ASEAN - ຍີ່ປຸ່ນ: ຮ່ວມໃຈ ແລະ ການເຄື່ອນໄຫວເພື່ອສິ່ງແວດລ້ອມ

ສິ່ງທ້າທາຍສໍາຄັນທີ່ ASEAN ຈະຕ້ອງປະເຊີນໜ້າໃນທົດສະວັດ ຕໍ່ໜ້າແມ່ນຄວາມຈໍາເປັນ ໃນການສ້າງຄວາມສົມດຸນການເຕີບໂຕ ທາງເສດຖະກິດ ໃນຂະນະທີ່ຫຼຸດຜ່ອນ ການປ່ອຍອາຍພິດກາກບອນ. ການກະທຳເພື່ອສິ່ງແວດລ້ອມສີຂຽວ ບໍ່ສາມາດຊັກຊ້າໄດ້, ຮຽກຮ້ອງໃຫ້ບັນດາປະເທດ ໃນພາກພື້ນຕ້ອງ “ຮ່ວມເຈດຈຳນົງດຽວກັນ, ຕັດສິນໃຈຢ່າງສູງ ແລະ ກະທຳຢ່າງເດັດ ຂາດ ມຸ່ງໄປເຖິງ ອາຊີ ພັດທະນາ ດ້ວຍການປ່ອຍອາຍພິດລົງເປັນ 0”.

ໃນກອງປະຊຸມສຸດຍອດ ຄັ້ງທຳອິດລະຫວ່າງການນຳ ASEAN ແລະ ຍີ່ປຸ່ນ ກ່ຽວກັບ “ປະຊາຄົມການປ່ອຍອາຍພິດລົງເປັນ 0 ອາຊີ” (AZEC), ທ່ານນາຍົກລັດຖະມົນຕີ ຍີ່ປຸ່ນ Kishida Fumio ຢືນຢັນວ່າ AZEC ມີບົດບາດສຳຄັນໃນການຊຸກຍູ້ການປ່ຽນໃໝ່, ໜູນຊ່ວຍການຜັນຂະຫຍາຍ ແລະ ສ້າງຕ່ອງໂສ້ການສະໜອງທີ່ຈະແຈ້ງ, ໄຫວພິບ, ເຂັ້ມແຂງ ແລະ ໜ້າເຊື່ອຖື; ພ້ອມກັນນັ້ນເປີດກວ້າງຕະຫຼາດພະລັງງານສະອາດ ແລະ ເຕັກໂນໂລຊີ ທີ່ກ້າວໜ້າ, ຊຸກຍູ້ການພັດທະນາ ແລະ ການປະສານງານນະໂຍບາຍກ່ຽວກັບການຫັນປ່ຽນພະລັງງານ ໃຫ້ເໝາະສົມກັບສະພາບການ ແລະ ເງື່ອນໄຂຂອງ ແຕ່ລະປະເທດ; ຊຸກຍູ້ການພົວພັນຄູ່ຮ່ວມມືພາກລັດ-ເອກະຊົນ ແລະ ການຮ່ວມມືພາກເອກະຊົນເພື່ອເລັ່ງລັດການຫັນປ່ຽນພະລັງງານໃນພາກພື້ນ.

ທ່ານນາຍົກລັດຖະມົນຕີ ຟ້າມມິງຈິ໋ງ ໄດ້ເຂົ້າຮ່ວມກອງປະຊຸມສຸດຍອດ AZEC ໃນເດືອນ ທັນວາ 2023. ພາບ: VNA

ວັນທີ 4 ມີນາ 2023, ກອງປະຊຸມສຸດຍອດ AZEC ໄດ້ໄຂຂຶ້ນຢູ່ນະຄອນຫຼວງ ໂຕກຽວ ຂອງ ຍີ່ປຸ່ນ. ນີ້ແມ່ນກອງປະຊຸມຄັ້ງທໍາອິດໄດ້ຈັດຕັ້ງພາຍໃຕ້ຂໍ້ລິເລີ່ມທີ່ສະເໜີໂດຍນາຍົກລັດຖະມົນຕີ ຍີ່ປຸ່ນ Fumio Kishida ທີ່ເວທີປາໄສເສດຖະກິດໂລກ (WEF) ໃນເດືອນ ມັງກອນ 2022 ເພື່ອຊຸກຍູ້ການຫຼຸດຜ່ອນການປ່ອຍອາຍພິດ ກາກບອນ, ຮັບປະກັນ ຄວາມປອດໄພດ້ານພະລັງງານ ແລະ ການພັດທະນາແບບຍືນຍົງຢູ່ ອາຊີ. ຄະນະຜູ້ແທນ ຫວຽດນາມ ໂດຍທ່ານຮອງນາຍົກລັດຖະມົນຕີ, ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເຈີ່ນຮົ່ງຮ່າ ນຳໜ້າ. ພາບ: VNA

