EHERBAL ຍົກສູງມູນຄ່າສົ່ງອອກ ຂອງ ຜະລິດຕະພັນກະເສດ ຫວຽດນາມ
ບໍລິສັດເຄື່ອງຈັກ HP ຫວຽດນາມ ໄດ້ຮັບການສ້າງຕັ້ງຂຶ້ນ ເມື່ອ ປີ 2017 ເບື້ອງຕົ້ນເປັນພຽງບໍລິສັດ ເຕັກໂນໂລຊີ, ພະນັກງານຫຼັກ ຂອງ ບໍລິສັດ ລ້ວນແຕ່ຈົບການສຶກສາ ດ້ານກະສິກໍາ, ດັ່ງນັ້ນຈິ່ງມີຄວາມຫ້າວຫັນ ໃນການພັດທະນາ ໂຄງການລົງທຶນ ດ້ານເຕັກໂນໂລຊີ ໃນດ້ານນີ້.
ທ່ານນາງ ເລທິຢວຽນ, ຜູ້ອຳນວຍການບໍລິສັດ HP ໃນເວລານັ້ນເປັນຜູ້ຊ່ຽວຊານ ດ້ານກະສິກຳ, ເພິ່ນໄດ້ເດີນທາງໄປຫຼາຍປະເທດ ເພື່ອຊອກຮູ້ກ່ຽວກັບເຕັກໂນໂລຊີ ແລະ ກົນຈັກທີ່ທັນສະໄໝ ຂອງໂລກ ແລະ ຄິດໃນໃຈວ່າ: ເປັນຫຍັງບໍ່ນຳເຂົ້າກົນຈັກທີ່ທັນສະໄໝ ຂອງ ໂລກ ມາປັບປຸງຜະລິດຕະພັນກະເສດ ຂອງ ຫວຽດນາມ. ຍາມໃດເພິ່ນກໍ່ມີຄວາມຫ່ວງໃຍເມື່ອເຫັນຄວາມສາມາດບົ່ມຊ້ອນຂອງ ບັນດາຜະລິດຕະພັນກະເສດ ຂອງ ຫວຽດນາມ ເຊັ່ນ: ຜັກ, ໝາກໄມ້... ມີຄວາມອຸດົມສົມບູນ ແຕ່ວຽກງານປົກປັກ ຮັກສາ ແລະ ຮັກສາຄວາມສົດ ຫຼື ປຸງແຕ່ງ ໃຫ້ເປັນ ບັນດາຜະລິດຕະພັນທ່ີຈຳເປັນ ແມ່ນຕະຫຼາດ ຍັງມີຂໍ້ຈໍາກັດຫຼາຍ.
ເມື່ອ HP ຫວຽດນາມ ໄດ້ສ້າງຕັ້ງບັນດາໂຄງການກ່ຽວກັບ ຜະລິດ ຕະພັນກະເສດ ຂອງ ຫວຽດນາມ ພາຍໃຕ້ຍີ່ຫໍ້ Eherbal, ທ່ານນາງ ຢວຽນ ແລະ ບັນດາເພື່ອນຮ່ວມງານໄດ້ໃຊ້ເວລາໄປຊອກຫາ ເພື່ອ ນຳເຂົ້າບັນດາກົນຈັກ ທ່ີທັນສະໄໝທີ່ສຸດມາໜູນຊ່ວຍການຜະລິດ. Eherbal ໄດ້ລົງທຶນໃນລະບົບເຄື່ອງຈັກ ອົບຜັກ, ຫົວ ແລະ ໝາກໄມ້ຂະໜາດໃຫຍ່ (ສາມາດຜະລິດໄດ້ 4 ໂຕນ/ມື້).
ນີ້ແມ່ນເຄື່ອງຈັກ ທັນສະໄໝທີ່ສຸດໃນຂະແໜງຜະລິດ ຜະລິດຕະພັນກະເສດ ທີ່ນຳໃຊ້ເຕັກໂນໂລຊີ ການອົບແບບລະເຫີຍອາຍ ເພື່ອຜະລິດແປ້ງຜັກ ແລະ ແປ້ງ ໝາກໄມ້ ເຊິ່ງຢູ່ຫວຽດນາມ ມີຈໍານວນວິສາຫະກິດ ນຳໃຊ້ ມີຈໍານວນຈໍາກັດ.
ບັນດາຜະລິດຕະພັນ ຂອງ Eherbal ປະກອບມີ: ແປ້ງທັນ ຍາຫານ OmiPure, ແປ້ງທັນຍາຫານ NutriPure, ນໍ້າມັນໝາກ Macca, ຜະລິດຕະພັນສະໜອງ vitamin ແລະ detox, ແປ້ງຜັກຄາວທອງ, ແປ້ງຜັກໜອກ, ແປ້ງຫົວ ກາຣົດ, ແປ້ງ ຜັກກະຫຼໍ່າຂຽວ, ແປ້ງ matcha, ແປ້ງໝາກມ່ວງ e-mango, ແປ້ງໝາກມ່ວງ e-mango plus, ແປ້ງໝາກສີດາ, ແປ້ງໝາກ ຖົ່ວລຽນ, ແປ້ງໝາກ ມັງກອນ ຂາວ, ແປ້ງໝາກມັງກອນແດງ, ຊາ ເຫັດລິນຈື້, ຊາ ບິ່ງເຊີນ... ທັງໝົດລ້ວນແຕ່ໄດ້ມາດ ຕະຖານ FDA ຂອງ ສ ອາເມລິກາ ແລະ ມາດຕະຖານ ສົ່ງອອກທົ່ວໂລກ.
