GC Food - “ກ້າວຜ່ານພາຍຸ” ຂອງການຜັນແປ ເພື່ອການສົ່ງ ອອກທົ່ວໂລກ
ດ້ວຍທິດນໍາ ເຮັດກະສິກໍາສະອາດ, ເອົາໃຈໃສ່ ໃນທຸກຂັ້ນຕອນ ແລະ ການເປັນມືອາຊີບ ໃນທຸກຂັ້ນຕອນ ຂອງການຜະລິດ, GC Food ໄດ້ ແລະ ພວມພັດທະນາຢ່າງສົມບູນແບບ ເພື່ອ ກາຍເປັນ ຫົວໜ່ວຍນຳໜ້າໃນຕະຫຼາດ ຫວ້ານຫາງແຂ້ ກໍ່ຄື ຜະລິດຕະພັນ ກະເສດ ທີ່ສໍາຄັນອື່ນໆ. ໃນສະພາບທົ່ວໂລກ ມີການຜັນແປ, ແຕ່ GC Food ຍັງຄົງຕົວ ແລະ ເປັນວິສາຫະ ກິດ ຜະລິດ ຫວ້ານຫາງແຂ້ ໃຫຍ່ທີ່ສຸດ ຂອງ ຫວຽດນາມ, ສະ ໜອງສະເພາະໃຫ້ ຕະຫຼາດພາຍໃນ ແລະ ຕ່າງປະເທດ.
ປີ 2015, GC Food ໄດ້ຕັດສິນໃຈສ້າງໂຮງງານຜະລິດ ຫວ້ານ ຫາງແຂ້ ຢູ່ແຂວງ ນິງຖ້ວນ-ເມືອງເອກ ແຫຼ່ງວັດຖຸດິບ ຫວ້ານ ຫາງແຂ້ ຂອງ ທົ່ວປະເທດ. ໃນເນື້ອທີ່ກວ່າ 2 ເຮັກຕາ, ຕັ້ງຢູ່ໃນ ເຂດອຸດສາຫະກຳ ແທ່ງຫາຍ (ແຂວງ ນິງຖ້ວນ), GC Food ໄດ້ລົງທຶນເຂົ້າບັນດາຕ່ອງໂສ້ການຜະລິດ ແລະ ເຕັກໂນໂລຊີ ທີ່ທັນສະໄໝ ໄດ້ມາດຕະຖານສາກົນ. ເຕັກໂນໂລຊີ IQF ຖືກນຳເຂົ້າໃນຂະບວນການຜະລິດ, ຊ່ວຍໃຫ້ GC Food ເປັນຜູ້ນຳໜ້າໃນຂົງເຂດດັ່ງກ່າວ ຢູ່ຕະຫຼາດ ຫວຽດນາມ ແລະ ອາຊີຕາເວັນອອກສ່ຽງໃຕ້ ໃນການຍົກສູງຄຸນຄ່າຂອງ ຫວ້ານຫາງແຂ້.
ປັດຈຸບັນ, GC Food ມີບໍລິສັດ ສະມາຊິກ 4 ແຫ່ງ, ມີສຳນັກ ງານຕັ້ງຢູ່ເມືອງ ບິ່ງແທັກ (ນະຄອນ ໂຮ່ຈີມິນ) ແລະ ໂຮງງານ ຕັ້ງຢູ່ແຂວງ ນິງຖ້ວນ ແລະ ດົ່ງນາຍ. ໃນນັ້ນ ໂຮງງານປຸງ ແຕ່ງ ຫວ້ານຫາງແຂ້ ຢູ່ແຂວງ ນິງຖ້ວນ ແມ່ນໂຮງງານ ທ່ີທັນສະໄໝ ແລະ ໃຫຍ່ກວ່າໝູ່ຢູ່ ຫວຽດນາມ, ບໍລິໂພກ ປະມານ 35.000 ໂຕນຕໍ່ປີ, ເທົ່າກັບ 15.000 ໂຕນ ຜະລິດຕະພັນ ສຳເລັດຮູບ.
GC Food ໄດ້ຈຳໜ່າຍຜະລິດຕະພັນ ອອກສູ່ຕະຫຼາດ ຫຼາຍ ກວ່າ 20 ໃນທົ່ວໂລກເຊັ່ນ: ຍີ່ປຸ່ນ, ສ ເກົາຫຼີ, ບາງປະເທດໃນ ເອີຣົບ, ເອີຣົບ ຕາເວັນອອກ, ຕາເວັນອອກກາງ, ອາຊີຕາເວັນ ອອກສ່ຽງໃຕ້... ແລະ ແຂ່ງຂັນ ໄດ້ດີໃນຕະຫຼາດເຫຼົ່ານີ້. ຢູ່ພາຍ ໃນປະເທດ, ຜະລິດຕະພັນ ຫວ້ານຫາງແຂ້ ຂອງ GC Food ໄດ້ກາຍ ເປັນທາງເລືອກ ບູລິມະສິດ ຂອງລູກຄ້າລາຍໃຫຍ່ ຈໍານວນຫຼາຍ ທີ່ຜະລິດສະເພາະນົມສົ້ມ, ເຄື່ອງດື່ມ ແລະ ເຄືອ ຮ້ານອາຫານ, ຮ້ານກາເຟ ...
