ສັນຍາລັກ Simexco Daklak
ບໍລິສັດ ຂາເຂົ້າ-ຂາອອກ ຈຳກັດຜູ້ດຽວ 2/9 ດັກລັກ (Simexco Daklak) ເປັນລັດວິສາຫະກິດ 100% ຂອງ ແຂວງ ດັກລັກ. ຍ້ອນການຈັບເອົາທ່າອ່ຽງຕະຫຼາດ ກາເຟ ໂລກຢ່າງວ່ອງໄວ, Simexco Daklak ໄດ້ສ້າງຍຸດທະສາດຍາວນານ, ມີວິທີການເພື່ອຍາດແຍ່ງ, ຂະຫຍາຍ ແລະ ຮັກ ສາຕະຫຼາດສົ່ງອອກ ກາເຟ ຂອງຕົນ. ມາຮອດປັດຈຸບັນ, Simexco Daklak ໄດ້ຂະຫຍາຍຕະຫຼາດໄປຍັງ 100 ກວ່າປະເທດ ແລະ ເຂດແຄວ້ນ ໃນໂລກ, ໃນນັ້ນມີບັນດາຕະ ຫຼາດທີ່ເອົາໃຈຍາກ ແຕ່ມີທ່າແຮງຄື: ສ ອາເມລິກາ, ຍີ່ປຸ່ນ, ສ ເກົາຫຼີ, ອີຕາລີ, ອັງກິດ, ໂຮນລັງ ແລະ ສປ ຈີນ.
ຈຸດເດັ່ນຂອງ Simexco Daklak ແມ່ນບໍ່ພຽງແຕ່ອີງໃສ່ ແຫຼ່ງວັດຖຸດິບ ກາເຟ ທີ່ອຸດົມສົມບູນ ຂອງ ເຂດເນີນສູງ ພາກກາງ ໄຕງວຽນ ເທົ່ານັ້ນ, ແຕ່ແມ່ນຍຸດທະສາດ ການ ລົງທຶນທີ່ເຂັ້ມແຂງ, ເລິກເຊິ່ງ ໃນເຕັກໂນໂລຊີ ການຜະລິດ ແລະ ປຸງແຕ່ງ ຕາມທິດທັນສະໄໝ ພ້ອມກັບການ ຟື້ນຟູ ແຫຼ່ງວັດຖຸດິບແບບຍືນຍົງ, ໝັ້ນຄົງ, ຄຸນນະພາບສູງ ດ້ວຍການສ້າງລະບົບຕ່ອງໂສ້ເຊື່ອມໂຍງກັບຊາວກະສິກອນ ກວ່າ 40.000 ຄອບຄົວ, ຜູ້ທີ່ມີເນື້ອທີ່ດິນເກືອບ 50.000 ເຮັກຕາ ເພື່ອປູກ ກາເຟ Robusta ຄຸນນະພາບສູງ ແລະ ກາເຟ ພິເສດ (ປະເພດ ກາເຟ ທີ່ເປັນສັນຍາລັກຂອງ Simexco Daklak) .
ດ້ວຍຍຸດທະສາດນີ້, Simexco Daklak ໄດ້ເຊື່ອມໂຍງກັບຊາວກະສິກອນ ໃນການປູກ ແລະ ປຸງແຕ່ງ ກາເຟ ພິເສດ ແລະ ກາເຟ ຄຸນນະພາບສູງ ມຸ່ງໄປເຖິງການສ້າງລະບົບຕ່ອງໂສ້ການສະໜອງແບບຄົບວົງຈອນ ແຕ່ນິຄົມ ເຖິງຜູ້ບໍລິໂພກ ໂດຍຊີ້ນຳຊາວກະສິກອນ ຫັນປ່ຽນແນວຄິດການຜະລິດກະສິກຳ, ປຸງແຕ່ງ, ນຳໃຊ້ວິທະຍາສາດເຕັກໂນໂລຊີ ເຂົ້າໃນການຜະລິດ, ໃຫ້ຄຳໝັ້ນສັນຍາຈະຈັດຊື້ບັນດາຜະລິດຕະພັນ ກາເຟ ພິເສດ ແລະ ກາເຟ ຄຸນນະພາບສູງ ໃຫ້ແກ່ຊາວກະສິກອນ, ນຳບັນດາຜະລິດຕະພັນເຂົ້າຮ່ວມການແຂ່ງຂັນ ກາເຟ ພິເສດ ຂອງ ຫວຽດນາມ ແລະ ໂລກ ... ເພື່ອນຳມາເຊິ່ງຄຸນຄ່າ ແລະ ຜົນປະໂຫຍດສູງສຸດໃຫ້ບັນດາພາກສ່ວນໃນຕ່ອງໂສ້.