ເມື່ອມໍ່ໆ ມານີ້, Eherbal ໄດ້ຈັດວາງສະແດງ ແລະ ແນະນຳບັນດາຜະລິດຕະພັນ ແປ້ງຜັກ, ໝາກໄມ້, ແປ້ງທັນຍາຫານຫ້າໝູ່ ຢູ່ ລັດ ເຊຍ, ທ່ານນາງ Sayanok Anastacia Urievna -ຫົວໜ້າກົມຮ່ວມ ມືພັດທະນາ ກັບ ຫວຽດນາມ ຂຶ້ນກັບສະມາຄົມຜູ້ນຳເຂົ້າ ແລະ ສົ່ງອອກ ຂອງ ລັດເຊຍ ໄດ້ຕີລາຄາສູງ ບັນດາຜະລິດຕະພັນ ຂອງ Eherbal ຕໍ່ຕະຫຼາດ ເອີຣົບ. Eherbal ວາງເປົ້າໝາຍຍຸດທະສາດແມ່ນວິສາຫະກິດຜະລິດ ຢາຄຸນນະພາບສູງແຖວໜ້າຂອງຫວຽດນາມ, ຂຸດຄົ້ນມູນຄ່າຜົນລະປູກສູງ, ເພີ່ມຄຸນຄ່າ ຂອງມະ ນຸດ, ປະກອບສ່ວນເຂົ້າໃນການຫັນເປັນສາກົນ ຂອງ ບັນດາຜະ ລິດຕະພັນກະເສດ ຫວຽດນາມ.
ປັດຈຸບັນ, Eherbal ໄດ້ສ້າງເຂດປູກຜັກໜອກ, ຜັກຫອມ ເຮີດ, ຜັກຊີ ຝຣັ່ງ, ຜັກຄາວທອງ... ຢູ່ ຈ້ຽວເຊີນ (ແທງຮວາ) ແລະ ເປີດໂຮງງານ ໄດ້ມາດຕະຖານ GMT ຢູ່ ເມືອງ ເຈືອງ ໝີ໋, ຮ່າໂນ້ຍ, ສ້າງວຽກເຮັດງານທຳ ໃຫ້ແກ່ຄົນງານທ້ອງຖິ່ນ ຈໍານວນຫຼາຍຮ້ອຍຄົນ.
ແບ່ງປັນກ່ຽວກັບຈຸດເດັ່ນ ຂອງ ການນຳໃຊ້ເຕັກໂນໂລຊີອົບແຫ້ງ ແບບລະເຫີຍອາຍ ແລະ ເຕັກໂນໂລຊີ ບົດແປ້ງດ້ວຍຄົກຫີນ ເພື່ອເຮັດໃຫ້ມີເນື້ອແປ້ງເປັນທຳມະຊາດ, ທ່ານນາງ ເລທິຢວຽນ (ຜູ້ອຳ ນວຍການບໍລິສັດໃຫ້ຮູ້ວ່າ: ເຕັກໂນໂລຊີອົບແຫ້ງ ແບບລະເຫີຍອາຍ ແມ່ນວິທີອົບແຫ້ງຜັກຂຽວ ໂດຍໃຊ້ອຸນຫະພູມຕ່ຳ ແລະ ຄວາມດັນຕໍ່າ ເພື່ອເອົານ້ຳອອກ ໂດຍບໍ່ເຮັດໃຫ້ສີ ຫຼື ປ່ຽນແປງໂຄງສ້າງຂອງເສັ້ນໃຍ ແລະ ສານອາຫານຕ່າງໆ ໃນຜັກ. ການນຳໃຊ້ເຕັກໂນໂລຊີ ບົດແປ້ງ ດ້ວຍຄົກຫີນ ແມ່ນວິທີການບົດຜັກຂຽວ ຫຼັງຈາກໄດ້ອົບແຫ້ງ ແລ້ວ. ຂັ້ນຕອນ ດັ່ງກ່າວແມ່ນບົດດ້ວຍຄົກຫີນຂະໜາດໃຫຍ່ ຫຼື ຈັກບົດ ພິເສດ ເພື່ອບົດຜັກ ເປັນແປ້ງ ຫຼື ເມັດ. ດ້ວຍການປະສົມ ປະສານ ລະຫວ່າງສອງເຕັກໂນໂລຊີດັ່ງ ກ່າວ, Eherbal ໄດ້ນໍາມາ ໃຫ້ແກ່ຜູ້ບໍລິໂພກ ຜະລິດຕະພັນທີ່ສະ ອາດ, ບໍລິສຸດ 100%, ຮັກສາ ສານອາຫານສູງສຸດ ໃນຜັກສີຂຽວ ແລະ ມີຄວາມສະດວກສະບາຍ ແລະ ງ່າຍຕໍ່ການນໍາໃຊ້.
ໃນຍຸດທະສາດພັດທະນາ 5 ປີຕໍ່ໜ້າ, Eherbal ຈະພະຍາຍາມເຮັດໃຫ້ Eherbal ເປັນຍີ່ຫໍ້ແຫ່ງຊາດ ທີ່ເຂັ້ມແຂງ ໃນຂະແໜງການປຸງແຕ່ງ ຜະລິດຕະພັນກະເສດ ແລະ ຂະຫຍາຍຕະຫຼາດສົ່ງອອກໄປຍັງ ສ ອາເມລິກາ, ຍີ່ປຸ່ນ ແລະ ສ ເກົາຫຼີ.
ບົດ: VNP/ບິກເວີນ - ພາບ: ຫວຽດເກື່ອງ - ແປໂດຍ: ຢືຟຽນ