Hiro ແລະ ການຟື້ນຟູສຸຂະພາບ ໃຫ້ຄົນເຈັບ ຢູ່ແຂວງ ກວາງຈີ້
ໃນຖານະເປັນນັກວິຊາການ ຟື້ນຟູສຸຂະພາບ, ທ່ານ Kawamura Hiroaki (34 ປີ) ເປັນອາສາສະໝັກ ຈາກ Hokkaido (ຍີ່ປຸ່ນ) ມາເຮັດວຽກຢູ່ໂຮງໝໍ ທົ່ວໄປຢູ່ແຂວງ ກວາງ ຈີ້. ໂດຍຜ່ານຜ່າອຸປະສັກດ້ານພາສາ, ຊີວິດການເປັນຢູ່, ພະ ຍາດລະບາດ, ເພິ່ນປາດຖະໜາຢາກຊ່ວຍເຫຼືອຄົນເຈັບ ເທົ່າທີ່ເປັນໄປໄດ້ ແລະ ແບ່ງປັນປະສົບການຫຼາຍຢ່າງກັບບັນດາທ່ານໝໍຢູ່ ຫວຽດນາມ.
ຢູ່ຫ້ອງຄົນເຈັບພາຍໃນ ຂອງ ພະແນກຟື້ນຟູສຸຂະພາບ ການ ເຄື່ອນເໜັງ ໂຮງໝໍທົ່ວໄປ ແຂວງ ກວາງຈີ້, ອາສາສະໝັກ Hiroaki ໄດ້ຊ່ວຍເຫຼືອຄົນເຈັບ ຟ້າມທິງາ ເອົາເສື້ອຄຸມເພື່ອກຽມ ໄປບໍາບັດ. ໃນຂະນະທີ່ທັງເຮັດວຽກ ແລະ ລົມກັນ, Hiro ໄດ້ຄຸ ເຂົ່າລົງຂ້າງ ໜຶ່ງເພື່ອ ຊ່ວຍປ້າ ງາ ໃສ່ເສື້ອຄຸມ, ຈາກນັ້ນກໍເອົາ ໄມ້ ຄ້ອນເທົ້າ ໃຫ້ປ້າ. ເພິ່ນເຮັດວຽກຢ່າງມີຄວາມສຸກ ຈົນຄົນນອກຄິດວ່າ ເຂົາເຈົ້າເປັນແມ່ ລູກ ກັນ.
“ຫວຽດນາມ ແມ່ນໜຶ່ງໃນບັນດາປະເທດທຳອິດ ທີ່ ຍີ່ປຸ່ນໄດ້ສົ່ງອາສາສະໝັກ ຄືນໃໝ່ພາຍຫຼັງການແຜ່ລະບາດ Covid-19. 26 ປີທີ່ຜ່ານມາ, ໂຄງການອາສາສະໝັກ ຢູ່ຫວຽດນາມ ໄດ້ ປະສົບຜົນສຳເລັດ ຢ່າງຍິ່ງ.”
(Shimizu Akira, ຫົວໜ້າຜູ້ຕາງໜ້າອົງການ JICA ປະຈຳ ຫວຽດນາມ)
Hiro ໄດ້ຊ່ວຍ ປ້າ ງາ ອອກໄປຫາຫ້ອງບໍາບັດ. ປີນີ້ ປ້າ ງາ ອາຍຸ 70 ປີ, ບ້ານເກີດຢູ່ແຂວງ ແທງຮ໋ວາ, ປັດຈຸບັນ ອາໄສຢູ່ແຂວງ ກວາງຈີ້, ໄດ້ເປັນເສັ້ນເລືອດອຸດຕັນສອງເທື່ອ. ປີນີ້, ປ້າ ງາ ໄດ້ທໍາການປິ່ນປົວ 3 ຄັ້ງ ແລະ ທໍາການບໍາບັດ ການເຄື່ອນເໜັງ ຢູ່ໂຮງໝໍ ກວາງຈີ້ ກັບອາສາສະໝັກ Hiro.
