EHERBAL ນຳໃຊ້ເຕັກໂນໂລຊີ ອົບແຫ້ງ ເພື່ອຜະລິດ ຜະລິດຕະພັນກະເສດ ຂອງ ຫວຽດນາມ
ບໍລິສັດເຄື່ອງຈັກ HP ຫວຽດນາມ ໄດ້ຮັບການສ້າງຕັ້ງຂຶ້ນ ເມື່ອ ປີ 2017 ເບື້ອງຕົ້ນເປັນພຽງບໍລິສັດເຕັກໂນໂລຊີ ໜຶ່ງ. ພະນັກງານຫຼັກ ຂອງ ບໍລິສັດໃນເບື້ອງຕົ້ນລ້ວນແຕ່ຈົບການ
ສຶກສາດ້ານກະສິກໍາ, ດັ່ງນັ້ນເຂົາເຈົ້າມີຄວາມກະຕືລືລົ້ນ ໃນ ການພັດທະນາໂຄງການລົງທຶນດ້ານເຕັກໂນໂລຊີ ໃນດ້ານ ນີ້. ທ່ານນາງ ເລທິຢວຽນ, ຜູ້ອຳນວຍການບໍລິສັດ HP ໃນເວລານັ້ນເປັນຜູ້ຊ່ຽວຊານ ດ້ານກະສິກຳ, ເພິ່ນໄດ້ເດີນທາງໄປຫຼາຍປະເທດ ເພື່ອຊອກຮູ້ກ່ຽວກັບເຕັກໂນໂລຊີ ແລະ ກົນຈັກທີ່ທັນສະໄໝ ຂອງໂລກ ແລະ ຄິດໃນໃຈວ່າ: ເປັນຫຍັງບໍ່ນຳເຂົ້າກົນຈັກທີ່ທັນສະໄໝ ຂອງ ໂລກມາ ປັບປຸງຜະລິດຕະພັນກະເສດຂອງ ຫວຽດນາມ. ຍາມໃດເພິ່ນກໍ່ມີຄວາມຫ່ວງໃຍເມື່ອເຫັນຄວາມສາມາດບົ່ມຊ້ອນຂອງບັນ ດາຜະລິດຕະພັນກະເສດ ຂອງ ຫວຽດນາມ ຈາກຜັກ, ໝາກໄມ້... ມີຄວາມອຸດົມສົມບູນ ແຕ່ວຽກງານປົກປັກ ຮັກສາ ແລະ ຮັກສາຄວາມສົດ ຫຼື ປຸງແຕ່ງ ໃຫ້ເປັນ ບັນດາຜະລິດຕະພັນທີ່ຈຳເປັນ ແມ່ນຕະຫຼາດຍັງບໍ່ທັນເຮັດ. ເມື່ອ HP ຫວຽດນາມ ໄດ້ສ້າງຕັ້ງບັນດາໂຄງການຜະລິດ ຜະລິດຕະ ພັນກະເສດ ຂອງ ຫວຽດນາມ ພາຍໃຕ້ຍີ່ຫໍ້ Eherbal, ທ່ານນາງ ຢວຽນ ແລະ ບັນດາເພື່ອນຮ່ວມງານ ໄດ້ໃຊ້ເວລາ ໄປ ຊອກຫາ ເພື່ອນຳເຂົ້າບັນດາກົນຈັກ ທີ່ທັນສະໄໝທີ່ສຸດ ມາໜູນຊ່ວຍການຜະລິດ. Eherbal ໄດ້ລົງທຶນໃນລະບົບເຄື່ອງ ອົບຜັກ, ຫົວ ແລະ ໝາກໄມ້ຂະໜາດໃຫຍ່ (ສາມາດຜະ ລິດໄດ້ 4 ໂຕນ/ມື້). ນີ້ແມ່ນເຄື່ອງຈັກ ທີ່ທັນສະໄໝທີ່ສຸດໃນຂະແໜງຜະລິດ ຜະລິດຕະພັນກະເສດທີ່ນຳໃຊ້ເຕັກໂນໂລຊີ ການອົບແຫ້ງ ເພື່ອຜະລິດແປ້ງຜັກ ແລະ ແປ້ງ ໝາກໄມ້ ເຊິ່ງຢູ່ຫວຽດນາມ ມີຈໍານວນວິສາຫະກິດ ນຳໃຊ້ບໍ່ຫຼາຍ.