ໃນການເຂົ້າຮ່ວມກອງປະຊຸມ, ທ່ານນາຍົກລັດຖະມົນຕີ ຟ້າມ ມິງຈິ໋ງ ໄດ້ມີສານຢ່າງແຂງແຮງ ກ່ຽວກັບຄວາມຕັດສິນໃຈ ແລະ ການກະທຳຢ່າງເດັດຂາດຂອງ ຫວຽດນາມ ໃນການປະຕິບັດ ບັນດາຄຳໝັ້ນສັນຍາ ທີ່ໄດ້ສະເໜີອອກ, ໃນນັ້ນມີການເພີ່ມທະວີການຮ່ວມມືຢ່າງຕັ້ງໜ້າ ເພື່ອບັນລຸ ທັງ 3 ເປົ້າໝາຍ ຄື ຫຼຸດຜ່ອນການປ່ອຍອາຍພິດກາກບອນ, ຮັບປະກັນຄວາມໝັ້ນຄົງ ດ້ານພະລັງງານ ແລະ ການເຕີບໂຕ ເສດຖະກິດຢູ່ ອາຊີ.

ພ້ອມດຽວກັນ ກໍໄດ້ກ່າວວ່າ ບັນດາປະເທດ ASEAN ແລະ ຍີ່ປຸ່ນ ຈະຕ້ອງປະສານກັນຢ່າງແໜ້ນແຟ້ນ ຍິ່ງຂຶ້ນ ເພື່ອສ້າງພາກພື້ນ ອາຊີ-ປາຊີຟິກ, ມະຫາສະໝຸດ ອິນເດຍ- ປາຊີຟິກ ເປີດກວ້າງ ແລະ ກວມລວມ ແລະ ພ້ອມກັນຊຸກຍູ້ສັນຕິພາບ ແລະ ສະຖຽນລະພາບໃນພາກພື້ນ, ພິເສດ ແມ່ນຮັບປະກັນການເຄົາ ລົບກົດໝາຍສາກົນ, ໃນນັ້ນມີສົນທິສັນຍາ ຂອງສະຫະປະຊາຊາດ ວ່າດ້ວຍກົດໝາຍທະເລ (UNCLOS) ປີ 1982.