ນວດແຂນ ແລະ ມືໃຫ້ປ້າ ງາ, Hiro ຍັງໄດ້ແນະນໍາໃຫ້ ປ້າ ງາ ເຄື່ອນເໜັງມື ດ້ວຍຫຼາຍວິທີ. “ເຈົ້າຕ້ອງຜ່ອນຄາຍຮ່າງກາຍ” - ເພິ່ນເວົ້າເປັນພາສາ ຫວຽດນາມ ເຖິງວ່າ ເວົ້າບໍ່ຄ່ອງ. ຫຼັງຈາກເສັ້ນເລືອດອຸດຕັນ ຫຼື ອຸບັດເຫດ, ຄົນເຈັບ ທີ່ມາ ທີ່ນີ້ ເພື່ອປະຕິ ບັດການຟື້ນຟູ ການເຄື່ອນເໜັງ ຄ້າຍຄື ເດັກນ້ອຍ, ພວກເຂົາເຈົ້າ ຝຶກເວົ້າອີກເທື່ອໜຶ່ງ ຫຼື ຝຶກ ບັນດາຈັງຫວະ, ທັກສະທີ່ງ່າຍ ດາຍ ທີ່ສຸດ ສໍາລັບແຂນຂາ. ລູກສາວ ຂອງປ້າ ຟ້າມທິງາ ໃຫ້ຮູ້ວ່າ: “ວິ ທີທີ່ Hiro ນວດເສັ້ນ, ຝຶກຍ່າງ ໃຫ້ແມ່ຂອງຂ້າພະເຈົ້າ ໄດ້ຊ່ວຍ ໃຫ້ ເພິ່ນດີຂຶ້ນຫຼາຍ. ຄອບຄົວຂອງຂ້າພະເຈົ້າຖື Hiro ຄືພີ່ນ້ອງ”.
ຫຼັງຈາກໃຫ້ປ້າ ງາ ທໍາການບໍາບັດແລ້ວ, Hiro ໄດ້ແນະນໍາຈັງ ຫວະ ຖີບລົດຖີບໃຫ້ຄົນອື່ນ. ຕີນຂອງຄົນເຈັບ ໄດ້ຫຼຸດອອກຈາກ ແປ້ນ ຖີບ ແລະ ເບິ່ງຄືວ່າ ເຂົາບໍ່ມີຄວາມຫວັງ ກັບຂາ ທີ່ເປັນ ອໍາ ມະພາດ, Hiro ຊ່ວຍຄົນເຈັບ ຍົກຕີນກັບຄືນສູ່ຕໍາແໜ່ງ. ສຳລັບ ຄົນເຈັບທຸກຄົນ, Hiro ລ້ວນແຕ່ມີຄວາມເອົາໃຈໃສ່ ແລະ ມີອາ ລົມມ່ວນຊື່ນໃນການພົວພັນ.
Hiro ແມ່ນໜຶ່ງໃນບັນດາອາສາສະໝັກຂອງອົງການ JICA ຄົນ ທຳອິດທີ່ມາ ຫວຽດນາມ ພາຍຫຼັງເກືອບ 1 ປີ ໂຄງການອາສາ ສະໝັກຖືກໂຈະຍ້ອນການລະບາດໂຄວິດ-19. ທ່ານ Hiro ໄດ້ມາເຖິງໂຮງໝໍ ກວາງຈີ້ ເພື່ອເຮັດວຽກແຕ່ວັນທີ 18 ມີນາ 2021. ຄົນເຈັບທຸກຄົນໃນພະແນກຮູ້ສຶກລື້ງເຄີຍ ຢ່າງໄວກັບການ ປະ ກົດຕົວຂອງ Hiro ແລະ ມີຄວາມສຸກກັບ ການປິ່ນປົວຂອງ ເພິ່ນ.