ບັນດາຜະລິດຕະພັນ ຂອງ Eherbal ປະກອບມີ: ແປ້ງທັນ ຍາຫານຫ້າຊະນິດ OmiPure, ແປ້ງທັນຍາຫານ ຫ້າຊະນິດ NutriPure, ນໍ້າມັນໝາກ Macca, ຜະລິດຕະພັນ ສະໜອງ vitamin ແລະ detox, ແປ້ງຜັກຄາວທອງ, ແປ້ງຜັກ ໜອກ, ແປ້ງຫົວ ກາຣົດ, ແປ້ງຜັກກະຫຼໍ່າດອກ ຂຽວ, ແປ້ງ matcha, ແປ້ງໝາກມ່ວງ e-mango, ແປ້ງໝາກມ່ວງ e-mango plus, ແປ້ງໝາກສີດາ, ແປ້ງໝາກ ຖົ່ວລຽນ, ແປ້ງໝາກ ມັງກອນ ຂາວ, ແປ້ງໝາກມັງກອນ ແດງ, ຊາ ເຫັດຫຼິນຈື້, ຊາ ບິ່ງ ເຊີນ... ທັງໝົດລ້ວນແຕ່ໄດ້ມາດຕະຖານ FDA ຂອງ ສ ອາ ເມລິກາ ແລະ ມາດຕະຖານສົ່ງອອກທົ່ວໂລກ.
ເມື່ອມໍ່ໆມານີ້, Eherbal ໄດ້ວາງສະແດງ ແລະ ແນະນຳບັນ ດາຜະລິດຕະພັນ ແປ້ງຜັກ, ໝາກໄມ້, ທັນຍາຫານຫ້າຊະ ນິດຢູ່ ລັດເຊຍ, ທ່ານນາງ Sayanok Anastacia Urievna - ຫົວໜ້າກົມຮ່ວມມືພັດທະນາກັບ ຫວຽດນາມ ຂຶ້ນກັບສະມາ ຄົມຜູ້ນຳເຂົ້າ ແລະ ສົ່ງອອກຂອງ ລັດເຊຍ ໄດ້ຕີລາຄາສູງບັນດາຜະລິດຕະພັນຂອງ Eherbal ຕໍ່ຕະຫຼາດ ເອີຣົບ. Eherbal ວາງເປົ້າໝາຍຍຸດທະສາດແມ່ນວິສາຫະກິດຜະ ລິດ ຢາຄຸນນະພາບສູງແຖວໜ້າຂອງຫວຽດນາມ, ຂຸດຄົ້ນມູນຄ່າຜົນລະປູກສູງ, ເພີ່ມຄຸນຄ່າມະນຸດ, ປະກອບສ່ວນເຂົ້າໃນການຫັນເປັນສາກົນ ຂອງ ບັນດາຜະລິດຕະພັນກະເສດ ຫວຽດນາມ.
ປັດຈຸບັນ, Eherbal ໄດ້ສ້າງຂົງເຂດປູກຜັກໜອກ, ຜັກຫອມ ເຮີດ, ຜັກຊີ ຝຣັ່ງ, ຜັກຄາວທອງ... ຢູ່ ຈ້ຽວເຊີນ (ແທງຮວາ) ແລະ ເປີດໂຮງງານ ໄດ້ມາດຕະຖານ GMT ຢູ່ ເມືອງ ເຈືອງ ໝີ໋, ຮ່າໂນ້ຍ, ສ້າງວຽກເຮັດງານທຳໃຫ້ແກ່ຄົນງານທ້ອງຖິ່ນຫຼາຍຮ້ອຍຄົນ. Eherbal ໄດ້ພັດທະນາ ປະເພດຜະລິດຕະພັນແມ່ນຜັກ, ໝາກໄມ້ ຂອງ ຫວຽດນາມ ສົມທົບກັບເຕັກໂນໂລຊີ ອົບແຫ້ງ ຕາມມາດຕະຖານສາກົນ ເພື່ອສ້າງບັນ ດາຜະລິດຕະພັນ ເພື່ອສຸຂະພາບ ຫຼາຍຢ່າງໃຫ້ແກ່ຊຸມຊົນ, ປະກອບສ່ວນຊຸກຍູ້ພື້ນຖານກະສິກຳ ຄຸນນະພາບສູງຂອງ ຫວຽດນາມ ພັດທະນາ.
