງການລະບາດ, ສັບປະດາ ແຟຊັ່ນ ສາກົນ ຫວຽດນາມ ລະດູໃບໄມ້ຫຼົ່ນ - ລະດູໜາວ 2022 ເວົ້າເຖິງອີກດ້ານໜຶ່ງ, ແມ່ນກ່ຽວກັບ ແຟຊັ່ນ ແບບຍືນຍົງ. ລາຍການນີ້ ສະແດງໃຫ້ເຫັນຄວາມງາມຂອງມໍລະດົກ ໃນທ່າມກາງກະແສຍຸກສະໄໝ ດ້ວຍຂໍ້ຄວາມ “Taste Of Heritage – ແຮງບັນດານໃຈຈາກມໍລະດົກ” ດ້ວຍເລື່ອງລາວ ການຟື້ນຄືນເອກະລັກ, ຄຸນຄ່າມໍລະດົກ ສູ່ຄວາມງາມເໜືອນການເວລາ…”.
ບົດ: VNP/ເງິນຮ່າ - ພາບ: ແຄ໋ງລອງ - ແປໂດຍ: ຢືຟຽນ