ທ່ານ Hiro ກ່າວວ່າ “ນີ້ເປັນຄັ້ງທຳອິດ ທີ່ຂ້າພະເຈົ້າມາດຳລົງຊີວິດ ແລະ ເຮັດວຽກ ຢູ່ຕ່າງປະເທດ, ແຕ່ຄວາມເປັນມິດຂອງປະຊາຊົນ ໃນປະເທດນີ້ ແລະ ການສະໜັບສະໜູນໃນວຽກງານຂອງເພື່ອນຮ່ວມງານຫວຽດນາມ ເຮັດໃຫ້ຂ້າພະເຈົ້າມີແຮງ ບັນ ດານໃຈ, ຂ້າພະເຈົ້າຮູ້ສຶກມ່ວນຫຼາຍ”. ທ່ານ Hiro ຍັງໄດ້ແບ່ງ ປັນ ກັບບັນດາເພື່ອນຮ່ວມງານ ຫວຽດນາມ ກ່ຽວກັບປະສົບການຫຼາຍຢ່າງຈາກ ຍີ່ປຸ່ນ ເຊັ່ນ: ເຕັກນິກການຟື້ນຟູການ ເຄື່ອນ ເໜັງ ໃຫ້ແກ່ຄົນເຈັບ ທີ່ເປັນອຳມະພາດ, ຄວາມສຳຄັນຂອງການ ເຄື່ອນໄຫວກ່ອນກຳນົດ, ວິທີເຮັດວຽກ ຂອງ ລະບົບປະກັນສຸຂະ ພາບ ຂອງ ຍີ່ປຸ່ນ…
ທ່ານໝໍ ຟານຊວນນາມ, ຮອງຜູ້ອຳນວຍການໂຮງໝໍ ກວາງຈີ້ ໃຫ້ຮູ້ວ່າ: ທ່ານ Hiro ໄດ້ນຳເອົາຄວາມຮູ້ ຂອງ ແພດສາດ ກ້າວ ໜ້າ ຍີ່ປຸ່ນ ມາແບ່ງປັນບັນດາວິທີການດູແລ ແລະ ຄວາມຮູ້ດ້ານວິຊາຊີບ ເພື່ອໃຫ້ຄົນເຈັບສາມາດຟື້ນຕົວໂດຍໄວ. ນີ້ແມ່ນເທື່ອທີສອງທີ່ໂຮງໝໍ ໄດ້ຕ້ອນຮັບອາສາສະໝັກ JICA. ທ່ານໝໍ ນາມ ຍັງໃຫ້ຮູ້ອີກວ່າ: “ຄົນເຈັບຮູ້ສຶກດີໃຈ ເມື່ອມີອາສາສະໝັກມາ ແລະ ຫວັງວ່າ ຈະໄດ້ຮັບການປິ່ນປົວຈາກເຂົາເຈົ້າ. ຈາກນັ້ນ, ບັນດາທ່ານໝໍ ແລະ ນັກເຕັກນິກຫວຽດນາມ ກໍ່ໄດ້ຮ່ຳຮຽນເອົາປະສົບການຫຼາຍຢ່າງ”.
ໂຄງການສົ່ງອາສາສະໝັກ JICA ໄດ້ເລີ່ມດຳເນີນຢູ່ຫວຽດນາມ ເມື່ອປີ 1995. ມາຮອດປັດຈຸບັນ, ມີອາສາສະໝັກຍີ່ປຸ່ນ 700 ກວ່າຄົນ ມາຫວຽດນາມ, ເຮັດວຽກຢູ່ຫຼາຍສິບແຂວງ, ໃນນັ້ນ ມີເຂດຫ່າງໄກສອກຫຼີກ, ໃນຫຼາຍຂົງເຂດ.
ທ່ານ Hiro ຮູ້ໄດ້ວ່າ ຕ່າງກັບ ຍີ່ປຸ່ນ, ຢູ່ ຫວຽດນາມ ຄອບຄົວ ແມ່ນມີສ່ວນຮ່ວມຢ່າງຫຼວງຫຼາຍໃນການຟື້ນຟູ ການເຄື່ອນ ເໜັງ ໃຫ້ແກ່ຄົນເຈັບ, ສິ່ງດັ່ງກ່າວ ມີຄວາມສໍາຄັນ ຫຼາຍຕໍ່ຊີວິດຂອງ ຄົນເຈັບເມື່ອອອກໂຮງໝໍ. ດັ່ງນັ້ນ, Hiro ຈຶ່ງສະເໜີໃຫ້ນັກ ກາຍ ຍະພາບ ສາມາດແນະນຳຄອບຄົວ ໃຫ້ປ່ຽນວິທີອອກກຳ ລັງກາຍ ດ້ວຍຕົນເອງ, ວິທີການເບິ່ງແຍງ ຄົນເຈັບເມື່ອອອກໂຮງໝໍ.