ແຕ່ປີ 1993 ຫາປີ 2023, Simexco Daklak ໄດ້ບັນລຸ ຜົນງານ ທີ່ໜ້າປະທັບໃຈຄື: ສ້າງລະບົບຕ່ອງໂສ້ ການ ເຊື່ອມໂຍງ ກັບຊາວກະສິກອນ ກວ່າ 40.000 ຄອບຄົວ, ເປີດກວ້າງຕະຫຼາດ ສົ່ງອອກໄປກວ່າ 100 ປະເທດ ແລະ ເຂດແຄ້ວນ, ຍອດລາຍຮັບ ໄດ້ບັນລຸ 83.000 ຕື້ດົ່ງ, ວົງ ເງິນສົ່ງອອກ ສູງເຖິງ 3.900 ລ້ານ ໂດລາສະຫະລັດ, ປະລິ ມານ ກາເຟ ສົ່ງອອກ ກວ່າ 2,2 ລ້ານໂຕນ, ປະ ກອບສ່ວນ ເຂົ້າໃນ ງົບປະມານແຫ່ງລັດ ກວ່າ 570 ຕື້ດົ່ງ...
ສິ່ງທ່ີໜ້າສົນໃຈ, ຈາກຄວາມຮຽກຮ້ອງຕ້ອງການ ນັບມື້ນັບເຂັ້ມງວດຈາກບັນດາຜູ້ນຳເຂົ້າ, ໂດຍສະເພາະແມ່ນບັນດາລະບຽບການ ຂອງ ເອີຣົບ ຫ້າມຕັດໄມ້ທຳລາຍປ່າ ແລະ ການໃຊ້ແຮງງານເດັກ ໃນການປູກ ແລະ ປຸງແຕ່ງ ກາເຟ, Simexco Daklak ໄດ້ຕັດສີນໃຈ ບໍ່ນຳໃຊ້ແຮງງານເດັກແຕ່ຕົ້ນ. ສະນັ້ນ, ວິສາຫະກິດແຫ່ງນີ້ ໄດ້ຍູ້ແຮງການພັດ ທະນາແບບຍືນຍົງ ເພື່ອຍົກສູງຊີວິດການເປັນຢູ່ຂອງປະ ຊາຊົນ, ແຕ່ຍັງປົກປັກຮັກສາສິ່ງແວດລ້ອມ ບົນພື້ນຖານການຫັນເປັນ ດີຈີຕອນ, ຫັນເປັນສີຂຽວ ແລະ ຫຼຸດຜ່ອນການປ່ອຍອາຍພິດເຮືອນແກ້ວ ເທື່ອລະກ້າວ. ມາຮອດປັດ ຈຸບັນ, Simexco Daklak ໄດ້ປູກຕົ້ນໄມ້ ຄືນໃໝ່ 3,5 ລ້ານຕົ້ນ; ປູກຕົ້ນໄມ້ ໃຫ້ຮົ່ມ 2,8 ລ້ານຕົ້ນ ແລະ ປູກຕົ້ນ ໄມ້ໃນ ສວນ ກາເຟ; ປະຕິບັດການປູກຝັງແບບຍືນຍົງໃນເນື້ອທີ່ 7.500 ເຮັກຕາ ເພື່ອຫຼຸດຜ່ອນ ການປ່ອຍອາຍພິດເຮືອນແກ້ວ...
ຄຽງຄູ່ກັບນັ້ນ, ການລົງທຶນດ້ານເຕັກໂນໂລຊີ ທັນສະໄໝໃນການຜະລິດ ແລະ ປຸງແຕ່ງ ຍັງຊ່ວຍໃຫ້ Simexco Daklak ປັບປຸງປະສິດທິພາບ, ປະສິດທິຜົນ ແລະ ຄຸນນະ ພາບຂາອອກ ຂອງຜະລິດຕະພັນ, ຕອບສະໜອງຄວາມຮຽກຮ້ອງຕ້ອງ ການຂອງບັນດາຜູ້ນຳເຂົ້າ. ເຊັ່ນ: ວິສາຫະ ກິດ ໄດ້ສ້າງລະບົບສາງ ແລະ ໂຮງງານປຸງແຕ່ງຂະໜາດ ໃຫຍ່ 3 ແຫ່ງ ດ້ວຍເນື້ອທີ່ ເກືອບ 80.000 ມ2 ຢູ່ ດັກລັກ ແລະ ບິ່ງເຢືອງ ດ້ວຍກຳລັງການຜະລິດ ຫຼາຍຮ້ອຍ ໂຕນ ຕໍ່ມື້.
Với những nỗ lực đó, kể từ ngày thành lập (1993) đến nay, Simexco Daklak đã đạt được những thành quả hết sức to lớn như: tổng doanh thu đạt 83.000 tỉ đồng, tổng kim ngạch xuất khẩu đạt 3.900 triệu USD, tổng lượng cà phê xuất khẩu đạt hơn 2,2 triệu tấn, đóng góp vào ngân sách nhà nước hơn 570 tỉ đồng…
Riêng niên vụ 2022-2023, mặc dù tình hình kinh tế, sản xuất còn gặp nhiều khó khăn sau đại dịch COVID-19 và sự biến động lớn của tình hình kinh tế thế giới nhưng Simexco Daklak tiếp tục là đơn vị dẫn đầu về xuất khẩu cà phê nhân của tỉnh Đắk Lắk với 105.667 tấn, đạt kim ngạch gần 227 triệu USD.