ແບ່ງປັນກ່ຽວກັບຈຸດເດັ່ນ ຂອງ ການນຳໃຊ້ເຕັກໂນໂລຊີອົບແຫ້ງ ແລະ ເຕັກໂນໂລຊີ ບົດແປ້ງດ້ວຍຄົກຫີນ ເພື່ອເຮັດໃຫ້ມີເນື້ອແປ້ງທຳມະຊາດ, ທ່ານນາງ ເລທິຢວຽນ (ຜູ້ອຳນວຍການບໍລິສັດໃຫ້ຮູ້ວ່າ: ເຕັກໂນໂລຊີອົບແຫ້ງ (ຫຼືເອີ້ນອີກວ່າການອົບແຊ່ແຂງ) ແມ່ນວິທີອົບແຫ້ງຜັກຂຽວໂດຍໃຊ້ອຸນ ຫະພູມຕ່ຳ ແລະ ຄວາມດັນຕໍ່າ ເພື່ອເອົານ້ຳອອກ ໂດຍບໍ່ ເຮັດໃຫ້ສີ ຫຼື ປ່ຽນແປງໂຄງສ້າງຂອງເສັ້ນໃຍ ແລະ ສານອາ ຫານ ຕ່າງໆ ໃນຜັກ. ການນຳໃຊ້ເຕັກໂນໂລຊີ ບົດແປ້ງ ດ້ວຍຄົກຫີນ ແມ່ນວິທີການບົດຜັກຂຽວ ຫຼັງຈາກໄດ້ອົບແຫ້ງ ແລ້ວ. ຂັ້ນຕອນ ດັ່ງກ່າວແມ່ນເຮັດດ້ວຍຄົກຫີນ ຫຼື ຈັກບົດ ພິເສດ ເພື່ອບົດຜັກ ເປັນແປ້ງ ຫຼື ເມັດ. ດ້ວຍການ ປະສົມ ສົມທົບ ລະຫວ່າງສອງເຕັກໂນໂລຊີດັ່ງກ່າວ, Eherbal ໄດ້ ນໍາມາ ໃຫ້ແກ່ຜູ້ໃຊ້ ບັນດາຜະລິດຕະພັນທີ່ສະອາດ, ບໍລິສຸດ 100%, ຮັກສາສານອາຫານສູງສຸດ ໃນຜັກສີຂຽວ ແລະ ມີ ຄວາມ ສະດວກສະບາຍ ແລະ ງ່າຍຕໍ່ການນໍາໃຊ້. ໃນຍຸດທະສາດພັດທະນາ 5 ປີຕໍ່ໜ້າ, Eherbal ຈະຜັນຂະຫຍາຍບັນດາເນື້ອທີ່ປູກຜັກຢູ່ໂຮງງານ ທີ່ເມືອງ ເຈືອງໝີ໋ (ຮ່າໂນ້ຍ) ເພື່ອພັດທະນາລະບົບນິເວດການຜະລິດແບບ ຄົບວົງຈອນ ແລະ ພິເສດແມ່ນຂະຫຍາຍຕະຫຼາດສົ່ງອອກໄປຍັງ ສ ອາເມລິກາ, ຍີ່ປຸ່ນ ແລະ ສ ເກົາຫຼີ, ພະຍາຍາມເຮັດໃຫ້ Eherbal ເປັນຍີ່ຫໍ້ແຫ່ງຊາດ ທີ່ເຂັ້ມແຂງ ໃນຂະແໜງ ການ ປຸງແຕ່ງ ຜະລິດຕະພັນກະເສດ.
ປະຕິບັດ: VNP/ບິກເວິນ ແລະ ຫວຽດເກື່ອງ - ແປໂດຍ: ຢືຟຽນ