ບາດຈ່າງ GAIA ແລະ “ການປະຕິວັດ” ເພື່ອສົ່ງອອກ

ບາດຈ່າງ GAIA (ຢາເລີມ-ຮ່າໂນ້ຍ) ໄດ້ມີການປ່ຽນແປງຢ່າງແຮງ ເພື່ອຕາມທັນທ່າອ່ຽງ ການບໍລິໂພກເຄື່ອງປັ້ນດິນເຜົາ ຂອງບັນດາລູກຄ້າ ຄົນຮຸ່ນໜຸ່ມ ໃນປັດຈຸບັນ. ເມື່ອຄວາມຕ້ອງການໃຊ້ເຄື່ອງປັ້ນດິນເຜົາຂອງໄວໜຸ່ມ ບໍ່ພຽງແຕ່ການໃຊ້ງານ ແລະຮູບແບບເທົ່ານັ້ນ, ແຕ່ຍັງມີຄວາມເປັນເອກະລັກສະເພາະຂອງຜະ ລິດຕະພັນ ອີກດ້ວຍ. ອີງໃສ່ກຳລັງແຮງ ທີ່ມີຢູ່ແລ້ວ ຂອງໝູ່ບ້ານອາຊີບຜະລິດເຄື່ອງຫັດຖະກຳ ສິລະປະກຳ, ບາດຈ່າງ GAIA ໄດ້ປະຕິບັດຕາມທ່າອ່ຽງ ຂອງ ສ່ວນບຸກຄົນໃນແຕ່ລະຜະລິດຕະພັນເຄື່ອງປັ້ນ ດິນເຜົາຂອງຕົນ.

ບາດຈ່າງ GAIA ແມ່ນໂຮງງານຜະລິດເຄື່ອງປັ້ນດິນເຜົາ ຖືກສ້າງຂຶ້ນໃນປີ 1992. ຄືກັບໂຮງງານຜະລິດເຄື່ອງປັ້ນດິນເຜົາອື່ນໆ ທີ່ມີຢູ່ໃນບ້ານ ບາດຈ່າງ, GAIA ສ່ວນຫຼາຍແມ່ນຜະລິດເຕົ້າ, ຈອກ, ຈານ ເພື່ອຮັບໃຊ້ໃນຄອບຄົວ, ຮ້ານອາຫານຢູ່ບັນດາແຂວງ, ນະ ຄອນຂອງ ຫວຽດນາມ. ເມື່ອກະແສ ເຄື່ອງປັ້ນດິນເຜົາ ຈີນ ໄດ້ຫຼັ່ງໄຫຼເຂົ້າມາໝູ່ບ້ານຫັດຖະກໍາ ໃນໄລຍະການເປີດປະຕູ ແລະ ການເຊື່ອມໂຍງ, ໂຮງງານຜະລິດເຄື່ອງປັ້ນດິນເຜົາ ເຊັ່ນ GAIA ລ້ວນແຕ່ປະສົບກັບໂຊກຊະຕາດຽວກັນ ທີ່ບໍ່ສາມາດແຂ່ງ ຂັນໄດ້ເນື່ອງຈາກລາຄາຖືກ ແລະ ຮູບແບບທີ່ຈັບຕາ ຂອງເຄື່ອງປັ້ນດິນ ເຜົາ ຈີນ.

 

 ຮັບຮູ້ໄດ້ສິ່ງທ້າທາຍນັ້ນ, ໃນປີ 2014, ທ່ານ ຫງວຽນເຖ໋ຮຸ່ງ ນັກສຶກສາຈົບມະຫາວິທະຍາໄລ ໄດ້ຕັດສິນໃຈກັບຄືນມາຮັບໜ້າທີ່ວຽກງານໃນໂຮງງານຜະລິດເຄື່ອງປັ້ນດິນເຜົາ ຂອງ ຄອບຄົວ ດ້ວຍແນວຄວາມຄິດ “ຕ້ອງປ່ຽນແປງໃໝ່” ຜະລິດຕະພັນເຄື່ອງປັ້ນດິນ ເຜົາ ເພື່ອຕອບສະໜອງ ຄວາມຕ້ອງການ ຂອງຜູ້ບໍລິໂພກໃນປັດ ຈຸບັນ. ດ້ວຍ​ຄວາມ​ເຂັ້ມ​ແຂງ​ຂອງ​ໄວ​ໜຸ່ມ, ຮຸ່ງ ໄດ້​ກຳ​ນົດ​ທິດ​ທາງ ​ແລະ ​​ກຸ່ມລູກ​ຄ້າ​ ທີ່ GAIA ຈະ​ວາງ​ເປົ້າ​ໝາຍ, ນັ້ນກໍ່ຄືກຸ່ມ​ລູກ​ຄ້າ​ຄົນໜຸ່ມສາວ ແລະ ເພື່ອຮັບໃຊ້ຄວາມຕ້ອງການ ຂອງ ກຸ່ມລູກຄ້າປະເພດນີ້, GAIA ຈະຕ້ອງ “ປະຕິວັດ” ກ່ຽວກັບການອອກແບບ, ຮູບແບບ ແລະ ການທໍາງານ ຂອງຜະລິດຕະພັນເຄື່ອງປັ້ນດິນເຜົາໃນປັດຈຸບັນ. ຫຼັງຈາກສຶກສາຄົ້ນຄວ້າຈາກແຫຼ່ງຂໍ້ມູນຕ່າງໆ, GAIA ໄດ້ປະດິດສ້າງ ບັນດາລາຍແຕ້ມ, ຮູບແບບ ແລະ ຮູບຊົງໂດຍສະເພາະ ຂອງຕົນເອງ.

