ຍິງສາວ 9x ກັບຄວາມຫຼົງໄຫຼ ຕໍ່ຜະລິດຕະພັນ ເກີບໄມ້ ຫວຽດ
ດ້ວຍຄວາມປາດຖະໜາ ຢາກຮັກສາ ວັດທະນະທຳ ຫວຽດ ໃນຊີວິດທີ່ທັນສະໄໝ, ນາງສາວ ລີລີ ຮວ່າງ ໄດ້ນຳບັນດາຜະລິດຕະພັນ ເກີບໄມ້ ເຂົ້າໃກ້ກັບຊີວິດຜູ້ຄົນ ຍິ່ງຂຶ້ນ ດ້ວຍຫົວຄິດປະດິດສ້າງ ຂອງ ໄວໜຸ່ມ ທີ່ຍັງຄົງຮັກສາຮີດຄອງ ອັນເປັນມູນເຊື້ອ ນີ້ໄວ້.
ຍິງສາວ 9x ລີລີ ຮວ່າງ ກັບຄວາມຫຼົງໄຫຼ ຕໍ່ຜະລິດຕະພັນ ເກີບໄມ້ ຂອງ ຫວຽດນາມ. ພາບ: ພາບ: ແຄ໋ງລອງ/VNP
ລີລີ ຮວ່າງ ຮຽນຈົບສາຂາວິຊາພາສາຕ່າງປະເທດ ແລະ ບໍ່ເຄີຍຮຽນກ່ຽວກັບ ແຟຊັ່ນ ຫຼື ສິລະປະ. ແຕ່ເນື່ອງຈາກຄວາມຫຼົງໄຫຼ, ນາງ ຈຶ່ງເລືອກ ແຟຊັ່ນ ເພື່ອເລີ່ມຕົ້ນທຸລະກິດ ຂອງຕົນ.
ນາງ ໄດ້ແບ່ງປັນວ່າ: “ທໍາອິດຂ້າພະເຈົ້າເຮັດຜະລິດຕະພັນ ສໍາລັບງານລ້ຽງ, ແຕ່ຫຼັງຈາກນັ້ນ ກໍ່ຮູ້ໄດ້ວ່າ ຕົນເອງຢາກເຮັດບາງສິ່ງບາງຢ່າງ ທີ່ມີຄຸນຄ່າ ຂອງຊຸມຊົນ, ດັ່ງນັ້ນ ຂ້າພະເຈົ້າ ຈຶ່ງເລີ່ມຜະລິດ ບັນດາຜະລິດ ຕະພັນຄືນໃໝ່ ຈາກຊຸດ ລາຕີ ທີ່ລູກຄ້າສົ່ງມາ ເພື່ອບໍ່ໃຫ້ເປືອງເງິນ. ໃນເວລານັ້ນ, ຂ້າພະເຈົ້າກໍ່ເຮັດ ອ໋າວຢ່າຍ ແລະ ໄດ້ຍິນຜູ້ຍິງຫຼາຍຄົນເວົ້າເຖິງເກີບໄມ້, ດັ່ງນັ້ນ ຂ້າພະເຈົ້າຈຶ່ງໄປຊອກຮູ້ກ່ຽວກັບບັນດາຜະລິດຕະພັນ ເກີບໄມ້ ໃນວັດທະນະທຳ ຫວຽດ. ຂ້າພະເຈົ້າຮູ້ສຶກນັບຖື ແລະ ຄິດວ່າ ຕົນເອງຕ້ອງປົກປັກຮັກສາ ບັນດາຜະລິດຕະພັນ ທີ່ເປັນເອກະລັກສະ ເພາະນີ້ ຂອງ ຫວຽດນາມ”.