ທ່ານ Hiro ບໍ່ມີເວລາຫຼາຍທີ່ຈະຄິດຮອດບ້ານ. ມີຄົນເຈັບທີ່ອອກ ໂຮງໝໍແລ້ວ ເຂົາເຈົ້າຍັງຕິດຕໍ່ຫາ, ສົ່ງຂໍ້ຄວາມ ທັກທາຍ, ຂອບ ໃຈ, ແຈ້ງຄວາມຄືບໜ້າ ໃນເວລາບໍາບັດ ດ້ວຍຕົນເອງ. ມີຄົນ ເອົາ ວີດີໂອ ແລະ ຖ່າຍຮູບ ຕອນທີ່ເຂົາເຈົ້າ ບໍາບັດຢູ່ເຮືອນແລ້ວ ສົ່ງໃຫ້ Hiro, ເພິ່ນເບິ່ງແລ້ວ ແລະ ໄດ້ແນະນຳໃຫ້ເຂົາເຈົ້າ ປັບ ປ່ຽນ ຈັງຫວະການບໍາບັດ. ສິ່ງທີ່ Hiro ກໍາລັງເຮັດ ແມ່ນບໍ່ ພຽງ ແຕ່ ຄວາມຮັບຜິດຊອບ ແລະ ພັນທະ ຂອງ ພະນັກງານແພດ ເທົ່ານັ້ນ, ມັນຍັງເປັນຄວາມຮັກແພງ ທີ່ຈິງໃຈ, ການເຊື່ອມຕໍ່ຈາກ ຫົວໃຈອີກດ້ວຍ.
“ດ້ວຍໂຄງການອາສາສະໝັກ, ພວກຂ້າພະເຈົ້າ ມີການຊ່ວຍ ເຫຼືອຈາກທຸກຄົນ ດ້ວຍແຮງຈູງໃຈທີ່ຈະຊ່ວຍເຫຼືອ ແລະ ເຊື່ອມຕໍ່ກັບຄົນອື່ນ. ການພົວພັນມິດຕະພາບທີ່ເປັນມູນເຊື້ອລະຫວ່າງປະຊາຊົນສອງປະເທດຈະເຮັດໃຫ້ການພົວພັນລະຫວ່າງສອງປະເທດແໜ້ນແຟ້ນຍິ່ງຂຶ້ນ. ໂຄງການ ອາສາສະໝັກໄດ້ຮັບຜົນດີຫຼາຍ ໂດຍສະເພາະຢູ່ທ້ອງຖິ່ນ, ຂັ້ນຮາກຖານ, ເຂົາເຈົ້າຊ່ວຍສ້າງຊຸມຊົນຢູ່ບ່ອນນັ້ນ ແລະ ຫຼາຍຊຸມຊົນກໍ່ຢາກຕ້ອນຮັບອາສາສະໝັກ. ຫວຽດນາມ ແມ່ນໜຶ່ງໃນບັນດາປະເທດທຳອິດທີ່ ຍີ່ປຸ່ນ ໄດ້ນຳເອົາອາສາສະໝັກຄືນໃໝ່ພາຍຫຼັງໂລກລະບາດໂຄວິດ-19. 26 ປີທີ່ຜ່ານມາ, ໂຄງການອາສາສະໝັກ ຫວຽດນາມ ໄດ້ຮັບຜົນສຳເລັດຢ່າງຕັ້ງໜ້າ. ປະຈຸບັນ, ມີຄົນ ຫວຽດນາມ ມາເຮັດວຽກຢູ່ ຍີ່ປຸ່ນ ຫຼາຍຄົນ. ບັນດາອາສາສະໝັກທີ່ກັບຄືນມາຈາກ ຫວຽດນາມ ສືບຕໍ່ໜູນຊ່ວຍຄົນເຫຼົ່ານັ້ນດ້ວຍພາສາ ຫຼື ຊີວິດການເປັນຢູ່.
(Shimizu Akira, ຫົວໜ້າຜູ້ຕາງໜ້າອົງການ JICA ປະ ຈຳຫວຽດນາມ)ບົດ ແລະ ພາບ: VNP/ຫວຽດເກື່ອງ - ແປໂດຍ: ຢືຟຽນ