ດ້ວຍຄວາມພະຍາຍາມ ດັ່ງກ່າວ, ນັບແຕ່ໄດ້ຮັບການສ້າງຕັ້ງ (1993) ມາຮອດປັດຈຸບັນ, Simexco Daklak ໄດ້ບັນ ລຸ ຜົນງານອັນໃຫຍ່ຫຼວງຄື: ຍອດລາຍຮັບ ໄດ້ບັນລຸ 83.000 ຕື້ດົ່ງ, ວົງເງິນສົ່ງອອກ ສູງເຖິງ 3.900 ລ້ານ ໂດ ລາສະຫະລັດ, ຍອດຈຳນວນ ກາເຟ ສົ່ງອອກ ກວ່າ 2,2 ລ້ານໂຕນ, ປະກອບສ່ວນເຂົ້າໃນງົບປະມານແຫ່ງລັດ ກວ່າ 570 ຕື້ດົ່ງ...
ສຳລັບລະດູການ ກາເຟ 2022-2023, ເຖິງວ່າ ສະພາບ ເສດຖະກິດ ແລະ ການຜະລິດ ຍັງປະສົບກັບຄວາມຫຍຸ້ງ ຍາກຫຼາຍຢ່າງ ພາຍຫຼັງການລະບາດໂຄວິດ-19 ແລະ ສະ ພາບເສດຖະກິດໂລກ ຜັນແປໄປຢ່າງສັບສົນ, ແຕ່ບໍລິສັດ Simexco Daklak ຍັງຄົງເປັນຫົວໜ່ວຍນຳໜ້າໃນດ້ານ ການສົ່ງອອກ ກາເຟ ຂອງ ແຂວງ ດັກລັກ ດ້ວຍຈຳນວນ 105.667 ໂຕນ, ມີມູນຄ່າສູງເຖິງເກືອບ 227 ລ້ານ ໂດລາ ສະຫະລັດ.
ເປັນທີ່ຮູ້ກັນວ່າ, ແຕ່ວັນທີ 1 ມັງກອນ 2023, ນະຄອນ ບວນມາທວດ, ແຂວງ ດັກລັກ ໄດ້ຮັບກົນໄກ ສະເພາະວ່າ ເປັນຕົວເມືອງ ທີ່ເປັນໃຈກາງຂອງເຂດ ໄຕງວຽນ ຢ່າງເປັນ ທາງການ ແລະ ໃນນັ້ນ ມີບັນດານະໂຍບາຍທີ່ລະອຽດກ່ຽວກັບການຊຸກຍູ້ການພັດທະນາ ຂະແໜງ ກາເຟ ເພື່ອຫັນ ບວນມາທວດ ກາຍເປັນນະຄອນ ກາເຟ ຂອງ ໂລກ.
ໜ້າໂອກາດນີ້, ກ່າວຄຳເຫັນ ໃນງານບຸນ ກາເຟ ບວນ ມາທວດ ຄັ້ງທີ 8 ປີ 2023, ທ່ານ ເລດຶກຮຸຍ, ຜູ້ອຳນວຍການໃຫຍ່ Simexco Daklak ບໍ່ອາດປິດບັງຄວາມ ປາດຖະໜາອັນແຮງກ້າເມື່ອເວົ້າເຖິງອະນາຄົດ ຂອງ ຂະແໜງ ກາເຟ ຫວຽດນາມ, ໃນນັ້ນ ມີການປະກອບສ່ວນ ບໍ່ໜ້ອຍ ຂອງ Simexco ວ່າ: “ໃນອີກມື້ໜຶ່ງ ຂ້າງໜ້າບໍ່ດົນ, ເມື່ອໂລກຄິດເຖິງ ກາເຟ robusta ຈະຄິດເຖິງ ຫວຽດນາມ ແລະ ຄິດເຖິງ ບວນມາທວດ, ນະຄອນ ກາເຟ ຂອງ ໂລກ. ຄ້າຍ ຄືກັບ ເມື່ອຄິດເຖິງ ເຫຼົ້າແວງ ຈະຕ້ອງຄິດເຖິງ Bordeaux ຂອງ ຝຣັ່ງ ແລະ ຮູບເງົາ ຈະຕ້ອງຄິດເຖິງ Hollywood ຂອງ ສ ອາເມລິກາ”.
- ບົດ: VNP/ແທງຮ່ວາ - ພາບ: ແທງຮ່ວາ, ຈິ້ງໂບ້ ແລະ ເອກະສານ Simexco Daklak - ແປໂດຍ: ຢືຟຽນ