ແບ່ງປັນກ່ຽວກັບຜົນກະທົບ ທີ່ນັບມື້ເພີ່ມຂຶ້ນ ຈາກການປ່ຽນແປງ ຂອງ ດິນຟ້າອາກາດ ແລະ ຢືນຢັນວ່າ ເພື່ອຄວາມຮັບຜິດຊອບຕໍ່ໂລກ ແລະ ທົ່ວປວງຊົນ, ຫວຽດນາມ ໄດ້ປະຕິບັດຫຼາຍວິທີແກ້ໄຂຢ່າງເດັດຂາດ ເພື່ອປະຕິບັດບັນດາຄຳໝັ້ນສັນຍາຢູ່ກອງປະຊຸມ COP26, ພົ້ນເດັ່ນແມ່ນການຜັນຂະຫຍາຍຍຸດທະສາດ ແລະ ແຜນການແຫ່ງຊາດຄື: ຍຸດທະສາດ ການປ່ຽນແປງຂອງ ດິນຟ້າອາກາດແຫ່ງຊາດ, ຍຸດທະສາດ ເຕີບໂຕສີຂຽວ, ແຜນສັງລວມໄຟຟ້າ ຊຸດທີ VIII ກ້າວໄປສູ່ພະລັງງານທົດແທນເປັນຕົ້ນຕໍ, ພັດທະນາ ເຂົ້າຄຸນນະພາບສູງ ດ້ວຍເນື້ອທີ່ 1 ລ້ານ ເຮັກຕາ, ການປ່ອຍອາຍພິດຕໍ່າ; ພັດທະນາ ແລະ ຈັດຕັ້ງປະຕິບັດການປະກອບສ່ວນ ທ່ີກໍານົດໃນລະດັບປະເທດ (NDC), ອອກແຜນການ ຈັດຕັ້ງປະຕິບັດ JETP ແລະ ປະກາດແຜນການລະດົມແຫຼ່ງກຳລັງຜັນຂະຫຍາຍ JETP; ໄດ້ມີການສ້າງກົດບັນຍັດ ແລະ ສ້າງກອບກົດໝາຍ ໃຫ້ສົມບູນແບບ ລວມມີບັນດາກົດໝາຍວ່າດ້ວຍ ນ້ຳມັນເຊື້ອໄຟ, ກົດໝາຍວ່າ ດ້ວຍທີ່ດິນ, ກົດໝາຍວ່າດ້ວຍໄຟ ຟ້າ ຕາມທິດຊຸກຍູ້ການພັດທະນາ ພະລັງງານທົດແທນ ຕາມກົນໄກຕະຫຼາດ, ພັດທະນາໄຟຟ້າ biomass ແລະ ການຂາຍ carbon credit.

ຄັນຄູ ກັນຄື້ນທະເລ ຍາວປະມານ 2 ກມ ຢູ່ເທດສະບານ ທິງລອງ, ເມືອງ ຫາຍເຮົ້າ (ນາມດິ້ງ) ຖືກຄື້ນທະເລ ຊັດຈົນປ່ຽນ ສະພາບ ເມື່ອເບິ່ງຈາກມຸມສູງ. ພາບ: VNA

ເພື່ອປະກອບສ່ວນຫັນເປົ້າໝາຍ ຂອງ AZEC ໃຫ້ເປັນຄວາມຈິງ, ທ່ານນາຍົກລັດຖະມົນຕີ ຟ້າມມິງຈິ໋ງ ໄດ້ສະເໜີວ່າ ໃນໄລຍະຈະມາເຖິງ ຕ້ອງສຸມໃສ່ຄົ້ນຄວ້າ, ພັດທະນາ, ຫັນບັນດາແຫຼ່ງພະລັງງານສະອາດ ແລະ ເຕັກໂນໂລຊີໃໝ່ ເປັນຫຼາຍຮູບແບບ, ຊຸກຍູ້ການຖ່າຍທອດເຕັກໂນໂລຊີ ເພື່ອຮັບປະກັນໃຫ້ແຫ່ຼງ ພະລັງງານສະອາດ ໄດ້ເຂົ້າເຖິງຢ່າງກວ້າງຂວາງ, ຕອບສະໜອງຄວາມສາມາດ ໃຊ້ຈ່າຍໄດ້ໃນພາກພື້ນ ອາຊີ; ຮັບປະກັນ ການຫັນເປັນພະລັງງານສະອາດ ທີ່ເໝາະສົມກັບເງື່ອນໄຂ ຂອງ ແຕ່ລະປະເທດ. ພ້ອມກັນນັ້ນ, ສ້າງກົນໄກ ການເງິນ ດິນຟ້າອາກາດໃໝ່, ການຮ່ວມມືລະຫວ່າງພາກລັດ - ເອກະຊົນ ແລະ ການຮ່ວມມືພາກເອກະຊົນ ເພື່ອສ້າງເງື່ອນໄຂໃຫ້ບັນດາປະເທດ ພວມພັດທະນາເຂົ້າເຖິງແຫຼ່ງທຶນພິເສດ; ເພີ່ມທະວີການຮ່ວມມືດ້ານການຝຶກອົບຮົມຊັບພະຍາກອນມະນຸດ ທີ່ມີຄຸນນະພາບສູງ, ການຄຸ້ມຄອງທີ່ສະຫຼາດ ແລະ ສ້າງກົດບັນຢັດ ການຕະຫຼາດໃຫ້ສົມບູນແບບ, ມີຄວາມທັນສະໄໝ, ເໝາະສົມ ແລະ ມີປະສິດທິຜົນກັບແຕ່ລະປະເທດ.