workshop ໄດ້ຮັບການຈັດຕັ້ງເພື່ອໃຫ້ຊາວໜຸ່ມຫຼາຍຄົນເຂົ້າໃຈບັນດາຜະລິດຕະພັນ ເກີບໄມ້ ຂອງ ຫວຽດນາມ. ພາບ: ແຄ໋ງລອງ/VNP
ເພື່ອເຮັດ ເກີບໄມ້ ທີ່ມີຄຸນຄ່າ ທາງວັດທະນະທໍາ ຫວຽດ, ລີລີ ຮວ່າງ ໄດ້ຄົ້ນຄວ້າປະຫວັດຄວາມເປັນມາ ພ້ອມທັງໄດ້ພົບປະກັບຊ່າງເຮັດ ເກີິບໄມ້ ຂອງ ຫວຽດນາມ ເພື່ອຮັບຟັງເລື່ອງລາວ ຕ່າງໆ ກ່ຽວກັບເກີບໄມ້. ຫຼັງຈາກນັ້ນນາງ ໄດ້ຮ່ວມມືກັບຊ່າງເຮັດ ເກີບໄມ້ຂອງ ຫວຽດນາມ ເພື່ອຜະ ລິດໃໝ່ ຜະລິດຕະພັນ ເກີບໄມ້ ຂອງ ຫວຽດນາມ. ບໍ່ຄືກັບ ເກີບໄມ້ ສະ ໄໝກ່ອນ ທີ່ໜັກ ແລະ ມີສຽງດັງ ກ໋ອກໆ ໃນເວລາໃຊ້, ເກີບໄມ້ ຂອງ ລີລີ ຮວ່າງ ໄດ້ຮັບການປັບປຸງ ດ້ວຍຮູບຊົງໃໝ່, ເບົາກວ່າ ແລະ ມີລວດລາຍທີ່ຈັບຕາກວ່າ. ເກີບໄມ້ ໄດ້ກາຍເປັນຜະລິດຕະພັນ ແຟຊັ່ນ ເພາະໃຊ້ໄດ້ງ່າຍ, ມີຄວາມສະດວກ ແຕ່ຍັງຄົງຮັກສາ ບັນດາວັດທະນະທຳ ອັນເກົ່າແກ່ໄວ້ໄດ້.
ລີລີ ຮວ່າງ ແນະນຳການເຮັດເກີບໄມ້. ພາບ: ແຄ໋ງລອງ/VNP
ເກີບໄມ້ ປະກອບມີສອງສ່ວນຄື: ພື້ນເກີບ ແລະ ສາຍເກີບ. ພື້ນເກີບ ໄດ້ເຮັດດ້ວຍໄມ້ທີ່ເອົາມາຈາກໂຮງງານ ຜະລິດຕະພັນຄືນໃໝ່ ຫຼື ຈາກໄມ້ທຳມະຊາດ ທີ່ສາມາດຂຸດຄົ້ນໄດ້ຢູ່ ຫວຽດນາມ. ສາຍເກີບ ຈະຖືກນໍາມາໃຊ້ໃໝ່ ຈາກຂອງເກົ່າ ແລະ ສາມາດທາສີ ໃສ່ສາຍເກີບ ຫຼື ຖັກແສ່ວບັນດາລວດລາຍ ເພື່ອເຮັດໃຫ້ມັນມີຄວາມແປກໃໝ່.
ມາຮອດ ປັດຈຸບັນ, ບັນດາຊຸດສະສົມ ທີ່ນາງສາວ ລີລີ ຮວ່າງ ເຮັດຕາມລະດູຄື: ຊຸດສະສົມ “ສີສັນລະດູບານໃໝ່” ລວມມີ ດອກຄາຍ, ດອກຊ້າງ ນໍ້າ, ປີກນົກແອ່ນ ຫຼື ເຮັດຕາມການຮ່ວມມືເພື່ອສົ່ງໄປແນະນຳຢູ່ຕ່າງປະເທດ ຈະມີຮູບດອກບົວ ທີ່ເປັນສັນຍາລັກ ຂອງ ຫວຽດນາມ. ນອກຈາກນັ້ນ, ນາງສາວ ລີລີ ຮວ່າງ ຍັງໄດ້ແນະນໍາບັນດາຜະລິດຕະພັນ ເກີບໄມ້ ເມື່ອ ໄດ້ນັກອອກແບບ ນໍາໃຊ້ເປັນອຸປະກອນເສີມ ມາພ້ອມກັບບັນດາຊຸດອອກແບບ ຢູ່ເທິງເວທີສະແດງ ແຟຊັ່ນ...
ບົດ: VNP/ເງິນຮ່າ - ພາບ: ແຄ໋ງລອງ - ແປໂດຍ: ຢືຟຽນ