ຜູ້ສະໜັບສະໜູນ ວິສາຫະກິດ ຫວຽດນາມ ຢ່າງງຽບໆ
ພົບກັບທ່ານ ອານຫງວຽນ ໃນງານສຳມະນາ ພາຍໃຕ້ຫົວຂໍ້ “ບຸກທະລຸ ເພື່ອຄວາມສຳເລັດ -ຄົ້ນພົບຄວາມຫຼົງໄຫຼ ເພື່ອການດຳເນີນທຸລະກິດ”. ລາຍການນີ້ ໄດ້ດຶງດູດຜູ້ອຳນວຍການໜຸ່ມ ໃນວົງການເລີ່ມຕົ້ນທຸກລະກິດ ຫວຽດນາມ ນັບເປັນຈຳນວນຫຼວງຫຼາຍ. ຮູບ ທ່ານ ອານຫງວຽນ ພວມແບ່ງປັນບັນດາບົດຮຽນ ແລະ ວິທີການດຳເນີນທຸລະກິດ ໃນຍຸກເສດຖະກິດ ດີຈີຕອນ ຢ່າງສຸດໃຈ ແລະ ເຕັມໄປດ້ວຍອາລົມຈິດ. ເພິ່ນ ຊ່ວຍປະຊາຄົມ ເລີ່ມດຳເນີນທຸລະກິດ ຫວຽດນາມ ສ້າງຮູບແບບການດຳເນີນທຸລະກິດ ຢ່າງສົມບູນແບບ ແລະ ມີຍຸດທະສາດ ເພື່ອດຳເນີນທຸລະກິດ ດ້ວຍກອບແນວຄິດລະດັບໂລກ.
ອານຫງວຽນ ໄປຍັງ ສ ອາເມລິກາ ເມື່ອອາຍຸ 16 ປີ. ບ້ານເກີດ ຂອງເພິ່ນຢູ່ ໄຕງວຽນ (ແຂວງ ດັກລັກ) ທ່ີເຕັມໄປດ້ວຍແສງແດດ, ສາຍລົມ ແລະ ຄວາມທຸກຍາກລຳບາກ. ເມື່ອມາເຖິງສ ອາເມລິກາ ໃໝ່ໆ ເພິ່ນຮູ້ສຶກສັບສົນ ແລະ ຍາກທີ່ຈະເຊື່ອມໂຍງໄດ້. ອານຫງວຽນ ຈະຕ້ອງຮຽນ ແລະ ເຮັດວຽກໜັກກວ່າໝູ່ ເພື່ອຝຶກທັກສະດ້ານພາສາ ແລະ ເປັນເອກະລາດ ເພື່ອຊ່ວຍໃຫ້ເພິ່ນ ເຕີບໃຫຍ່ຂຶ້ນ ເມື່ອຢູ່ໄກບ້ານເກີດເມືອງນອນ. ອານຫງວຽນ ຈົບການສຶກສາ ລະດັບປະລິນຍາຕີ ຈາກ ມະຫາວິທະຍາໄລ UC Davis ແລະ ໄດ້ຮັບໃບປະກາດ ປະລິນຍາໂທ ສາຂາບໍລິຫານທຸລະກິດ ຈາກ California State University, East Bay ເມື່ອອາຍຸພຽງແຕ່ 28 ປີ. ດ້ວຍຄວາມມານະພະຍາຍາມ ແລະ ຄວາມມຸ່ງມາດປາດຖະໜາ ຂອງຊາວ ຫວຽດນາມ ຄົນໜຶ່ງ, ອານຫງວຽນ ໄດ້ເປີດຮ້ານອາຫານຢູ່ລັດ California, ເລີ່ມດຳເນີນທຸລະກິດ ດ້ວຍຄວາມປາດຖະໜາ ຢາກເຮັດໃຫ້ວັດທະນະທຳ ການກິນດື່ມ ຫວຽດນາມ ຢູ່ ສອາເມລິກາ ເປັນທ່ີຮູ້ຈັກຍິ່ງຂຶ້ນ. ເພິ່ນເປັນ CEO ຂອງ 4 ຮ້ານອາຫານເຊັ່ນ: Gao Fresh Noodles ສະເພາະຂາຍ ເຝີ; Nam Phương Vietnamese Restaurant ຂາຍ ສະເພາະ ບັນດາອາຫານພື້ນເມືອງ ຫວຽດ, Sate Viet Grills & Banh mi ຂາຍ ສະເພາະ ເຂົ້າຈີ່ ແລະ ເຝີ, Q-Time Restaurant ຂາຍ ສະເພາະ ອາຫານຕ່າງປະເທດ. ນອກຈາກນັ້ນ, ເພິ່ນຍັງເປັນ CEO ຂອງ 12 ໂຮງຮຽນ ສອນວິຊາ ຕັດຜົມ ແລະ ເສີມສວຍ ດ້ວຍຍີ່ຫໍ້ Atlanta Beauty & Barber Academy.