ປະຊາຊົນ ລະນຶກເຖິງຜູ້ປະສົບເຄາະຮ້າຍ ຈາກເຫດໄພແຜ່ນ ດິນໄຫວ ແລະ ຄື້ນ ສຶນາມິ ໃນເດືອນ ມີນາ ປີ 2011 ທີ່ເມືອງ Iwaki, ແຂວງ Fukushima, ປະເທດ ຍີ່ປຸ່ນ, ໃນວັນທີ 11 ມີນາ 2023. ພາບ:Kyodo/VNA

ກ່ອນໜ້ານັ້ນ, ການເຂົ້າຮ່ວມກອງປະຊຸມກອບອານຸສັນຍາ ສະ ຫະປະຊາຊາດ ກ່ຽວກັບການປ່ຽນແປງຂອງດິນຟ້າອາກາດ ຄັ້ງທີ 28 (COP28), ທ່ານນາຍົກລັດຖະມົນຕີ ຟ້າມມິງຈິ໋ງ ໄດ້ວາງທິດທາງການຮ່ວມມື, ໃນນັ້ນມີການຮັບມືກັບການປ່ຽນແປງ ຂອງ ດິນຟ້າອາກາດ ຜ່ານການເຂົ້າກັບທົ່ວໂລກ, ທົ່ວປວງຊົນ ແລະ ຍົກສູງລັດທິຫຼາຍຝ່າຍ ເພື່ອໃຫ້ໝັ້ນໃຈວ່າ ບໍ່ມີໃຜ ຫຼື ປະເທດໃດຖືກປະໄວ້ຢູ່ເບື້ອງຫຼັງ; ເຮັດໃຫ້ນະວັດຕະກໍາ ວິທະຍາສາດ ແລະ ເຕັກໂນໂລຊີ ກາຍເປັນຂົງເຂດຮ່ວມມືຫຼັກ ແລະ ສົ່ງເສີມການເງິນພິເສດ ໃຫ້ແກ່ດິນຟ້າອາກາດ ເພື່ອຊ່ວຍປົດລ໋ອກເປົ້າໝາຍສະພາບອາກາດທົ່ວໂລກ.

ຄະນະຄຸ້ມຄອງແຫຼມ ເຊີນຈ່າ ແລະ ບັນດາຫາດຊາຍທະເລ ທ່ອງທ່ຽວ ດ່າໜັງ ສົມທົບກັບບັນດາຫົວໜ່ວຍຈັດຕັ້ງລາຍການ “ງານບຸນເພື່ອສິ່ງແວດລ້ອມ” ໃນຫົວຂໍ້ “ທະເລ ດ່າໜັງ ເປັນສີຟ້າຕະຫຼອດໄປ”. ກິດຈະກຳໄດ້ດຶງດູດຊາວໜຸ່ມ ແລະ ມວນຊົນ ເກືອບ 500 ຄົນເຂົ້າຮ່ວມ. ພາບ: VNA

ຫວຽດນາມ ເຊື່ອໝັ້ນວ່າ ດ້ວຍຄວາມຕັ້ງໃຈສູງ ແລະ ດໍາເນີນການຢ່າງແຂງຂັນ, ການໜູນຊ່ວຍຢ່າງຕັ້ງໜ້າ ແລະ ມີປະສິດທິຜົນຈາກບັນດາປະເທດພັດທະນາ ຕໍ່ບັນດາປະເທດພວມພັດທະ ນາ, ອາຊີ ທ່ີມີການພັດທະນາ ດ້ວຍການປ່ອຍອາຍພິດ ລົງເປັນ 0 ຈະກາຍເປັນຄວາມຈິງ, ນຳມາເຊິ່ງຄວາມວັດທະນາຖາວອນໃຫ້ປະຊາຄົມ ບັນດາປະເທດອາຊີ ແລະ ອະນາຄົດ ທີ່ຍືນຍົງຂອງ ທົ່ວໂລກ.

ບົດ: VNA - ພາບ: VNA - ແປໂດຍ: ຢືຟຽນ