ສັນຍາລັກ 50 ປີແຫ່ງການພົວພັນ ASEAN-ອົດສະຕຣາລີ
ໃນກອງປະຊຸມສຸດຍອດ ພິເສດສະເຫຼີມສະຫຼອງ 50 ປີແຫ່ງການສ້າງຕັ້ງສາຍພົວພັນ ASEAN-ອົດສະຕຣາລີ ທີ່ໄດ້ຈັດຂຶ້ນໃນເດືອນ ມີນາ ທີ່ນະຄອນ Melbourne, ປະເທດ ອົດສະຕຣາລີ, ຜູ້ນຳບັນດາປະເທດ ASEANແລະ ອົດສະຕຣາລີ ໄດ້ສະແດງຄວາມເພິ່ງພໍໃຈຕໍ່ການພັດ ທະນາການພົວພັນ ແລະ ຜົນການຮ່ວມມື. ເພື່ອປະກອບສ່ວນຊຸກຍູ້ການຮ່ວມມື ASEAN-ອົດສະຕຣາລີ, ທ່ານນາຍົກລັດຖະມົນຕີ ຟ້າມ ມິງຈິ໋ງ ໄດ້ເຂົ້າຮ່ວມກອງປະຊຸມ ແລະ ໄດ້ສະເໜີ 3 ບາດກ້າວບຸກທະ ລຸ, 3 ເພີ່ມທະວີ ແລະ 3 ຮ່ວມມືກັນ, ໃນນັ້ນ ມີການສູ້ຊົນຫັນວົງເງິນ ການຄ້າ ເປັນສອງເທົ່າໃນ 10 ປີຕໍ່ໜ້າ.
ພິເສດ, ນັບແຕ່ສອງຝ່າຍໄດ້ສ້າງຕັ້ງການພົວພັນຄູ່ຮ່ວມມືຍຸດທະສາດໃນປີ 2014 ແລະ ຍົກລະດັບເປັນຄູ່ຮ່ວມມືຍຸດທະສາດ ຮອບດ້ານໃນປີ 2021, ການພົວພັນສອງຝ່າຍໄດ້ຮັບຄວາມຄືບໜ້າ ຢ່າງຈະແຈ້ງ. ອົດສະຕຣາລີ ແມ່ນຄູ່ເຈລະຈາທຳອິດ ແລະ ກໍ່ແມ່ນໜຶ່ງໃນບັນດາ ຄູ່ຮ່ວມມືທຳອິດ ທີ່ສ້າງການພົວພັນຄູ່ຮ່ວມມືຍຸດທະສາດຮອບດ້ານກັບ ASEAN. ການພົວພັນລະຫວ່າງ 2 ຝ່າຍກໍາລັງພັດທະນາຢ່າງຕັ້ງ ໜ້າໃນທຸກຂົງເຂດການເມືອງ-ຄວາມໝັ້ນຄົງ, ເສດຖະກິດ, ວັດທະນະທຳ-ສັງຄົມ ແລະ ການຮ່ວມມືພັດທະນາ.
ໃນນັ້ນ, ປີ 2022, ວົງເງິນການຄ້າສອງສົ້ນ ບັນລຸກວ່າ 101 ຕື້ ໂດລາ ສະຫະລັດ, ເພີ່ມຂຶ້ນເກືອບ 20% ເມື່ອທຽບໃສ່ປີ 2021; ການລົງທຶນໂດຍກົງຈາກ ອົດສະຕຣາລີ ເຂົ້າ ASEAN ບັນລຸກວ່າ 2 ຕື້ ໂດລາ ສະຫະລັດ, ເພີ່ມຂຶ້ນ 6,5 ເທົ່າເມື່ອທຽບໃສ່ ປີ 2021, ເກືອບເທົ່າລະ ດັບກ່ອນການລະບາດໂຄວິດ-19.