ບັນດາວຽກງານ ທີ່ນຳມາຜົນສໍາເລັດໃນການດຳເນິີນ ທຸລະກິດ ເຫຼົ່ານັ້ນ ເຮັດໃຫ້ເພິ່ນ ມີລາຍຮັບ ແລະ ມີຖານະ ຢູ່ ສອາເມລິກາ, ແຕ່ນັ້ນບໍ່ແມ່ນຄວາມປາຖະຫນາ ທີ່ເພິ່ນ ມຸ່ງຫວັງ. ສິ່ງໃຫຍ່ກວ່າທີ່ເພິ່ນ ຢາກເຮັດ ແມ່ນການເຊື່ອມຕໍ່ກັບບ້ານເກີດເມືອງນອນ ຫວຽດນາມ, ເພື່ອຊ່ວຍເຫຼືອນັກທຸລະກິດໜຸ່ມ ຫວຽດນາມ ໃນການດຳເນີນທຸລະກິດ ແລະ ສ້າງອາຊີບ. ເພິ່ນ ໄດ້ສ້າງຕັ້ງ Superx Academy (ສະຖາບັນ ການສຶກສານັກ ທຸລະກິດ ຫວຽດ) ຢູ່ ສ ອາເມລິກາ ເມື່ອປີ 2022. ນີ້ແມ່ນປະຊາຄົມນັກທຸລະກິດ ລະດັບໂລກ ທີ່ມີພາລະກິດແມ່ນປະກອບສ່ວນ, ໃຫ້ ໄປ ແລະ ສ້າງຄວາມແຕກຕ່າງ. ຢູ່ສະຖາບັນການ ສຶກສາ ແຫ່ງນີ້, ເພິ່ນ ໄດ້ກໍ່ສ້າງໂດຍກົງ ແລະ ເປີດຊຸດຝຶກອົບຮົມ ເພື່ອແນະນຳ ວິທີ ການບໍລິຫານ ໃຫ້ແກ່ນັກທຸລະກິດໃໝ່, ພ້ອມກັນນັ້ນ ກໍ່ນຳພາ ນັກທຸ ລະກິດ ໄປຈາກລະດັບຕ່ຳ ສູ່ລະດັບສູງ.
ນັກສຶກສາດີໃຈທີ່ສຸດທີ່ໄດ້ຕິດຕໍ່ພົວພັນກັບທ່ານ ອານຫງວຽນ. ພາບ: ແທງຢາງ/VNP
ປີ 2023, ເພິ່ນ ແລະ SuperX Academy ໄດ້ມີໜ້າຢູ່ ຫວຽດນາມ ເພື່ອຄ່ອຍໆ ຊ່ວຍເຫຼືອ ບັນດາວິສາຫະກິດ ຫວຽດນາມ ວາງພື້ນຖານເຄື່ອງ ໝາຍການຄ້າລາຍໃຫຍ່ ອອກສູ່ໂລກ. SuperX Academy ມີຈຸດປະ ສົງຄືສະໜອງບັນດາ ໂຄງການສຶກສາ ແລະ ສຳມະນາ ເພື່ອພັດທະນາ ທັກສະ ໃຫ້ແກ່ວົງການນັກທຸລະກິດ. ໂດຍການນໍາໃຊ້ເຄື່ອງມື ພັດທະ ນາ ສ່ວນບຸກຄົນທີ່ກ້າວໜ້າໃນໂລກ, ຫຼັງຈາກນັ້ນ ແປເປັນພາສາ ຫວຽດ, SuperX Academy ຊ່ວຍໃຫ້ເຈົ້າຂອງວິສາຫະກິດ ຂະໜາດກາງ ແລະ ນ້ອຍ ເຂົ້າໃຈໄດ້ຈຸດແຂງ ແລະ ຈຸດອ່ອນຂອງຕົນ ຢ່າງຖືກຕ້ອງ, ຈາກນັ້ນ ຈຶ່ງຊອກຫາເສັ້ນທາງການ ຮຽນຮູ້ທີ່ເໝາະສົມ, ກ້າວໄປສູ່ການສ້າງທຸລະກິດ ດ້ວຍວິໄສທັດ 100 ປີ, ແທນທີ່ຈະແມ່ນ 20-30 ປີ.