GC Food ໄດ້ລົງທຶນກໍ່ສ້າງໂຮງງານຜະລິດ ວຸ້ນ ໝາກພ້າວ ໃນເນື້ອທີ່ 11.000 ມ2 ຢູ່ເຂດອຸດສາຫະກໍາ ໂຮ໋ນາຍ (ເມືອງ ຈາງບອມ, ແຂວງ ດົ່ງນາຍ). ນີ້ແມ່ນໂຮງງານຜະລິດວຸ້ນໝາກພ້າວໃຫຍ່ສຸດ ຂອງ ຫວຽດນາມ ໃນປັດຈຸບັນ ດ້ວຍກຳລັງຜະລິດ ວຸ້ນໝາກພ້າວ ກວ່າ 20.000 ໂຕນຕໍ່ປີ.
ພາບ: ທົງຫາຍ/VNP
ແຕ່ປີ 2022 - 2024, ສະຖານະການໂລກ ໄດ້ມີການຜັນແປ ຢ່າງ ສັບສົນ ແລະ ບໍ່ສາມາດຄາດເດົາໄດ້, ດັ່ງນັ້ນ GC Food ໄດ້ຕິດຕາມການຜັນແປ ເພື່ອຊອກຫາວິທີແກ້ໄຂ. ແບ່ງປັນຄວາມຫຍຸ້ງຍາກ, ທ່ານ ຫງວຽນວັນຖື໋, ປະທານສະພາບໍລິຫານ GC Food ໃຫ້ຮູ້ວ່າ: “ປັດຈຸບັນ, GC Food ມີຄຳສັ່ງ ສິນຄ້າ ຈາກລູກຄ້າ ຕາເວັນອອກກາງ ຈຳນວນໜຶ່ງ ທ່ີຍັງຊັກຊ້າ. ຄຽງຄູ່ກັນນັ້ນ, ການຕໍ່ສູ້ລະຫວ່າງ ຣັດເຊຍ - ຢູແກຼນ ໄດ້ເຮັດໃຫ້ຕະ ຫຼາດຜູ້ບໍລິໂພກ ຫຼຸດລົງ, ເຮັດໃຫ້ປະລິມານ ການສົ່ງອອກ ຂອງ GC Food ເຕີບໂຕແຕ່ບໍ່ໄດ້ຕາມຄາດໝາຍ”.
ທ່ານ ຫງວຽນວັນຖື໋, ປະທານສະພາບໍລິຫານ GC Food ໃຫ້ຮູ້ອີກວ່າ ທິດທາງ ຂອງ GC Food ໃນຕໍ່ໜ້າແມ່ນ “ຢາກຂາຍສິນ ຄ້າ ໃຫ້ໄດ້ຫຼາຍກວ່າ, GC Food ພວມຊອກຫາຕະຫຼາດໃໝ່ ອີກ ຫຼາຍແຫ່ງ. ປັດຈຸບັນ GC Food ກໍາລັງຂະຫຍາຍອອກສູ່ຕະຫຼາດ ອາຊີຕາເວັນອອກສ່ຽງໃຕ້. ໃບສັ່ງສິນຄ້າ ຂອງ GC Food ໄດ້ຖືກສົ່ງອອກໄປຍັງ ອິນໂດເນເຊຍ, ມາເລເຊຍ ແລະ ໄທ. ໃນໄລຍະຈະມາເຖິງ, GC Food ຈະສືບຕໍ່ຂຸດຄົ້ນບັນດາຕະຫຼາດຕົ້ນຕໍຢູ່ ອາຊີຕາເວັນອອກ ແລະ ສປ ຈີນ. GC Food ໄດ້ເຂົ້າຮ່ວມ ງານວາງສະແດງ SIAL Shanghai 2024 ຢູ່ ນະ ຄອນ ຊຽງໄຮ້ ເພື່ອຊອກຫາລູກຄ້າໃໝ່ ໃນຕະຫຼາດ ຈີນ ແລະ ໃນເບື້ອງຕົ້ນໄດ້ຮັບການຕອບຮັບ ຢ່າງຕັ້ງໜ້າ”.
ເປົ້າໝາຍ ຂອງ GC Food ແມ່ນບັນລຸລາຍຮັບ ໃຫ້ໄດ້ 573 ຕື້ດົ່ງໃນປີ 2024, ອັດຕາການເຕີບໂຕຕໍ່ປີໃຫ້ບັນລຸ ກວ່າ 30% ໃນ 5 ປີຕໍ່ໜ້າ.