ອົດສະຕຣາລີ ເປັນໜຶ່ງໃນບັນດາຄູ່ຮ່ວມມືແຖວໜ້າທີ່ສະໜັບສະໜູນ ASEAN ໃນການສ້າງປະຊາຄົມ, ສະໜອງທຶນການສຶກສາ ໃຫ້ນັກສຶກສາ ຈາກບັນດາປະເທດ ASEAN, ສະໜັບສະໜູນດ້ານການເງິນແລະ ເຕັກນິກ ເພື່ອຊ່ວຍເພີ່ມທະວີການເຊື່ອມຈອດ, ຮັດແຄບຊ່ອງຫວ່າງການພັດທະນາ ແລະ ຊຸກຍູ້ການພັດທະນາອະນຸພາກພື້ນ ແມ່ນ້ຳຂອງ ...ປຶກສາຫາລື ກ່ຽວກັບ ທິດທາງພັດທະນາການ ພົວພັນໃນໄລຍະຈະມາ ເຖິງ, 2 ຝ່າຍໄດ້ເຫັນດີເປັນເອກະພາບ ໃນຄວາມພະຍາຍາມ ສ້າງ ການປ່ຽນແປງຢ່າງແຮງໃນການຮ່ວມມືດ້ານເສດຖະກິດ, ການຄ້າ ແລະ ການລົງທຶນ ໂດຍຜ່ານການປະຕິບັດສັນຍາການຄ້າເສລີ ASEAN-ອົດສະຕຣາລີ-ນິວຊີແລນ (AANZFTA) ທີ່ຫາກໍ່ໄດ້ ຍົກລະດັບ ຢ່າງມີປະສິດທິຜົນ ແລະ ສັນຍາຄູ່ຮ່ວມມືເສດຖະກິດ ຮອບດ້ານ ພາກພື້ນ (RCEP); ພ້ອມກັນນັ້ນ, ຍູ້ແຮງການຮ່ວມມືໃນຂົງເຂດໃໝ່ເຊັ່ນ: ນະວັດຕະກຳ, ເສດຖະກິດ ດີຈີຕອນ, ການຫັນເປັນສີຂຽວ, ຫັນເປັນພະ ລັງງານ, ການຄ້າ ເອເລັກໂຕຼນິກ, ການເຊື່ອມໂຍງ... ເພື່ອກາຍເປັນກຳລັງຊຸກຍູ້ ການເຕີບໂຕໃໝ່ ຂອງ ການພົວພັນດ້ານເສດຖະກິດ.
ASEAN ຊົມເຊີຍ ທ່ີ ອົດສະຕຣາລີ ປະກາດບ້ວງເງິນຊ່ວຍເຫຼືອ 222,5 ລ້ານ ໂດລາ ອົດສະຕຣາລີ (145 ລ້ານ ໂດລາສະຫະລັດ) ໃຫ້ແກ່ການຮ່ວມມືກັບບັນດາປະເທດອະນຸພາກພື້ນແມ່ນ້ຳຂອງ, ສ້າງຕັ້ງກອງທຶນລົງທຶນມີມູນຄ່າ 2 ຕື້ ໂດລາ ອົດສະຕຣາລີ ແລະ ຂໍ້ລິເລີ່ມ ອື່ນໆ ເພື່ອຊຸກຍູ້ການຄ້າ ແລະ ການລົງທຶນ ກັບບັນດາປະເທດ ASEAN ໃນໄລ ຍະຈະມາເຖິງ.
2 ຝ່າຍເຫັນດີ ໃນການເພີ່ມທະວີການຮ່ວມມືດ້ານການເມືອງ- ຄວາມໝັ້ນຄົງ, ປ້ອງກັນປະເທດ, ການຮ່ວມມືທາງທະເລ, ຄວາມປອດໄພທາງ ອິນເຕີແນັດ, ພິເສດແມ່ນໃນຂອບເຂດບັນດາກົນໄກ ແລະ ເວທີປາໄສ EAS, ARF, ADMM+...; ພ້ອມທັງຊຸກຍູ້ການຮ່ວມມືດ້ານການສຶກສາ, ບຳລຸງສ້າງ, ການອອກແຮງງານ, ການທ່ອງທ່ຽວ, ການແລກປ່ຽນວັດທະນະທຳ, ການພົບປະແລກປ່ຽນປະຊາຊົນ, ເປັນຕົ້ນ ແມ່ນລະຫວ່າງຊາວໜຸ່ມ ແລະ ການນຳໜຸ່ມຂອງສອງຝ່າຍ....