ເພິ່ນ ຍັງເປັນນັກປາຖະກະຖາ ທີ່ມີຄວາມກະຕືລືລົ້ນ ແລະ Master Facilitator ຫວຽດນາມ ໜຶ່ງດຽວຢູ່ Points-of-You. ເພິ່ນ ກ່າວວ່າ: “ພວກຂ້າພະເຈົ້າ ຢືນຢູ່ເບື້ອງຫຼັງ ບັນດາການເຄື່ອນໄຫວສັງຄົມ ເພື່ອຄວາມສະເໝີພາບ ແລະ ຄວາມຈະເລີນ ຮຸ່ງເຮືອງດ້ານການສຶກສາ, ພິເສດແມ່ນຢູ່ ຫວຽດນາມ. ນັກທຸລະກິດທຸກຄົນ ທີ່ເຂົ້າຮ່ວມໃນ SuperX Academy ຈະສ້າງຜົນກະທົບ ໂດຍການເຂົ້າຮ່ວມກິດຈະກໍາ ແລະ ຫຼັກ ສູດການສຶກສາ”.
ປັດຈຸບັນ, ສະຖາບັນ SuperX Academy ພວມພະຍາຍາມສ້າງຄວາມແຕກຕ່າງໃຫ້ບັນດານັກທຸລະກິດ ຫວຽດນາມ ດ້ວຍການສະໜອງພື້ນ ຖານການສຶກສາ ລະດັບໂລກ, ຊ່ວຍເຫຼືອ ຄົນທຳມະດາ ໃຫ້ກາຍເປັນນັກທຸລະກິດ ທີ່ດີເດັ່ນ. ນັ້ນແມ່ນຄວາມມຸ່ງມາດປາດຖະໜາ ແລະ ຄວາມກະຕືລືລົ້ນ ຂອງ ອານຫງວຽນ ທີ່ມີຕໍ່ບ້ານເກີດເມືອງນອນ ຂອງຕົນ ແລະ ປະຊາຄົມ ເລີ່ມຕົ້ນ ທຸລະກິດ ຫວຽດນາມ.
ໃນເວລາຫວ່າງ, ອານຫງວຽນ ອ່ານປຶ້ມຢູ່ຫໍສະໝຸດ. ພາບ: ແທງຢາງ/VNP
ອານຫງວຽນ ໄດ້ເດີນທາງໄປຫຼາຍປະເທດເຊັ່ນ: ອິນໂດເນເຊຍ, ສິງກະໂປ ແລະ ສປ ຈີນ ພ້ອມກັບບັນດາຊຸດຝຶກອົບຮົມ ໂດຍພື້ນຖານ ຂອງ SuperX Academy. ສຳລັບວົງການນັກທຸລະກິດໜຸ່ມ ຫວຽດນາມ, ເພິ່ນໃຫ້ການສະໜັບສະໜູນ ແລະ ໃຊ້ເວລາຫຼາຍໃນຂົງເຂດນີ້. ສໍາລັບ ເພິ່ນ: ການເຫັນປະຊາຄົມ ນັກທຸລະກິດໜຸ່ມ ເຕີບໂຕ ແລະ ສ້າງທຸລະກິດ ເປັນຂອງ ຕົນເອງໄດ້ ແມ່ນກຳລັງໃຈ ເພື່ອໃຫ້ເພິ່ນ ແລະ SuperX Academy ສາມາດບືນອອກໄປໄກກວ່າອີກ.
ບົດ: VNP/ບິກເວິນ - ພາບ: ແທງຢາງ - ແປໂດຍ: ຢືຟຽນ