 

 ເມື່ອຄວາມຄິດ ກ່ຽວກັບການປ່ຽນແປງປະກົດຂຶ້ນ, ໂດຍບັງເອີນ GAIA ໄດ້ຕ້ອນຮັບລູກຄ້າຄົນໜຶ່ງ ມາຈາກ ຍີ່ປຸ່ນ. ລູກຄ້າຄົນນີ້ເຮັດວຽກຢູ່ວາລະສານ ສະບັບໜຶ່ງ ຂອງ ຍີ່ປຸ່ນ, ສະໜອງສະເພາະທີ່ຢູ່ຂາຍເຄື່ອງ ທີ່ໜ້າເຊື່ອຖືຂອງ ຫວຽດນາມ ໃຫ້ແກ່ບັນດາວິສາ ຫະກິດ ຍີ່ປຸ່ນ. ຮ້ານຂາຍເຄື່ອງປັ້ນດິນເຜົາ GAIA ທີ່ໄດ້ຮັບການ ຕົກແຕ່ງໃໝ່ ຂອງ ຮຸ່ງ ໄດ້ເປັນທ່ີຈັບຕາວາລະສານສະບັບນີ້ ແລະGAIA ໄດ້ກາຍເປັນທີ່ຢູ່ຂາຍເຄື່ອງ ທີ່ມີຊື່ສຽງ ແລະ ແນະນໍາການຊື້ ຂອງ ວາລະສານ ສະບັບນີ້ ຢູ່ປະເທດ ຍີ່ປຸ່ນ. ຫຼັງຈາກນັ້ນ ໂອ ກາດໃໝ່ໄດ້ເປີດໃຫ້ GAIA, ບັນດາຜະລິດຕະພັນເຄື່ອງປັ້ນດິນ ເຜົາ GAIA ໄດ້ວາງຂາຍຢູ່ຮ້ານອາຫານ ຍີ່ປຸ່ນ ຈຳນວນໜຶ່ງຢູ່ ຫວຽດນາມ ແລະ ຍັງເປັນເຄື່ອງທີ່ລະນຶກທີ່ຊາວ ຍີ່ປຸ່ນ ມັກຊື້ເອົາກັບປະເທດ.

 

ຫຼັງຈາກຮັບໃບສັ່ງຊື້ສິນຄ້າຈາກ ຍີ່ປຸ່ນ, GAIA ຍັງບັງເອີນໄດ້ຮັບ ໃບສັ່ງຊື້ ຈາກຕະຫຼາດ ສ ອາເມລິກາ. ຮຸ່ງ ມີ​ຄວາມ​ໝັ້ນ​ໃຈ​ຍິ່ງຂຶ້ນ ​ແລະ ​ຕັ້ງ​ໃຈ​ ທ່ີຈະດໍາ​ເນີນງານ ​ໄປ​ຕາມ​ທິດ​ທາງທ່ີເນັ້ນ ໃນງານສີມື ທີ່​ເປັນ​ເອ​ກະ​ລັກ​ສະ​ເພາະ, ຊັບຊ້ອນ​ ແລະ ​ທັນ​ສະ​ໄໝ.

 

ປັດຈຸບັນ, GAIA ກໍານົດຮູບແບບ ຂອງ ຜະລິດຕະພັນເຄື່ອງປັ້ນ ດິນເຜົາ ຂອງ ຕົນໃຫ້ທັນສະໄໝ ໃນດ້ານໂຄງສ້າງ, ຮູບແບບ ແລະ ໜ້າທີ່ໃຊ້ງານ. ນັ້ນໝາຍຄວາມວ່າ ປັດໄຈທີ່ເປັນຜະລິດຕະພັນຕົກ ແຕ່ງສໍາລັບເຮືອນທີ່ທັນສະໄໝ ໄດ້ຮັບຄວາມສົນໃຈເປັນພິເສດ. ບັນດາປັດໄຈເຫຼົ່ານີ້ ໄດ້ຮັບການປັບປຸງໃໝ່ ແລະ ປັບປຸງເປັນປົກ ກະຕິ ເພື່ອໃຫ້ທັນກັບແນວໂນ້ມ ການບໍລິໂພກ ຂອງ ໄວໜຸ່ມ. ພິ ເສດ, ບາດຈ່າງ GAIA ຍັງມີບັນດາຜະລິດຕະພັນແຕ້ມພາບຊີວິດ ເທິງເຄື່ອງປັ້ນດິນເຜົາ ທີ່ໄດ້ຮັບຄວາມນິຍົມຈາກລູກຄ້າຫຼາຍ. ນີ້ແມ່ນສາຍຜະລິດຕະພັນພິເສດ ເພາະວ່າ ມັນສະແດງໃຫ້ເຫັນເຖິງຄວາມເປັນເອກະລັກ ຂອງ ຜະລິດຕະພັນ. ປັດຈຸ​ບັນ, ຜະລິດ​ຕະພັນ​ນີ້​ ໄດ້​ລູກ​ຄ້າ​ຊື້​ເປັນ​ ຂອງຂວັນ​ ໃຫ້​ແກ່​ຍາດຕິ​ພີ່ນ້ອງ ​ແລະ ໝູ່​ເພື່ອນ​ພິ​ເສດ.

 

 ປະຕິບັດ: VNP/ແທງຢາງ  ແລະ ຖາວວີ - ແປໂດຍ: ຢືຟຽນ