![](https://imagevietnam.vnanet.vn//MediaUpload/Org/2024/04/12/712-15-5-31.jpg)
ເພື່ອຊຸກຍູ້ການຮ່ວມມືທະວິພາຄີ ລະຫວ່າງສອງຝ່າຍໃນໄລຍະຈະມາເຖິງ, ທ່ານນາຍົກລັດຖະມົນຕີ ຟ້າມມິງຈິ໋ງ ໄດ້ສະເໜີ 3 ບາດກ້າວບຸກ ທະລຸ (ການຮ່ວມມືດ້ານເສດຖະກິດ, ການຄ້າ ແລະ ການລົງທຶນ; ການຮ່ວມມືພັດທະນາ ແຫຼ່ງຊັບພະຍາກອນມະນຸດ; ການຮ່ວມມືດ້ານວິທະ ຍາສາດ-ເຕັກໂນໂລຊີ, ນະວັດຕະກຳ, ເຊິ່ງສຸມໃສ່ພັດທະນາເສດຖະ ກິດ ດີຈີຕອນ, ການຫັນເປັນສີຂຽວ, ເສດຖະກິດໝູນວຽນ ແລະ ບັນດາ ຂະແໜງການ, ຂົງເຂດທີ່ມີຊື່ສຽງໃໝ່ເຊັ່ນ: ຈິບ ເຄິ່ງຊັກນຳໄຟຟ້າ, ປັນ ຍາປະດິດ, ສະເໜີໃຫ້ສຶກສາຄວາມເປັນໄປໄດ້ໃນການເຈລະຈາສັນ ຍາເສດຖະກິດ ດີຈີຕອນ ASEAN-ອົດສະຕຣາລີ), 3 ເພີ່ມທະວີ (ຄວາມໄວ້ເນື້ອເຊື່ອໃຈ ທາງດ້ານການເມືອງ, ວັດທະນະທໍາ ການເຈ ລະຈາ ແລະ ສ້າງຄວາມໄວ້ເນື້ອເຊື່ອໃຈ) ແລະ 3 ຮ່ວມກັນ (ກໍ່ສ້າງພາກພື້ນທີ່ເປັນເອກະພາບ ແລະ ຢືດຢຸ່ນ; ຊຸກຍູ້ພາກພື້ນທີ່ເຄົາລົບກົດ ໝາຍສາກົນ ແລະ ການປະພຶດຕາມລະບຽບການ; ກໍ່ສ້າງ ແລະ ສ້າງໂຄງປະກອບພາກພື້ນຢ່າງເປີດກ້ວາງ, ຊຸກຍູ້ລັດທິ ຫຼາຍຝ່າຍໂດຍ ASEAN ມີບົດບາດເປັນໃຈກາງ, ເປັນປັດໄຈຫຼັກຊ່ວຍເຕົ້າໂຮມ ແລະ ນຳມາຜົນປະໂຫຍດຢ່າງກົມກຽມກັນ ລະຫວ່າງບັນດາປະເທດໃຫຍ່).
ຕາມຜູ້ຊ່ຽວຊານ Greg Earl-ອະດີດສະມາຊິກສະພາ ອົດສະຕຣາລີ- ASEAN, ທັງເປັນອະດີດນັກຂ່າວ ກ່ຽວກັບພາກພື້ນອາຊີຕາເວັນອອກສ່ຽງໃຕ້ ຂອງ ໜັງສືພິມ “The Australia Financial Review”, ຫວຽດ ນາມ ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈ ຂອງ ອົດສະຕຣາລີ ເພື່ອພັດທະ ນາ ການພົວພັນດ້ານເສດຖະກິດ ຢ່າງແໜ້ນແຟ້ນ ກັບ ຫວຽດນາມ ເວົ້າສະເພາະ ແລະ ບັນດາປະເທດ ASEAN ເວົ້າລວມ.
“ຖະແຫຼງການວິໄສທັດ ຂອງ ການນຳ ASEAN-ອົດສະຕຣາລີ-ຄູ່ຮ່ວມມືເພື່ອສັນຕິພາບ ແລະ ວັດທະນາຖາວອນ” ແລະ “ຖະແຫຼງການ Melbourne-ຄູ່ຮ່ວມມືເພື່ອອະນາຄົດ” ທີ່ກອງປະຊຸມໄດ້ຮັບຮອງເອົາ, ໄດ້ກຳນົດວິໄສທັດ ໃນອະນາຄົດ, ສ້າງແຮງຈູງໃຈ ເພື່ອພັດທະນາການພົວພັນສອງຝ່າຍ ໃນທຸກຂົງເຂດ ໃນໄລຍະຈະມາເຖິງ.
ບົດ: VNP- ພາບ: VNA- ຢືຟຽນ